2 Ŋirw. 5:27 - Ebaibul

²⁷ Aŋun, ikitapakin tokona iyoŋ atapon a Naaman; etapakin daŋ loletok kon ŋikaru ka ŋikaru.” Abu Geasi torotoki ekwaŋ akuwan keŋ kia, ileleba atapon.

2 Ŋirw. 5:27 Iomraidhean Croise

2 Sam. 3:29

Pena ŋakiro ka atwanare ka Abiner nakou a Yoab ka neni a ŋituŋa a ekal a papa keŋ daadaŋ. Agasi ayoŋ nyebucar ŋituŋa a ekal a Yoab nyebucar ipei daŋ emam ajeme ŋina iposiposi, kori atapon, kori ŋini elosi a ŋakito, kori ŋini nyearyo ke ekileŋ, kori ŋini nyicanakin akimuj.”

2 Ŋirw. 15:5

Abu Ekapolon kisican erwosit Asaria, inak adyak atapon anakiyar keŋ a daadaŋ, kiboiye epakara kai keŋ bon. Arae Yosam lokoku keŋ iŋes apolokinit akai ŋina ke erwosit ka daŋ kipukate ŋituŋa.

2 Ŋirw. 5:1

Arae Naaman ekarikiton ŋasigarya ŋuna ke erwosit a ŋolo ka Aram. Arwo iŋes nooi ka amina erwosit iŋes, anerae abu Ekapolon kisitiya Naaman, kilounia erwosit ka Aram ŋimoe keŋ. Nai abu arwonit todyakakin atapon.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 4:6

Tema nabo Ekapolon neni a Moses, “Kirepa akan kon lolou kon anatorobu.” Kirepa Moses akan keŋ lolou natorobu, ani elemuni kiŋa, toryamu kikamu atapon akan keŋ, kekwaŋiar kya.

Osea 10:13

Ipotu iyes kiwuakis lotai kus aronis, ido ipotu iyes toryamut ŋuna nyiyookino, idaut iyes aryamun akisicanet aŋuna ka alyokonu kus. Aŋuna iponiata iyes kikinyoma agogoŋu kus a ŋikulepek ka neni a ŋasigarya kus a ŋuna alalak,

Ŋilep. 13:10

Isyeme esacaradoti ituŋanan ŋin, ido ani keyai neni ekwaŋ neni ebuunit anamuny ka akuwan keŋ, neni kitokwaŋia ŋajul aneni elomunitor edeke ŋol ka keyai neni ilebulebunit a nen,

Ŋilep. 13:25

emaikina esacaradoti kisyeme ibore ŋini ilebulebunit ŋin. Ani kekwaŋunito ŋajul ŋuna eya neni ilebulebunit nen, ido kicukuliyoro nen, erae edeke ŋol edeke ŋolo etapaana; elomunit anapores. Emaikina esacaradoti tolimo atemar itoroniyaritae ituŋanan ŋin. Erae edeke ŋol ŋolo etapaana.

Ekim. 12:10

Ani eakari adis alokidiama eema ŋolokilipet, abu atapon kikam Miriam, abu akuwan keŋ tokwaŋiar kikwaanikin ka ŋalepan. Ani iŋoliyari Aron neni a Miriam, kiŋolik atemar kikamu atapon Miriam.

Ŋitic. 5:10

Atipei, topokor Sapira alokiŋaren Petero, totwan alodiyete ŋakejen keŋ. Ani elomunete ŋisorok toryamut iŋes ketwana, yaasi kiŋa, tonuka diyete ekile keŋ.

Ŋitic. 5:5

Ani iirari Anania ŋakiro ŋun, topokor, totwan. Tobul ŋituŋa daadaŋ ŋulu eirarete ŋakiro ŋun.

Ŋitic. 8:20

Nai kiŋenyak Petero iŋes tema, “Totwania iyoŋ kaapei ka ŋikonisiliŋa! Itami mono iyoŋ kire atemar ipedori aryamun ainakinet ŋina ka Akuj a ŋisiliŋa a?

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

Yos. 7:25

Abu Yosua tema, “Kaanukiro ikiinakinia iyoŋ isua ŋican? Ikisicani Ekapolon Akuj iyoŋ nakoloŋit na.” Kiruwakis Ŋisirael daadaŋ Akan ka ŋituŋa keŋ a ŋamoru, tocakae ikes ka ŋibaren kec, tosodi kicunyakinae.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!