2 Ŋirw. 3:2 - Ebaibul

² Etiyat iŋes ŋuna aronok alokiŋaren Ekapolon, nai pa ekwaan aronis keŋ ka ŋina a papa keŋ ka toto keŋ, anerae abu iŋes tolema epir ŋolo ka akuj Baal, epir ŋolo etiyauni papa keŋ.

2 Ŋirw. 3:2 Iomraidhean Croise

1 Ŋirw. 16:19

Arae ŋun aŋuna a ŋasecisya a ŋuna abu iŋes kitiya aronis ŋina etiyae iŋes alokiŋaren Ekapolon, iwuapit ŋipitesyo a Yeroboam. Arae daŋ ŋun aŋuna ka asecit a ŋina abu iŋes kitiya, torikokinia Ŋisirael nasecit.

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

1 Ŋirw. 21:25

(Kire jik, mam ituŋanan ekwaan ka Aab ŋolo abu tolelaki kitiya ŋuna aronok alokiŋaren Ekapolon, tocamu akiwuap ŋuna abala aberu keŋ Yesebel kitiya.

2 Ŋirw. 10:18

Tonyarau Yeu ŋituŋa a Samaria daadaŋ iwapei, tolimok ikes tema, “Elipi erwosit Aab akuj ŋina enyaritae Baal ejok ca, nai alosi ayoŋ akilip akuj ŋin ejok akilo.

2 Ŋirw. 21:20

Abu iŋes kitiya ŋuna aronok aneni ke Ekapolon lopite ŋolopei etiyator Manase ŋolo arae papa keŋ.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

2 Ŋirw. 9:22

Ani iŋolikini Yoram Yeu, kiŋit tema, “Yeu ibunit iyoŋ a ekisil kori ejie?” Toboŋok Yeu tema, “Ikokini ekisil eyakaun ai toriŋa akilip neni a ŋakujo ka akikukuja ŋina koloŋ esyakini toto kon Yesebel eyai”

2 Ŋirw. 9:34

Toloma nai Yeu kai ŋina ke erwosit, kimuj ka tomat. Tosodi kirworik tema, “Yaasi aberu ŋina ilamitae ŋin tonuka aŋuna eraakar nakoku a erwosit.”

Awos. 23:24

nyemaikina iyes toryediko alokiŋaren ŋakujo kec, kori kilipa neni kec, kori kiwuapa ŋuna itiyao aŋuna kec. Emaikina iyes kinyasut ŋakujo ŋun, tobwaŋabwaŋaasi ŋipirin ŋul ŋulu italetoe erae ŋakujo kec.

1 Sam. 15:19

Kaanukiro nai pa ibunio iyoŋ kiwuap ŋakiro ke Ekapolon? Kaanukiro ibunio iyoŋ tomatakin aŋatun ŋiboro, ido ibu kitiya ŋuna aronok alokiŋaren Ekapolon?”