2 Ŋirw. 5:15 - Ebaibul

¹⁵ Toboŋosi nai Naaman ka ŋisigarya keŋ neni ke Elisa. Towo Naaman alokiŋaren Elisa tema, “Ayenu tokona ayoŋ atemar mam anakwap a daadaŋ neni eyai Akuj mati Isirael bon; tocamu tokona ainakinet aneni kaŋ a eketiyan kon.”

2 Ŋirw. 5:15 Iomraidhean Croise

Akisy. 33:11

Ekelipit ayoŋ iyoŋ, tocamu ainakinet kaŋ na ŋina ikiinunitae iyoŋ, anerae etiya Akuj neni kaŋ ejok nooi, ido ayakar ayoŋ ibore daadaŋ ŋini acamit.” Aŋuna abunio Yakob torubak edyekit Esau, abu Esau tocamu akijaar ainakinet a Yakob.

1 Ŋirw. 13:7

Tema nai erwosit neni a ekile a ŋolo arae ituŋanan ŋini ka Akuj, “Bua apena lore emuja, ido okoinak ayoŋ iyoŋ ainakinet.”

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

2 Ŋirw. 19:15

Kilip Esekia neni ke Ekapolon tema, “Okoe Ekapolon ŋolo irae Akuj a Ŋisirael. Iyoŋ ŋolo iboi alokicoloŋ a ŋolo alokidiŋ Ŋikerubim. Iyoŋ bon irae Akuj a ŋakwapin a daadaŋ. Iyoŋ ibu tosub nakuj ka akwap.

2 Ŋirw. 19:19

Tokona Ekapolon, iyoŋ ŋolo irae Akuj kosi, tolakunae isua aneni a Senakerib, ikotere toyenut ŋakwapin a daadaŋ atemar iyoŋ bon irae Akuj.”

2 Ŋirw. 5:8

Nai, ani iirari ekadwaran Elisa atemar acilicili erwosit ŋilowi, kiyakiya akirot lorwosit tema, “Kaanukiro iciliciliya iyoŋ ŋilowi kon? Kimyek Naaman bu neni kaŋ, ikotere eyenuni atemar eyai ekadwaran Isirael.”

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 45:6

ikotere eyenunete ŋituŋa ŋinapei alo Kide tari To atemar emam akuj ace mati ayoŋ bon; arae ayoŋ Ekapolon, emam ece mati ayoŋ bon.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Dan. 3:29

Aŋun, alimu ayoŋ ŋakiro nu: Ituŋanan daadaŋ, kori ŋakwapin, kori ituŋanan a aŋajep adio, ŋulu iyanyete Akuj a Sadirak, Mesak ka Abedinego, etubutubooryo ŋakejen ka ŋakan ka ituworyo akai keŋ ŋamoru ŋuna etukosi koŋin, anerae emam akuj ace ŋina epedori alakun lopite lo.”

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Ŋirom. 10:10

Anerae ikinupit iwon alotai yok, ido ikituruwor ŋulu ikiyookino alokiŋaren Akuj; ikilimu iwon a ŋakitukwa yok, ido ikiun.

2 Ŋikor. 9:5

Aŋun, abu ayoŋ otamu atemar ejok akiŋitakin ŋikaitotoi ŋul aberun neni kus eriŋa ayoŋ, ikotere kitemokis ŋainakineta ŋuna iikinito iyes alemun. Kitemokino nai erae ŋainakineta ŋuna icamito iyes ŋilopeyek alemun, meere ŋuna ikitiŋakinitae.

Yos. 9:24

Toboŋokis ikes Yosua temasi, “Aponi isua kitiyae ŋun ekapolon, anerae ikipotu kire eirasi atemar eciki koloŋ Ekapolon ŋolo erae Akuj kus Moses eketiyan keŋ ainakin iyes akwap daadaŋ, tosodo toara ŋituŋa daadaŋ ŋulu elomito nen. Ikipotu isua etiyata ŋun aŋuna abunio itobulyo nooi, tocamunae aiun akiyar kosi.

Yos. 9:9

Toboŋokis ikes temasi, “Ikiponit isua anakwap a ŋina alwanan nooi ekapolon, anerae ikipotu eirasi ŋakiro ŋuna a Ekapolon a ŋolo erae Akuj kus. Ikipotu eirasi ŋakiro daadaŋ ŋuna etiyae iŋes alo Ijipit

1 Sam. 25:27

Tocamak ekapolon kaŋ, ainakinet na, ŋina ayaunit ayoŋ aketiyan kon neni a ekapolon kaŋ, inakinae neni a ŋikajiok a ŋulu irukito ka iyoŋ.

1 Sam. 9:7

Tema nai Saul neni a eketiyan a ŋol, “Ani nai tokona kelosi iwon neni keŋ, nyo eayo iwon ataca ekile ŋol? Anerae adaun ŋamugati alocweei yok, ido mam ainakinet ŋina eayo iwon neni ke ekile a ŋolo erae ituŋanan ŋini ka Akuj a ŋol. Nyo eyakare iwon?”