2 Ŋirw. 4:13 - Ebaibul

¹³ Tolimok Elisa Geasi tema “Tolimok aberu ŋin ebe, ‘Aŋuna idaŋidaŋia iyoŋ etic lo daadaŋ aŋuna kosi, inyoni icamit iyoŋ ayoŋ etiya aŋuna kon? Icamit iyoŋ ayoŋ awoikin iyoŋ, erworik alokiŋaren erwosit, kori ekarikon a ŋasigarya a?’ Toboŋok aberu ŋin tema, ‘Erae lotuŋa kaŋ pei ayai ayoŋ a ne.’ ”

2 Ŋirw. 4:13 Iomraidhean Croise

Akisy. 14:24

Mam ibore ayai ayoŋ mati ŋini adaut ŋisorok lu akinyam ka ŋini elemarito ŋikilyok ŋulu ikirukorit ka ayoŋ lu: Aner, Esikol ka Mamure. Kimyek ŋikilyok ŋul yaa ŋiboro ŋulu adaut ikes atyakar.”

2 Sam. 19:13

Kicik Daudi ŋikiakia ŋul tema, ‘Kiŋita Amasa atemar, meere mono iyoŋ akuwan ka ŋaokot kaŋ a? Elipi ayoŋ Akuj kitiya ŋuna aronok neni kaŋ, tari daŋ kerae ŋuna aronok nooi, erae keketuruwo ayoŋ iyoŋ ekarikon a ŋasigarya kilunyokin lorot a Yoab.’ ”

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

2 Ŋirw. 4:12

“Tonyarakinae aberu ŋina a akai a na.” Ani kedau Geasi anyaraun aberu ŋin bu aberu towo alokiŋaren keŋ.

2 Ŋirw. 4:14

Kiŋit Elisa Geasi tema, “Nyo nai tokona emaikina etiyak aŋuna keŋ?” Toboŋoki Geasi tema, “Emamukar ro iŋes ikoku ŋinisapat ka emojoŋit ekile keŋ daŋ.”

2 Ŋirw. 8:1

Alimokinit sek Elisa aberu ŋina abu iŋes kiteyaru lokoku keŋ tema, “Tonyoutu ka ekal kon, tolomiyasi neni daadaŋ icamito; enyaraunit Ekapolon eron abunore nakwap na, eron ŋolo eropari ŋikaru ŋikanikaarei.”

2 Ŋirw. 9:5

Ani edoli iŋes nen, toryamu ŋikapolok a ŋasigarya etukokina ianete. Kirworik iŋes tema, “Ekapolon, eya ŋakiro ŋuna ayaunit ayoŋ neni kon.” Kiŋit Yeu iŋes tema, “Ŋae aneni kosi isirwori iyoŋ?” Toboŋok ekadwaran tema, “Iyoŋ ekapolon.”

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋirom. 16:2

Kijautu iŋes alokiro ke Ekapolon, lopite ŋolo itemokino ŋituŋa ŋulu ka Akuj itiyaete ka inakisi iŋes akiŋarakinet daadaŋ ŋina iitani iŋes aneni kus; anerae abu iŋes kiŋarak ŋituŋa ŋulu alalak, ekeŋarak tari ayoŋ.

Ŋirom. 16:6

Kimalakinae Maria ŋina itiyae etic aŋuna kus.

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.