2 Ŋirw. 5:26 - Ebaibul

²⁶ Nai kiŋit Elisa iŋes tema, “Ikwa pa ikirukit ayoŋ ka iyoŋ alotau apaki ŋina adokunia ituŋanan anagaari a ŋaŋolei akisiryam iyoŋ a? Erae mono na apaki ŋina emaikina kijaununeere ŋisiliŋa, ŋilowi, ŋimanikorin ŋulu a ŋikito ka akimyet, epiini, ŋamesekin, ŋimoŋin, ŋipi ka ŋapi a?

2 Ŋirw. 5:26 Iomraidhean Croise

Akisy. 14:23

atemar nyayai ayoŋ tari eusi, kori arukan ŋina ka amukat, kori ibore daadaŋ ŋini erae ŋini kon, ikotere acepaki nyitema iyoŋ, ‘Etabar ayoŋ Aburam.’

2 Ŋirw. 5:16

Nai towou Elisa tema, “Ikwaŋinapei eyarya Ekapolon ŋolo etiyae ayoŋ etic keŋ, nyacamuni ayoŋ akiya idiobore!” Kimaima Naaman Elisa acamun, nai abu Elisa towou jik.

2 Ŋirw. 6:12

Toboŋok epei a ŋikapolok a ŋasigarya keŋ tema, “Ekapolon, mam ipei daŋ. Erae ekadwaran ŋolo enyaritae Elisa alo Isirael, iŋes elimonokini erwosit a Isirael ŋakiro ŋuna irworo iyoŋ anagule kon a ŋina iperi iyoŋ.”

Ŋikiru. 63:11

Nai elelyani erwosit aneni ka Akuj; ikes daadaŋ ŋulu ikoŋete alokiro ka Akuj, eryamunete alelyanu, anerae isililiŋio ŋulu alyokonok.

Ŋakit. 12:19

Erubakinete ŋakiro ŋuna a kire ŋikaru, nai euruwuana apaki ŋina irworore ŋuna ka alyokonu.

Ŋakit. 12:22

Erae asiilyo aneni ke Ekapolon akirworo alyokonu, nai elakara Ekapolon aŋuna a ŋituŋa a ŋulu itiyaete ŋuna a kire.

Yer. 45:5

Ani bo iyoŋ, iitanit iyoŋ ŋakiro ŋuna apolok aŋuna kon a elope a? Nyiitan ŋun, anerae alosi ayoŋ ayaun akisicanet neni a ŋituŋa a daadaŋ, nai iuni iyoŋ akiyar kon aneni daadaŋ ilosi iyoŋ.”

Agai 1:4

“Erae mono na apaki kus ŋina iboiyoto iyes anakais a ŋuna edukuk ejok tari kidiama, kiboiye Akai na eritakina a?”

Mat. 10:8

Kitaŋaleutu ŋikadyakak, kiteyarutu ŋikatwak, kitesegutu ŋulu ka atapon ka kiritanasi ŋipyan; ipotu iyes toryamut koŋin, aŋun, kipotosi iyes daŋ koŋin.

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋitic. 5:9

Tolimok Petero iŋes tema, “Kaanukiro iponiata iyoŋ ka lokile kon tocamut akikatakin Etau ŋolo ke Ekapolon? Topupok! Ipupi iyoŋ ŋakejen alopuke a? Erae ŋuna a ŋisorok a ŋulu sek alosito akinuk lokile kon, ikidakarete ikes iyoŋ daŋ kiŋa.”

1 Ŋikor. 5:3

Aneni kaŋ, adau ayoŋ alokiro ke Ekapolon Yesu atubokin ŋini itiyae ŋun esibit kikirukit iyes ka ayoŋ alo Korinto, tari daŋ kalwana ayoŋ aneni kus, ikirukit iyes ka ayoŋ jik alotau kaŋ. Apaki ŋina itukokinotor iyes ka apedor a ŋina ke Ekapolon yok Yesu, ikirukit iwon kaapei alotau.

Ŋikol. 2:5

Anerae tari kalwana ayoŋ aneni kus, ikirukit iwon alotau ka alelyani ayoŋ aŋuna ka akimorikina kus ka ayenut epite ŋolo icasitor anupit kus alotooma Kristo.