2 Ŋirw. 24:3 - Ebaibul

³ Apotu kitiyakin kire ŋun anakwap a Yudaya lopite ŋolo alimunitor Ekapolon atemar tolemarae ŋituŋa a Yudaya aneni keŋ, aŋuna a ŋasecisya a Manase a daadaŋ a ŋuna abu iŋes tosec

2 Ŋirw. 24:3 Iomraidhean Croise

Akisy. 50:20

Tari daŋ ŋina icamitotor iyes akiar ayoŋ, abu Akuj tocamak ŋun, ikotere ŋuna ajokak etakanunete, toiunotor ŋituŋa ŋulu alalak, lopite ŋolo itiyaa Akuj tokona.

2 Ŋirw. 17:18

Abu Ekapolon toŋoik Ŋisirael nooi, tosodi kisiyoto ikes aneni keŋ. Ekabila a Yuda bon abu Ekapolon kimyek.

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

2 Ŋirw. 18:25

Nabo daŋ, nyabunit ayoŋ amunaar akwap na aŋuna kaŋ bon pa akalimokinit Ekapolon. Ekapolon Akuj iŋes pei abu ekecikak ayoŋ abunore akirem ka amunyar akwap na.”

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 24:20

Kire, apotu ŋituŋa a Yerusalem ka ŋituŋa a Yudaya kitoŋoa nooi Ekapolon, a ŋun, abu Ekapolon toŋer ikes alokiŋaren keŋ. Abu Sedekia toŋer akiwuap ŋakiro ŋuna a erwosit a Babilon.

2 Ŋakiro a ŋirwa 24:24

Tari daŋ ŋina aponitotor ŋasigarya ŋuna ka Aram ekudyoko, abu Ekapolon inak ikes akiloun ŋasigarya ŋuna alalak, anerae apotu ŋituŋa a Yudaya toŋero Ekapolon Akuj atapapaa kec. Alopite a ŋol, aponi erwosit Yoas kisicanae.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Yer. 32:31

Etonyout ŋakiro a etaun a lo aŋoit ka anyunyura kaŋ ameun anakoloŋit a ŋina adukere etaun akitodol nakoloŋit na, aŋun alemari ayoŋ etaun lo ojoŋo akitere,

Yer. 52:28

Erae lo ekimar a ŋituŋa a ŋulu abu Nebukadinesar toriko nakwap keŋ erae ŋimabus: Alokaru a ŋolo a ŋikanikaarei aponi torikoroe Ŋiyudayan ŋalipyo ŋauni ka ŋatomoniarei ka ŋiuni,

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Esek. 24:6

“‘Alimu Ekapolon Akuj atemar, Ekaŋ iyoŋ etaun ŋolo earete ŋituŋa kon ŋuluce, ŋolo ikwaan ka amot ŋina iroiroit tooma, ŋolo ikwaan ka amot ŋina nyelemanar eroiroi alotooma keŋ! Kisunyutu akiriŋ ŋin alotooma keŋ a ŋatubutubuyet emam asere ŋina erae tolemunae ka toesikinae.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Mika 2:10

Tonyoutu, toloto, meere akibois na ŋina emaikina iyes kiboiyoto, anerae adaun amunaar, adau asecit kus akinyasun akibois na jik, mam ibore ipei daŋ epedori akitojokun iŋes jik.

Ŋikis. 28:63

Ikwaŋina abunio tojoik Ekapolon ikitobar iyes ka akitipitun iyes toruworos ŋituŋa ŋulu alalak, ejoikini Ekapolon ayaun akinyasuno ka amunyaro neni kus. Ikimunyaryo iyes anakwap a ŋina ilosete iyes akituruwor ŋina kus.

Ŋikis. 29:28

Abu Ekapolon kirita ikes anakwap kec anaŋoit keŋ, anadedeŋu keŋ ka ananyunyura keŋ, ido kirita ikes nakwap ace, lopite ŋolo eyakatar ŋakiro tokona.’

Yos. 23:15

Nai lopite ŋolopei eyookinotor aneni kus ŋakiro daadaŋ ŋuna ajokak, ŋuna ikiikinit iyes Ekapolon ŋolo erae Akuj kus, lopite ŋolopei, eyauni Ekapolon neni kus ŋakiro ŋuna aronok daadaŋ, ŋuna adau iŋes alimokin iyes, itiyakini Ekapolon ŋun neni kus akitodol ŋina ikimunyarya iyes anakwap a na a ŋina ajokan, a ŋina adau iŋes ainakin iyes.