2 Ŋirw. 24:2 - Ebaibul

² Abu Ekapolon kiyakiya ŋajorei alokabilae a Ŋikaledian, a Ŋiarameani, a Ŋimoabi ka a Ŋiamoni amunyar ŋituŋa a Yudaya, kiyookinotor ŋuna erworit Ekapolon alorwor a ŋikadwarak a ŋulu arae ŋiketiyak keŋ.

2 Ŋirw. 24:2 Iomraidhean Croise

2 Ŋirw. 20:17

‘Ebunit apaki ŋina ecunarere ibore daadaŋ ŋini eyai kai ke erwosit kaapei ka ŋiboro ŋulu eŋadaete atapapaa kon, ŋiboro ŋulu eya tari tokona. Iudaryo ikes daadaŋ Babilon, mam ŋini idoŋi;

2 Ŋirw. 22:16

atemar ebala Ekapolon, kire jik, esicani ayoŋ akibois na ka ŋituŋa keŋ, lopite ŋolo igiritere lokitaabo ŋakiro daadaŋ ŋuna adau erwosit a Yudaya akisyom.

2 Ŋirw. 23:27

Abu Ekapolon totub tema, “Alemari ayoŋ Yudaya daŋ ejoŋo akitere lopite ŋolopei abunio olemarya alo Isirael ŋituŋa a Isirael. Aŋeri ayoŋ tari Yerusalem neni sek erae etaun ŋolo aseunit ayoŋ. Aŋeri nabo tari Akai na ŋina sek abu ayoŋ otema ekelipeneneere ayoŋ.”

2 Ŋirw. 6:23

Kitemok nai erwosit a Isirael aŋuna kec akimuj ŋina alalan. Ani irikakinete ikes akimuj ka akimat, kimyek iŋes ikes toloto, toboŋosi neni ke erwosit a ŋolo apolokinit ikes. Ŋinapei ŋina, nyeboŋokis nabo ŋituŋa ka Aram aŋaanar ŋajorei nakwap a Isirael.

2 Ŋakiro a ŋirwa 33:11

Aŋun, abu Ekapolon yau ŋikapolok a ŋasigarya a erwosit ka Asiriya akirem ikes ka apotu torikosi Manase, kiwuakis ekodocet lokume keŋ, toena iŋes a ŋiriko a ŋulu etiyaunitae a eburonis, yaasi Babilon.

Yob 1:17

Ani eriŋa ŋol irworo, todolu ece tema. “Apotu Ŋibabiloniyae kicodut eyakatar ŋakodeta ŋauni, toremo ŋikaala tomeasi, ido apotu toara a ŋileŋia ŋiketiyak, ayoŋ bon abu osi ainun iyoŋ ŋakiro ŋuna apotu kitiyakin.”

Isa. 13:5

Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 28:19

Apaki daadaŋ ŋina eponiata ŋican ŋul neni kus, ikiarete iyes; anerae epote ŋican ŋul a ŋinataparacu ka a ŋinapaaran, epote ŋican ŋul neni kus naparan ka nakwaare. Ikibuli iyes ŋinapaki daadaŋ iyenuniata iyes ŋakiro ka Akuj.

Isa. 7:17

Eyauni Ekapolon neni kon ka neni a ŋituŋa kon ta nateker kon ŋirwa ŋulu a ŋican ŋulu nyetakanuna ŋinapei ameun anakoloŋit a ŋina atyakaror Epuraim alo Yudaya. Iyakuuni Ekapolon erwosit ka Asiriya neni kon.

Yer. 12:9

Ikwaan ŋituŋa kaŋ ka ikenyit ŋini irimokinito ŋigolei kidiŋ ecamito akikamun iŋes. Potu, tonyarautu ŋityaŋ ŋulu ka ariet, yautu ikes, tomunyasi ŋituŋa lu.

Yer. 25:1

Alokaru a ŋolo a ŋiomwon ipukat erwosit Yeoiakim lokoku a Yosia a ŋolo a Yudaya (Torae ŋol ekaru ŋolo esyaunan ipukat erwosit Nebukadinesar ŋolo a Babilob) kirwor Ekapolon neni a Yeremia aŋuna a ŋituŋa a Yudaya a daadaŋ,

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 26:20

Ayai daŋ ekile ece ŋolo adwarenene alokiro ke Ekapolon, arae ekile ŋol Uria lokoku a Semaia ŋolo abunit alo Kirias-Yearim. Abu iŋes todwar ŋuna aronok aŋuna a etaun a lo ka aŋuna a akwap a na, erworo iŋes ŋakiro ŋuna ikwaan jik ka ŋuna alimu Yeremia.

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 32:28

Aŋun, alimu ayoŋ Ekapolon atemar ainakini ayoŋ etaun lo napedor a Ŋibabiloniyae ka napedor a erwosit Nebukadinesar a ŋolo a Babilon, ido ikamari iŋes etaun lo.

Yer. 35:11

Nai apaki ŋina abunio erwosit Nebukadinesar ŋolo a Babilon akirem akwap, aponi isua temarae, ‘Potu oloto Yerusalem aŋuna a ŋasigarya a Ŋibabiloniyae ka ŋasigarya a Ŋiarameani.’ Ŋakiro ŋun iŋes ikiyakar tokona isua Yerusalem. ”

Yer. 52:28

Erae lo ekimar a ŋituŋa a ŋulu abu Nebukadinesar toriko nakwap keŋ erae ŋimabus: Alokaru a ŋolo a ŋikanikaarei aponi torikoroe Ŋiyudayan ŋalipyo ŋauni ka ŋatomoniarei ka ŋiuni,

Aum. 1:17

Ibaanarete ŋituŋa a Sion ŋakan kec, nai mam ituŋanan isirworiuni ikes. Adau Ekapolon alimokin ŋiletok a Yakob atemar eruwor ŋikidunyet kec ŋimoe kec. Aruwor Yerusalem etaun ŋolo esiilyana aneni kec.

Esek. 19:8

Apotu nai ŋakwapin kimana iŋes, apotu ŋituŋa tocunun anakiboisyo a daadaŋ, Apotu toterosi ŋatibae kec ecamito akisurum iŋes, ido apotu kisuruma iŋes.

Esek. 23:23

Ekesimani ayoŋ iyoŋ Ŋibabiloniyae, Ŋibabiloniyae daadaŋ, Ŋipekod, Ŋisoa ka Ŋikoa ta ŋituŋa ka Asiriya daadaŋ erukito ikes ka ŋisorok ŋulu ebusak, ŋikapolok daadaŋ ŋulu a ŋitela ka ŋikarikok daadaŋ ŋulu a ŋasigarya, ŋikapolok ŋulu emetae a ŋagaari a ŋuna iritae a ŋaŋolei ka ŋikapolok a ŋasigarya ta daadaŋ ŋulu edokito ŋaŋolei.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Abak. 1:6

Ainakini ayoŋ ŋituŋa a Babilon apedor ŋinakipukaet, ainakini apedor lotuŋa ŋul ŋulu aryenyaanak, ŋituŋa ŋul nyiyeŋununeete. Elosete ikes etubete akwap, aŋuna ka akikamanar ŋakwapin toruworos ŋuna kec.