2 Ŋirw. 5:25 - Ebaibul

²⁵ Tolot Geasi tooma neni ayai ekapolon keŋ Elisa. Kiŋit Elisa iŋes tema, “Ai ilosit iyoŋ Geasi?” Toboŋok Geasi tema, “Ekapolon, mam jik neni alosit ayoŋ; ayai ayoŋ ne pei ne.”

2 Ŋirw. 5:25 Iomraidhean Croise

Akisy. 16:8

Kiŋit emalaika iŋes tema, “Agar, apese ŋina irae apito a Sarai, ai ibunio iyoŋ ka ai ilosi iyoŋ?” Tema Agar, “Adokinit ayoŋ aneni a Sarai a akapolon kaŋ.”

Akisy. 4:9

Kiŋit Ekapolon Kain tema, “Ai eyai lokaato kon Abel?” Toboŋok Kain tema, “Nyayeni ayoŋ, arae ayoŋ ekeyokon lokaato kaŋ a?”

2 Ŋirw. 20:14

Bu nai ekadwaran Isaya neni ke erwosit Esekia kiŋit tema, “Ŋakiro anu irworosi ŋituŋa ŋul? Ai aponiata ikes?” Toboŋok Esekia tema, “Eponito ikes anakwap a ŋina alwanan nooi a ŋina enyaritae Babilon.”

2 Ŋirw. 5:22

Toboŋok iŋes tema, “Mam, nai ekeyakuunit ekapolon kaŋ ayoŋ neni kon atemar, ‘Adolut neni kaŋ ŋituŋa ŋiarei ŋulu ka atukot a ŋikadwarak anakwap a Epuraim a ŋina a ŋikamukumukui; ekelipit iyoŋ etalantait epei ŋolo ke esilipa ta ŋilowi ŋiarei ŋulu ilocokinioto ikes ŋulu enapito.’ ”

2 Ŋakiro a ŋirwa 26:19

Apotu ŋakiro ŋun kitoŋoa Usia, ido apaki ŋin, atiŋit Usia ibore ŋini icunyere ekinyate, ani eŋoi iŋes a ŋakiro a ŋuna alimunete ŋisacaradotin, kikamu atapon ereet keŋ eriŋa ewoi alokiŋaren ŋisacaradotin alo Kai ka Akuj alodiyete Namuroet ŋina ecunyere ekinyate.

Ŋakit. 30:20

Erae lu ŋipitesyo ŋulu ka akaloman: Ani imuji iŋes, eninae akituk jik ido ebala, ‘Mam ibore ŋini aronon ŋini etiyat ayoŋ.’

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Mat. 26:21

Ani eriŋa ikes imujete tolimu iŋes tema, “Akalimokini ayoŋ iyes kire atemar, akalukini ayoŋ epei alokidiŋ kus.”

Yoa. 13:2

Ani imujete ikes eboŋ, keris Satan, aŋuna ka alukinio Yesu, keloma lotau a Yuda Isikariot, a ŋolo arae lokoku a Simoni.

1 Sam. 10:14

Kiŋit mamae keŋ Saul ke eketiyan a Saul tema, “Ai ilosito iyes?” Toboŋok Saul tema, “Ewararitae isua ŋisigirya; ani nai eyenunio isua atemar nyeriŋa etakanunete, aponi isua tolotoi neni a Samuel.”