2 Ŋirw. 4:1 - Ebaibul

¹ Abu aberu ace ŋina a ekile a ŋolo anatukot a ŋikadwarak tolot neni ke Elisa, kikaloik tema, “Ekapolon, abu ekile kaŋ totwan. Iyeni iyoŋ atemar arae iŋes ekile ŋolo etopoloorit Akuj; nai abu tokona ituŋanan ŋini emican akiya ŋisapa kaŋ ŋuluarei akituruwor ŋipi.”

2 Ŋirw. 4:1 Iomraidhean Croise

Akisy. 22:12

Tema emalaika, “Kimyek edya, nyitiya idiobore neni keŋ, anerae ayenu ayoŋ atemar ikerit iyoŋ ŋuna ka Akuj, ido nyimika iyoŋ Akuj lokoku kon ŋolodonupei.”

1 Ŋirw. 18:3

Abu Aab tonyarau Obadia ŋolo arae iŋes apolokinit akai ŋina ka apukan (arae Obadia ekile ŋolo etopoloorit Ekapolon nooi.

1 Ŋirw. 20:35

Anakirot a ŋina alimunit Ekapolon, abu epei a ŋikadwarak tolimok ŋoloce tema, “Toarae kareca ayoŋ!” Nai abu ŋol towou akiar iŋes.

2 Ŋirw. 2:15

Kiŋolik atukot a ŋikadwarak a ŋulu a Yeriko Elisa elwana, tolimu tema, “Aryamu Elisa apedor ŋina ke Eliya.” Potu ŋikadwarak ŋul, kisiryama iŋes, kijuuroto a lokiŋaren keŋ.

2 Ŋirw. 2:3

a nen, abu atukot ŋina a ŋikadwarak a ŋulu alo Besel bu neni ke Elisa kiŋit atukot iŋes tema, “Iyeni iyoŋ atemar akoloŋit na eyaari Ekapolon ekapolon kon aneni kon a?” Toboŋok Elisa ikes tema, “Ee, ayeni; nai kililiŋiyaasi ŋakiro ŋun.”

2 Ŋirw. 2:5

a nen, abu atukot ŋina a ŋikadwarak a ŋulu alo Yeriko bu neni ke Elisa kiŋit atukot iŋes tema, “Iyeni iyoŋ atemar akoloŋit na eyaari Ekapolon ekapolon kon aneni kon a?” Toboŋok Elisa ikes tema, “Ee, ayeni, nai kililiŋiyaasi ŋakiro ŋun.”

2 Ŋirw. 2:7

Toloto daŋ ŋikadwarak ŋatomonikan towua tocadaros aneni ke Eliya ka Elisa a ŋulu awuasi alokipetot a aŋolol Yorodan.

2 Ŋirw. 4:38

Abu nai Elisa toboŋo Giligal apaki ŋina ayakar eron nakwap ŋin. Akoloŋit apei abu atukot a ŋikadwarak kiboikin kiŋaren Elisa, tolimok Elisa eketiyan keŋ tema, “Kidoroki amot ŋina apolon, kipou akimuj adio aŋuna ka atukot a ŋikadwarak.”

2 Ŋirw. 6:9

Nai kebu Elisa ituŋanan ŋini ka Akuj, kiyakiya akirot neni ke erwosit a Isirael ebala, “Toceite itori nen, anerae adaut ŋasigarya ŋuna ka Aram akiŋareniyor lorot ŋol.”

Neem. 10:31

tosodi ani keyaut ŋituŋa a ŋakwapin ŋiboro ŋulu egyelanaryo, kori ŋikinyom ŋidi agyelanar akoloŋit ŋina a Sabato, nyegyelio isua ŋiboro ŋul akoloŋit ŋina a Sabato, kori akoloŋit adio ŋina asegan, nyitaunio isua ŋinyomen ŋidi ekaru ŋolo a ŋikanikaarei ka etacio isua ŋamicae daadaŋ ekaru ŋol.

Neem. 7:2

abu ayoŋ oinak Anani lokaato kaŋ apolokin Yerusalem ka oinak Anania apolokin ŋasigarya ŋuna eyokiyete etaun anaduketait a ŋinajiet, anerae arae Anania ekile ŋolo ekinyoma ka etopoloorit Akuj akilo ŋituŋa ŋulu alalak.

Ŋikiru. 103:11

Elal nooi amina ŋina ka Akuj aneni a ŋulu itopoloorito iŋes, etya alwanis ŋina eyai kidiŋ kidiama ka akwap.

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 115:13

iterereŋi iŋes ŋituŋa ŋulu itopoloorito iŋes, ŋulu cicik kaapei ka ŋulu apolok.

Ŋikiru. 147:11

Nai elakara Ekapolon aŋuna a ŋulu itopoloorito iŋes, a ŋulu iwuakinito akigeno kec namina keŋ ŋina nyiryaŋiryaŋa.

Ŋakit. 22:7

Epolokinito ŋikabarak ŋikulyakanotin, ido erae ŋikedeniok ŋiboro ŋipi a ŋulu ideniyoto ikes ŋiboro.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Yer. 34:14

‘Ani edolete ŋikaru ŋikanikaarei, emaikina ituŋanan ŋini erae Iburaniyat daadaŋ ŋini keponi ikigyelakin iyes ka ŋini adau akitiyanakin iyes alotooma ŋikaru ŋikanikapei, tolacakinae anakitiyanakin iyes.’ Nai apotu atapapaa kus nyiwuapa ŋakiro kaŋ kori nyepupokis daŋ ŋakiro kaŋ.

Ŋilep. 25:48

eyakar Isiraelit ŋin apedor ŋina elakunere lotuŋa keŋ. Emaikina ipei a ŋiyeneta keŋ tolaku iŋes,

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 18:25

Aŋuna pa apedorya eketiyan ŋol akitac eden, abu ekapolon tolimu atemar togyelarae iŋes, akeeberu, ŋikeedwe ka ŋinibore ayakar iŋes daadaŋ, totacere eden.

Mat. 18:30

“Nai abu iŋes towou, tolot kipotok iŋes mabus toenae akitodol neni etaca eden keŋ.

Mat. 18:35

Toŋetak Yesu ebala, “Itiyakini Papa kaŋ ŋolo anakuj ikwaŋinapei neni kus erae pa kisyon ŋinituŋanan lokaato keŋ alotau.”

Ŋitic. 13:26

“Ŋikaitotoi, ŋiletok ka Aburaam ka iyes ŋuluce ŋulu ikerito Akuj. Erae neni yok eyakuun ŋakiro ŋuna ka aiuno a na!

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 19:5

Bu etoil alokicoloŋ ebala, “Kipuro Akuj yok, iyes ŋiketiyak keŋ daadaŋ ka ŋituŋa daadaŋ ŋulu ikerito iŋes, ŋulu arwok ka ŋulu caryo!”

Rus. 1:3

Ani eya ikes Moab, totwana Elimelek, kidoŋo Naomi bon ka ŋisapa keŋ ŋuluarei.

1 Sam. 22:2

Apotu ŋituŋa daadaŋ ŋulu aryamunito ŋican ka ŋulu ayakatar ŋamicae ta ŋulu akadakinit ekiboiye, kimorikinos ka Daudi; toruwor Daudi ekarikon kec. Arae ikes ŋituŋa ŋulu aapiyarit ekimar kec ŋamiae ŋaomwon.