2 Ŋirw. 3:3 - Ebaibul

³ Tari kikote nen daŋ, abu iŋes torubak itiyae asecit ŋina ekwaan ka ŋina a Yeroboam a lokoku a Nebat, ŋina abunio iŋes torikokinia Ŋisirael nasecit. Abu iŋes nyimyek asecit ŋin.

2 Ŋirw. 3:3 Iomraidhean Croise

1 Ŋirw. 13:33

Tari ŋina aponiata ŋakiro ŋun kitiyakin, pa abu Yeroboam toesik akitiya aronis aŋuna a ŋakiboisyo nai abu torubak iwuanakini ŋisacaradotin alotuŋa ca a daadaŋ aŋuna ayakasi nenimukur. Ituŋanan daadaŋ ŋini acamit aruwor esacaradoti, abu iŋes kituruwo, kiwuak nakiboisyo ŋuna ayakasi nenimukur.

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

1 Ŋirw. 14:9

Itiya iyoŋ ŋuna aronok, akilo ŋituŋa daadaŋ ŋulu ke ekiŋaren. Itiyau iyoŋ aŋuna kon ŋakujo ŋace, ŋakujo ŋuna itiyaunitae a ŋasuwa; ikitoŋoo iyoŋ ayoŋ ka ikimana kaku kon.

1 Ŋirw. 15:26

Abu iŋes kitiya ŋuna aronok alokiŋaren Ekapolon, kiwuap ŋuna etiyat papa keŋ ŋuna arikokinia Ŋisirael nasecit.

1 Ŋirw. 15:34

Abu Baasa kitiya ŋuna aronok alokiŋaren Ekapolon, kiwuap ŋuna etiyat Yeroboam ka asecit ŋina abu Yeroboam torikok Ŋisirael toseca.

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

2 Ŋirw. 13:11

Etiyae iŋes daŋ ŋuna aronok aneni ke Ekapolon. Abu nyeki akitiya ŋasecisya ŋuna ekote ŋuna arikokinia Yeroboam a lokoku a Nebat Ŋisirael nasecit. Torubak iŋes itiyae aronis.

2 Ŋirw. 13:2

Etiyae iŋes ŋakiro ŋuna aronok aneni ke Ekapolon. Abu iŋes nyeki akitiya ŋasecisya ŋuna ekote ŋuna arikokinia Yeroboam, lokoku a Nebat, Ŋisirael nasecit.

2 Ŋirw. 13:6

Tari kikote nen, daŋ apotu ikes nyekiwa asecenen asecit ŋina ekoni ŋina a ekal a Yeroboam a ŋolo arikokini Ŋisirael nasecit. Apotu torubakis eseceneneete, torubakis itowoito epir ŋolo a Baal alo Samaria.

2 Ŋirw. 14:24

Etiyae iŋes ŋakiro ŋuna aronok aneni ke Ekapolon. Abu iŋes nyeki akitiya ŋasecisya ŋuna ekote ŋuna arikokinia Yeroboam Ŋisirael nasecit.

2 Ŋirw. 15:18

Etiyae iŋes ŋakiro ŋuna aronok aneni ke Ekapolon. Abu iŋes anakiyar keŋ a daadaŋ nyeki akitiya ŋasecisya ŋuna ekote ŋuna arikokinia Yeroboam lokoku a Nebat Ŋisirael nasecit.

2 Ŋirw. 15:9

Etiyae iŋes ŋakiro ŋuna aronok aneni ke Ekapolon, lopite ŋolo etiyatotor atapapaa keŋ. Abu iŋes nyeki akitiya ŋasecisya ŋuna ekote ŋuna arikokinia Yeroboam lokoku a Nebat Ŋisirael nasecit.

2 Ŋirw. 17:21

Apaki ŋina atyakarya Ekapolon Isirael alo Yudaya, apotu Ŋisirael kituruwosi Yeroboam lokoku a Nebat erwosit kec. Abu Yeroboam kibata Ŋisirael anakiwuapit Ekapolon, tosodi kitesec ikes asecit ŋina apolon nooi.

2 Ŋirw. 17:22

Towout Ŋisirael akiki torubakis itiyaete asecit ŋina ekoni ŋina a Yeroboam,

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 23:15

Abu Yosia touko tari namuroet ŋina ayai nenimukur alo Besel, ŋina aduki Yeroboam lokoku a Nebat ŋolo arikokini Ŋisirael nasecit, abu Yosia touko ibore daadaŋ kiela. Kicuny iŋes aduketait ŋin kicakicak ŋiboro ŋulu adukitere toruwor ŋalup, kicuny iŋes tari etorube ka akuj a ŋina anyaritae Asera.