2 Ŋirw. 4:23 - Ebaibul

²³ Kiŋit lokile keŋ iŋes tema, “Kaanukiro icamitor iyoŋ alosit akoloŋit na? Nyerae akoloŋit na Sabato, kori ŋina eanyuwanarere elap ŋolokitete ilamuni.” Tema aberu, “Mam nyerono alosit.”

2 Ŋirw. 4:23 Iomraidhean Croise

2 Ŋirw. 4:22

Kiyakiya iŋes akirot neni a lokilekeŋ tema, “Kiyaku eketiyan epei ka esigirya, ikotere olot atipei neni ke Elisa ituŋanan ŋini ka Akuj, ido oboŋu.”

2 Ŋirw. 4:24

Todokaki nai iŋes esigirya, tolimok eketiyan keŋ tema, “Kiduŋa esigiria atipei; nyisiyapak aŋuna kaŋ, mati kakalimok ayoŋ iyoŋ atemar kiyapa.”

1 Ŋakiro a ŋirwa 23:31

ka ainanakin neni ke Ekapolon ŋainakineta ŋuna epeyo ŋapakio ŋuna a Sabato ka ŋuna a ŋasuban ke elap a ŋolokitete ta ŋapakio ŋuna itiyaere ŋasuban ŋunace daŋ. Amaikina ikes kitiyanakis Ekapolon a ŋinapaki iwuapito ekimar ŋolo ecikitae ikes kitiyaata a ŋinapaki alokiŋaren Ekapolon.

Amos 8:5

ibasi iyes “Ori kareca edaunotor ŋasuban elap lo, ikotere ogyelanasi ŋikinyom? Ori edaunor akoloŋit ŋina a Sabato, ikotere ogyelanasi ŋaganoi? Itiditeunio iwon akipimet, ikotere oryamutu ŋicekelya ŋulu elalak, ido omodyanakisi ŋituŋa a ŋakipimeta a ŋuna nyiyookino,

Ekim. 10:10

Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”

Ekim. 28:11

Ŋirwa ke elap epei a ŋololap, emaikina iyes yaut ŋainakineta nu ŋuna epeyo neni ke Ekapolon: Ŋimoŋin ŋulusorok ŋiarei, emesek, ŋikaalei ŋulumesekin ŋikanikaarei ŋulu erae apolou kec ekaru epei, ido tomam neni eŋwalilt

Ekim. 28:9

Akoloŋit ŋina a Sabato emaikina iyoŋ yau ŋikaalei ŋiarei ŋulumesekin ŋulu erae apolou ekaru epei, ŋulu emam neni eŋwali, yau ŋul kaapei ka ainakinet ŋina a ŋikinyom ŋakiloi ŋaarei ŋuna a ŋakirya a ŋuna ajokak a ŋuna iguritoe ka akimyet ta ainakinet ŋina a ŋimaten.

1 Sam. 20:5

Tema Daudi neni a Yonasan, “Kiira, imujio moi taparacu ŋasuban ŋuna elomunia elap ŋolokitete, ido emaikina ayoŋ emuja kaapei ka erwosit a iwapei; nai kimyekinae ayoŋ olot oŋop anariet, akitodol ataboŋ ŋina a ŋauni anakoloŋit a ŋina egeuniata ŋasuban.