2 Ŋirw. 5:1 - Ebaibul

¹ Arae Naaman ekarikiton ŋasigarya ŋuna ke erwosit a ŋolo ka Aram. Arwo iŋes nooi ka amina erwosit iŋes, anerae abu Ekapolon kisitiya Naaman, kilounia erwosit ka Aram ŋimoe keŋ. Nai abu arwonit todyakakin atapon.

2 Ŋirw. 5:1 Iomraidhean Croise

2 Sam. 3:29

Pena ŋakiro ka atwanare ka Abiner nakou a Yoab ka neni a ŋituŋa a ekal a papa keŋ daadaŋ. Agasi ayoŋ nyebucar ŋituŋa a ekal a Yoab nyebucar ipei daŋ emam ajeme ŋina iposiposi, kori atapon, kori ŋini elosi a ŋakito, kori ŋini nyearyo ke ekileŋ, kori ŋini nyicanakin akimuj.”

2 Ŋirw. 4:8

Akoloŋit apei, abu Elisa kitor Sunem neni ayai aberu ŋina abarit, tonyarau iŋes akimuj. Aŋun, ŋapakio daadaŋ ŋuna ameanakinia iŋes erot ŋolo etorit nakwap ŋin, ariyenene iŋes Sunem akimuj.

2 Ŋirw. 5:2

Akoloŋit apei eŋaarito ŋituŋa ka Aram ajore akirem Isirael, kepotu kikamasi apese alo Isirael, yaasi toruwor aketiyan ŋina ka aberu a Naaman.

2 Ŋirw. 5:27

Aŋun, ikitapakin tokona iyoŋ atapon a Naaman; etapakin daŋ loletok kon ŋikaru ka ŋikaru.” Abu Geasi torotoki ekwaŋ akuwan keŋ kia, ileleba atapon.

2 Ŋirw. 7:3

Ayakasi kiŋa epuke ŋolo ke etaun a Samaria ŋikilyok ŋiomwon ŋulu adyakasi atapon. Apotu ikes kirworikis make temasi, “Kaanukiro mono ikiboiyo iwon a ne akidiŋ akidarit atwanare?

Esta 10:3

Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.

Esta 9:4

Akuryaka ikes, anerae Moridekai iŋes arae ekapolon alokai a erwosit, ido aris ŋituŋa a ŋakwapin a ŋun a daadaŋ kiirasi ŋuna ka apolou keŋ a ŋina eata jik apoloor nooi.

Awos. 11:3

(Abu Ekapolon inak Ŋijipitian arimaanikin Ŋisirael, ido abu Moses toruwor ŋolo etopoloorito ŋulu epukatotor Parao ka ŋituŋa ŋulu a Ijipit daŋ.)

Ŋakit. 21:31

Epedori ituŋanan akoloŋit ŋina ke ejie akitemokin aŋole keŋ, nai Ekapolon einakini ituŋanan ŋin akiloun ŋimoe keŋ.

Luk. 4:27

Nabo aya ŋituŋa ŋulu alalak ŋulu erumit atapon alo Isirael ŋirwa ŋulu ke ekadwaran Elisa; emam ikes ipei daŋ ŋini aponi kitaŋaleunoe, mati Naaman ŋolo ka akwap a ŋina a Siria.”

Yoa. 19:11

Toboŋok Yesu tema, “Kemam iyoŋ apedor aneni kaŋ, kerae nyikiinakinit Akuj. Aŋun, ituŋanan ŋini ekepotokini ayoŋ neni kon, iŋes eyakar asecit ŋina epol akilo ŋina kon.”

Ŋirom. 15:18

Erwori ayoŋ emam akuryanu, ido alimuni ŋuna etiya Kristo aneni kaŋ, ŋuna ka akirik ŋituŋa ŋulu nyerae Ŋiyudayan tokera Akuj. Apotu ŋun kitiyakinos alotooma alimonokin ka ŋiticisyo,

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

Ŋikis. 2:37

Kikote neni daŋ, nyedemara iyes Ŋiamoni akwap kec, ipotu iyes kimyekis akwap daadaŋ ŋina alodiyete ayonae Yabok kaapei ka ŋitaunio ŋulu ka a akwap a ŋina a ŋikamukumukui, lopite ŋolo arisyo Ekapolon Akuj yok kikilimokinia iwon.