2 Ŋirw. 24:16 - Ebaibul

¹⁶ Toriko erwosit a Babilon ŋikilyok daadaŋ ŋulu agogoŋok ŋulu apedorito ejie ŋulu arae ekimar kec ŋalipyo ŋakanikaarei; ŋikayeak ŋiboro ka ŋiketyakak ŋasuwa erae ekimar aliput. Agogoŋ ikes daadaŋ apedorito ejie.

2 Ŋirw. 24:16 Iomraidhean Croise

2 Ŋirw. 24:14

Tocuna Nebukadinesar ŋituŋa a Yerusalem daadaŋ, ŋikapolok daadaŋ, ŋikajiok daadaŋ, ŋikayeak ŋiboro ta ŋiketyakak a ŋasuwa, ŋituŋa ŋulu aponi kikamarae a nen arae ŋalipyo ŋatomon, ŋikulyak bon aponi kimyekinae anakwap a ŋin.

2 Ŋirw. 25:12

Nai abu iŋes kimyek ŋituŋa ŋice ŋulu akulyakaka nooi anakwap a ŋin aŋuna ka akitub ŋikito ŋulu ke epiini ka akitare ŋimanikorin.

1 Ŋakiro a ŋirwa 9:1

Keponi kigirae Ŋisirael daadaŋ a ŋatekerin eryaaritae a ŋuna esyaunak, ido igiritae ŋakiro kec lokitaabo ŋolo a ŋirwosi a Isirael. Keponi ŋituŋa a Yudaya yaarae nakwap a Babilon ikwapei akisicanet aŋuna a ŋasecisya kec.

Yer. 22:25

okoinak iyoŋ napedor a ŋulu iwarito akiyar kon, akainakini ayoŋ iyoŋ napedor a ŋulu ikuryana iyoŋ aŋuna kec ka napedor a erwosit Nebukadinesar a ŋolo a Babilon ta napedor a Ŋibabiloniyae.

Yer. 29:2

Etiyakin nu kedaut arotokin alo Yerusalem erwosit Yekonia ka toto keŋ, ŋikapolok ŋulu atubok ŋakiro, ŋikarikok a ŋituŋa a Yudaya ka Yerusalem, ŋiketiyak ŋiboro ka ŋiketiyak ŋiboro a ŋasuwa.

Yer. 52:28

Erae lo ekimar a ŋituŋa a ŋulu abu Nebukadinesar toriko nakwap keŋ erae ŋimabus: Alokaru a ŋolo a ŋikanikaarei aponi torikoroe Ŋiyudayan ŋalipyo ŋauni ka ŋatomoniarei ka ŋiuni,

Esek. 17:13

Abu erwosit a Babilon ŋol ya eyenet a erwosit alo Yerusalem epei, tocamunos ka iŋes ka kisikoŋ iŋes akiwuap ŋakiro keŋ, (aris erwosit a Babilon apaki ŋin keriko ŋikapolok a akwap a Yerusalem),

Esek. 17:3

Tema iyoŋ neni kec, ‘Alimu Ekapolon Akuj atemar, ayai egole ŋolo apolon nooi ŋolo ayakar ŋabebenuk ŋuna apolok nooi, ayakar iŋes ŋakopir ŋuna aoyak, ŋuna agelegelya ŋiraŋgi. Abu egole ŋol toporo lomoru ŋulu a Lebanon, tobilibilaa ŋakyes a ŋikito a ŋulu enyaritae Cedar,