2 Ŋirw. 3:26 - Ebaibul

²⁶ Ani eanyuni erwosit a Moab atemar ekenu ejie, tocunaki ŋikilyok ŋulu atiŋito ŋileŋia ŋulu adolito ŋamiae ŋakanikaarei aŋuna ka aŋaar neni kitoro alowae a ŋolo ebakitor erwosit ŋolo ke Edom, nai apotu nyepedosi.

2 Ŋirw. 3:26 Iomraidhean Croise

2 Ŋirw. 3:25

Kinyasut Ŋisirael ŋitaunio daadaŋ. Ani neni daadaŋ ajok akitare, abu ŋinituŋanan tocakaki nen amoru apei, akitodol ŋina aruworor neni itao ŋamoru bon. Ŋicowae daadaŋ aponi togoloi ka toyeparae ŋikito daadaŋ ŋulu episitae. Neni anyaritae Kiriareses iŋes bon edoŋito ŋarwatatain ŋuna adukitoe a ŋamoru ewuasi akitodol ŋina erikauniata ŋikajiok ŋulu a ŋacutae neni daŋ kinyasut.

2 Ŋirw. 3:27

Abu nai iŋes toar lokoku keŋ ŋolokiyae ŋolo etemokino kilunyokin lokicoloŋ keŋ kipuka, kicuny iŋes erae amuronot anarwatata. Min anyunyura ŋina apolon nooi neni a Ŋisirael, kibelekinos toboŋosi nakwap kec.

2 Ŋirw. 3:9

Torukosi nai erwosit a Isirael ka ŋolo a Yudaya ta ŋolo ke Edom. Ani edoli ŋirwa ŋikanikaarei eriŋa ikes elosete, todaunos ŋakipi kec, todaun neni emasete ŋasigarya ka ŋibaren ŋulu ameto ikes.

2 Ŋirw. 8:20

Ŋirwa ŋulu epukator Yeoram, apotu ŋituŋa ŋulu ka akwap a Edom toŋero epite ŋolo epukator erwosit a Yudaya ikes; topakaros ikes kipukakinos make.

Amos 2:1

Alimu Ekapolon ŋakiro nu ebe, “Aŋuna arubakiniata ŋituŋa a Moab itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kicunya ŋakoyo a erwosit ke Edom toruwor ekuron.