2 Ŋirw. 24:4 - Ebaibul

⁴ ka aŋuna abunio toarya ŋituŋa ŋulu amam ibore asecito. Aarit manase alo Yerusalem ŋituŋa ŋulu pa asecito, ido pa acamit Ekapolon akisyoni iŋes.

2 Ŋirw. 24:4 Iomraidhean Croise

2 Ŋirw. 21:11

“Aŋuna etiyaa Manase erwosit a Yudaya asiilyo na, aronis ŋina iloit ŋina a Ŋiamori a ŋulu sek aya neni ipukat iŋes, ka nabo aŋuna arikokinia ŋituŋa a Yudaya nasecit ŋina ka akiwuapit ŋakujo keŋ,

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 23:26

Tari kikote nen daŋ abu Ekapolon torubak eŋoit nooi neni ka akwap a Yudaya aŋuna ka aronis a daadaŋ a ŋina sek kebu Manase kitoŋoya Ekapolon.

2 Ŋirw. 24:5

Ŋiticisyo a Yeoiakim ŋuluce daadaŋ, ŋuna daadaŋ etiyat iŋes, igiritae lokitaabo ŋolo a ŋakiro a ŋirwosi a Yudaya.

Ŋikiru. 106:38

Apotu ikes toara ŋidwe kec ŋulu amam ibore asecito, tobukosi ŋaokot a ŋidwe kec a ŋulusapa ka ŋulupesur a ŋulu apotu ikes yaasi erae ŋamuronisya neni a ŋakujo a ŋuna alo Kanaan; apotu ŋaokot a ŋidwe a ŋul kituruwosi ŋituŋa ŋul ka akwap kec ŋina emam ajokis eyai.

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Yer. 15:4

Eturuwori ayoŋ ikes ŋulu inyasuna aneni a ŋituŋa a ŋakwapin, anerae nyejokak ŋakiro ŋuna abu erwosit Manase lokoku a Esekia ŋolo a Yudaya kitiya alo Yerusalem.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 2:34

Kire, eya lolowi kus ŋaokot ŋuna iaryata iyes ŋikulyak ŋulu emam ŋakiro esecito tari pa kikamunito iyes ikes ebwaŋete ŋakais kus, nai tari kikote ŋakiro nen,

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 32:31

Etonyout ŋakiro a etaun a lo aŋoit ka anyunyura kaŋ ameun anakoloŋit a ŋina adukere etaun akitodol nakoloŋit na, aŋun alemari ayoŋ etaun lo ojoŋo akitere,

Aum. 3:42

“Ikisec isua ka adaun isua akiŋer iyoŋ, ido nyisyonio iyoŋ isua.

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Esek. 24:6

“‘Alimu Ekapolon Akuj atemar, Ekaŋ iyoŋ etaun ŋolo earete ŋituŋa kon ŋuluce, ŋolo ikwaan ka amot ŋina iroiroit tooma, ŋolo ikwaan ka amot ŋina nyelemanar eroiroi alotooma keŋ! Kisunyutu akiriŋ ŋin alotooma keŋ a ŋatubutubuyet emam asere ŋina erae tolemunae ka toesikinae.

Esek. 24:8

Aŋuna ka ainakin ayoŋ onyunyurikin nooi enyaŋa ŋituŋa ŋulu apotu ikes toara, eperikini ayoŋ ŋawat a ŋituŋa a Yerusalem natabab nenilapat, ikotere ŋalup nyerapuwasi ŋawat ŋun.

Esek. 33:25

Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Ekim. 35:33

Nyinyasa akwap ŋina iboiyoto iyes, anerae inyasete ŋaokot akwap ka emam epite ŋolo emookunere akwap mati ŋaokot a ituŋanan a ŋini abu toar ŋinice.

Ŋikis. 19:10

ikotere nyebukor anakwap a ŋina ebuni Ekapolon Akuj kus ainakin iyes aruwor ŋina kus, ŋaokot a ituŋanan a ŋini nyesecit, ido toyakaunotor iyes ekaile ŋolo ka akiar ituŋanan.

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),