2 Ŋirw. 24:7 - Ebaibul

⁷ Abu erwosit a Ijipit nyeboŋu nabo nakwap keŋ, anerae abu erwosit ŋolo a Babilon todema iŋes akwap ŋina sek arae ŋina keŋ daadaŋ, ameun anayonae a Ijipit akitodol naŋolol Eupurate.

2 Ŋirw. 24:7 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Yer. 46:2

Tolimu Ekapolon aŋuna a Ijipit, aŋuna ka asigar a Parao Neko a erwosit a ŋolo a Ijipit, asigar ŋina ayai Karikemis diyete aŋolol Eupurate ŋuna a asigar a ŋina abu erwosit Nebukadinesar ŋolo a Babilon kilou alokaru a ŋolo a ŋiomwon ipukat Yeoakim lokoku a Yosia a ŋolo a Yudaya. Tema Ekapolon,

Yer. 46:6

Nyepedorito tari ŋulu apiranak akiem toekasi, nyepedorito tari ŋikajiok akisi, emasakinosi daadaŋ Kuju diyete aŋolol Eupurate.

Esek. 30:21

“Lokoku a ituŋanan, adau ayoŋ alemar agogoŋ a Parao a erwosit a Ijipit; mam ituŋanan iŋarakini iŋes, ikotere egogoŋior, kori eriyete ka iŋes, ikotere egogoŋior toji a ekileŋ nabo.

Esek. 30:22

Aŋun, alimu Ekapolon Akuj ŋakiro nu ebe, ‘Emanit ayoŋ Parao erwosit ŋolo a Ijipit. Alemari ayoŋ agogoŋu keŋ daadaŋ, ŋina sek eyakar ka ŋina iŋarakinit iŋes, ikotere tojoŋo ekileŋ keŋ akiar ŋituŋa.

Ekim. 34:5

neni ilugokinia tomyaa nayonae ŋina a Ijipit, kisalakin nanam Mediteranian.

Yos. 15:4

Ani enyouni a nen, kidir neni enyaritae Asimon, tomek ayonae ŋina enyaritae ŋina a Ijipit, toremokin nanam Mediteranian. Ekukoru alowae a ŋolo alo Kwap ŋol.