2 Ŋirw. 4:42 - Ebaibul

⁴² Akoloŋit apei, bu ekile ece alo Baalsalisa, ainunit iŋes neni ke Elisa ŋamugati ŋatomoniarei ŋuna ke erau a ŋolo esyaunio alemun alokaru a ŋol. Ayaunit iŋes tari ŋakyes a ŋimomwa a ŋulu apaalak eya loguniya. Kirworik Elisa tema, “Tokorakisi ŋituŋa akimuj na kimuja.”

2 Ŋirw. 4:42 Iomraidhean Croise

1 Ŋirw. 14:3

Ya ŋabopuloe ŋatomon, ŋaboboryo ŋuna erukitoe esibit ŋamugati ka ao ileleba locupa, tolot neni keŋ. Ikilimokini iŋes iyoŋ ŋuna itiyakin neni a edya.”

2 Ŋirw. 4:38

Abu nai Elisa toboŋo Giligal apaki ŋina ayakar eron nakwap ŋin. Akoloŋit apei abu atukot a ŋikadwarak kiboikin kiŋaren Elisa, tolimok Elisa eketiyan keŋ tema, “Kidoroki amot ŋina apolon, kipou akimuj adio aŋuna ka atukot a ŋikadwarak.”

2 Ŋirw. 5:5

Tolimok erwosit Naaman tema, “Ape, akainakini ayoŋ iyoŋ abaruwa ŋina egirakini ayoŋ erwosit a Isirael.” Tolot Naaman, ya ŋitalantae ŋitomon ŋulu arae ŋisilipae ka ŋicekelya ŋalipyo ŋakanikapei, ŋulu arae egolid ta ŋilowi ŋarekia ŋatomon.

2 Ŋirw. 7:1

Toboŋok Elisa tema, “Kiira ŋakiro ŋuna irworo Ekapolon! Moi taparacu esaa lopei lo, igyelete iyes alopuke a Samaria ŋaganoi ŋuna ajokak nooi ŋuna a ŋakiloi a ŋauni ka ŋikinyom Ŋulu ikote erau ŋulu a ŋakiloi a ŋakanikapei a ecekel ke epei.”

Awos. 23:16

“Totamunito akitiya ŋasuban ŋuna ka akilem ŋikinyom ŋulu ipotu iyes kitata ekiŋaren lomanikorin kus. Totamunito akitiya aŋolokaru ŋasuban ŋuna idauniata iyes acunun ŋikinyom ŋulu itato lomanikorin kus.

Ekim. 18:12

Akimyet ŋina ajokan daadaŋ, epiini ŋolo ajokan daadaŋ ka ŋikinyom ŋulu ajokak daadaŋ ta ŋainakineta ŋuna ajokak ŋuna einakinete Ŋisirael neni ke Ekapolon, adau ayoŋ ainakin ikes neni kon.

Ekim. 18:13

Ŋaraito ŋuna esyaunak ŋuna a ŋinyomen a daadaŋ a akwap kec, ŋuna eyaunete ikes neni ke Ekapolon, eruworosi ŋuna kon. Ituŋanan daadaŋ ŋini nyitoroniyaritae alokal kon, epedori akinyam ikes.

Yoa. 6:13

Kiriraut nai ikes ŋapiyanunet ŋuna apotu kilelebun ŋaditae ŋatomon ka ŋaarei, anamugati a ŋunakan a ŋuna emujete ŋituŋa.

Yoa. 6:9

“Eyai nege edya ŋolo eyakar ŋamugati ŋakan ka ŋikolya ŋiarei. Nai epedori mono akimuj ŋin akiryam ŋituŋa lu daadaŋ a?”

1 Ŋikor. 9:11

Adaun isua aekin ŋikinyom ŋulu erae ŋakiro ŋuna ka Akuj neni kus. Erono mono nooi aryamun aneni kus ikwapei ŋaraito ŋiboro ŋulu ikiitanit isua a?

Ŋigal. 6:6

Itemokino ituŋanan ŋini itatamyo ŋakiro ŋuna a Ŋikristo tomora ka eketataman keŋ ŋiboro ŋulu ajokak daadaŋ ŋulu eyakar iŋes anakiyar keŋ.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.

Ŋikis. 8:8

akwap ŋina a ŋaganoi ka ŋikinyom ŋulu esibito erau, akwap ŋina a ŋikito a epiini, a ŋiboboryo ka ŋikito ŋulu esibito ŋikacikiciki; akwap ŋina a ŋikito ka olipa ka ao,

1 Sam. 9:4

Apotu nai Saul ka eketiyan ŋol kiwarasi ŋisigirya, kiwara nakwap ŋina a ŋikamukumukui ŋina enyaritae Epuraim ka kiwara nakibois ŋina enyaritae Salisa; nai apotu ikes nyeryamut ŋisigirya. Kiwarasi nakibois ŋina enyaritae Saalim, nai apotu nyeryamut. Ekaku, kiwarasi nakwap ŋina a Benjamin, nai apotu nyeryamut tari a nen.

1 Sam. 9:7

Tema nai Saul neni a eketiyan a ŋol, “Ani nai tokona kelosi iwon neni keŋ, nyo eayo iwon ataca ekile ŋol? Anerae adaun ŋamugati alocweei yok, ido mam ainakinet ŋina eayo iwon neni ke ekile a ŋolo erae ituŋanan ŋini ka Akuj a ŋol. Nyo eyakare iwon?”