2 Ŋirw. 3:25 - Ebaibul

²⁵ Kinyasut Ŋisirael ŋitaunio daadaŋ. Ani neni daadaŋ ajok akitare, abu ŋinituŋanan tocakaki nen amoru apei, akitodol ŋina aruworor neni itao ŋamoru bon. Ŋicowae daadaŋ aponi togoloi ka toyeparae ŋikito daadaŋ ŋulu episitae. Neni anyaritae Kiriareses iŋes bon edoŋito ŋarwatatain ŋuna adukitoe a ŋamoru ewuasi akitodol ŋina erikauniata ŋikajiok ŋulu a ŋacutae neni daŋ kinyasut.

2 Ŋirw. 3:25 Iomraidhean Croise

Akisy. 26:15

(Apaki ŋin, kepotu Ŋipilistin tonuka ŋakare daadaŋ ŋuna kerae ŋiketiyak a Aburaam a papa a Isaka kebokunete eriŋa Aburaam eyari.)

Akisy. 26:18

Towada nabo Isaka ŋakare ŋuna koloŋ kebokuni papa keŋ Aburaam; anerae kepotu Ŋipilistin tonuka ikes ketwana Aburaam. Tolimonok Isaka ŋakare ŋun ŋirorwa ŋulupei koloŋ kelimonokinit papa keŋ.

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

2 Ŋirw. 3:19

Ireunete iyes ŋitaunio daadaŋ ŋulu edukuk kojokan ka ŋulu apolok. Iukorete ŋikito daadaŋ ŋulu ipisitae, igolete ŋicowae a ŋakipi daadaŋ ka inyasunete ŋalup daadaŋ ŋuna itaeneneo, tobukonokis ŋamoru.”

2 Ŋirw. 3:24

Nai ani edolete ikes neni eboiyo ajiore a Ŋisirael, tosutut Ŋisirael kitijikis Ŋimoabi akitodol ŋina abwaŋatar. Ani tari kelomasi ikes Moab, torubakis Ŋisirael itijiete ikes.

2 Ŋirw. 3:26

Ani eanyuni erwosit a Moab atemar ekenu ejie, tocunaki ŋikilyok ŋulu atiŋito ŋileŋia ŋulu adolito ŋamiae ŋakanikaarei aŋuna ka aŋaar neni kitoro alowae a ŋolo ebakitor erwosit ŋolo ke Edom, nai apotu nyepedosi.

2 Ŋakiro a ŋirwa 32:4

Apotu ŋituŋa ŋulu alalak nooi tocunakinos, togolo ŋakipi a ŋilelyan ka ŋayona ŋuna aleleete anakwap a ŋin. Temasi, “Kaanukiro imyekinere iwon ŋirwosi ŋulu ka Asiriya eryamunete ŋakipi ŋuna alalak a ne?”

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 16:11

Aŋun, idoŋae etau kaŋ iyaloloŋi aŋuna a Moab ka iyaloloŋi akiyar kaŋ aŋuna a Kir-Eres.

Isa. 16:7

Aŋun, kimyekisi ŋituŋa a Moab kiwololoto, kimyekisi ŋituŋa daadaŋ kiwololoto aŋuna a Moab. Kigworo, kigworo ikiilorito ŋakiro aŋuna ka akimuj a ŋina ajokan a ŋina imujete iyes alo Kir-Areses.

Yer. 48:31

Aŋun, ewololoe ayoŋ aŋuna a ŋituŋa a Moab, egworo ayoŋ aŋuna a ŋituŋa a Moab a daadaŋ, egworo ayoŋ aŋuna a ŋituŋa a Kir-Eres.

Yer. 48:36

Aŋun, iyaloloŋi etau kaŋ aŋuna a Moab ka aŋuna a ŋituŋa a Kir-Eres lopite ŋolo ekusya ituŋanan apilu apaki ŋina iyaloloŋere, anerae adaun abaru kec ŋina apotu toryamut.

Ŋikis. 2:9

Abu Ekapolon kirwor neni kaŋ tema, “Nyisican ŋituŋa a Moab, kori nyitijik ikes, nyakainakini ayoŋ iyoŋ atutubet adio a akwap kec toruwor ŋina kus, anerae adau ayoŋ ainakin Ar toruwor akwap ŋina a ŋiletok a Lot.”

Ŋikat. 9:45

Kitiji Abimelek ŋituŋa ŋulu aya lotaun, ya ejie apaaran daadaŋ, ekaku kikama iŋes etaun, toar ŋituŋa daadaŋ ŋulu aya tooma etaun, kiryenya ŋaduketa a etaun daadaŋ tari ŋina alapatunia; tosodi tobukok acumbi nen.