2 Ŋirw. 4:9 - Ebaibul

⁹ Abu aberu ŋina abarit ŋin tolimok ekile keŋ tema, “Atamakinit ayoŋ kire jik, atemar erae ekile lo ŋolo itorununui neni yok ituŋanan ŋini ikinyoma alokiŋaren Akuj.

2 Ŋirw. 4:9 Iomraidhean Croise

1 Ŋirw. 13:1

Ani eriŋa Yeroboam ewoi alodiye Namuroet icunyanakini ekinyate, bu ekile ŋolo alo Yudaya ŋolo arae ituŋanan ŋini ka Akuj, ayakar ekile ŋol akirot aneni ka Akuj aŋuna a Besel.

1 Ŋirw. 17:18

Tema apuserut ŋin neni ke Eliya, “Anukiro eya iyoŋ, ŋuna ikitoronitor iyoŋ ayoŋ, okoe ekile ŋolo irae ituŋanan ŋini ka Akuj? Ibu iyoŋ neni kaŋ akitatamun ayoŋ asecit kaŋ ka iyau atwanare neni alokoku kaŋ.”

1 Ŋirw. 17:24

Tema nai aberu ŋin neni ke Eliya, “Ayenu tokona ayoŋ atemar irae iyoŋ ekile ŋolo irae ituŋanan ŋini ka Akuj ka akirot a Ekapolon ŋina irworo iyoŋ, erae ŋina a kire.”

2 Ŋirw. 4:7

Abu iŋes toboŋo neni ke Elisa, tosodi tolimok Elisa iŋes tema, “Tolot togyelana akimyet totac ekemican kon. Ani ŋina epiyanun toyaryata iyoŋ ka ŋidwe kon.”

2 Ŋakiro a ŋirwa 25:7

Nai abu ekile ŋolo arae ituŋanan ŋini ka Akuj, tolot neni ka Amasia tema, “Okoe erwosit, nyicamak ŋasigarya ŋuna a Isirael irukorete ka iyoŋ, anerae nyecamit Ekapolon ŋituŋa ŋulu a atutubet a apukan a ŋina alo Kuju a ŋina a Isirael, nyecamit ŋituŋa a ekabila a Epuraim.

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Ŋikis. 33:1

Erae nu ŋakiro ŋuna abu Moses ŋolo arae ituŋanan ŋini ka Akuj kiterereŋio Ŋisirael eriŋa iŋes nyetwana

1 Ŋites. 2:10

Iraakasi iyes ŋisuudae kosi, Akuj daŋ erae, iŋes atemar arae ŋipitesyo kosi ŋulu ajokak nooi, ŋulu eyookino ka ŋulu amam adyakaret adio aneni kus a ŋulu inupito.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

Tito 1:8

Itemokino iŋes erae ŋolo ijaununui ŋituŋa daadaŋ, tomina ibore ŋini ajokan daadaŋ. Itemokino iŋes erae ŋolo ecayete ŋatameta, ŋolo iyookino, ŋolo itoodiunito ŋipitesyo keŋ atemar iwuapit iŋes ŋakiro ŋuna ka Akuj; torae ŋolo iyokuuno bon.

1 Pet. 3:1

Ikwaŋinapei, iyes daŋ ŋaberu, itemokino topupete ŋikilyok kus, ikotere ani keyai ŋolo nyenupit ŋakiro ŋuna ka Akuj, kitunupa ŋipitesyo kus, tari pa kilimut iyes akirot apei daŋ,

2 Pet. 1:21

Anerae emam ŋakiro ŋuna edwaritae ŋuna eponito anacamit a ituŋanan, nai arae Etau ŋolo Asegan esirwori ŋituŋa ŋakiro ŋuna aponito aneni ka Akuj.

2 Pet. 3:2

Acamit ayoŋ iyes totamut ŋakiro ŋuna koloŋ erworosi ŋikadwarak ŋulu ka Akuj ka akiciket ŋina ke Ekapolon Ekaiunan, ŋuna apotu Ŋikiyakia kus itolimonokis iyes.