2 Ŋirw. 23:7 - Ebaibul

⁷ Kituwono iŋes ŋakais ŋuna a ŋikilyok a ŋulu erae ŋimalaae, eboiyete alo Kai ka Akuj. Arae tooma ŋakais ŋun adonyoto ŋaberu ŋilowi ŋulu elipere neni ka Asera.

2 Ŋirw. 23:7 Iomraidhean Croise

1 Ŋirw. 14:24

Ŋuna aronok nabo nooi, ayakasi ŋimalaae ka ŋamalaae nakiboisyo ŋun, ŋuna elipyata ŋituŋa alo Yudaya. Abu Reoboam kisyak akitiya ŋakiro ŋuna aronok ŋuna etiyaete ŋituŋa ŋulu abu Akuj kirita anakwapin kec a ŋuna abu iŋes inak Ŋisirael.

1 Ŋirw. 15:12

Abu iŋes tolema ŋimalaae ka ŋamalaae anakiboisyo a ŋuna elipyata ŋituŋa alo Yudaya. Tolema iŋes nakujo ŋuna kepotu atapapaa keŋ kitiyaut.

1 Ŋirw. 22:46

Abu Yeosapat tomunya ŋimalaae daadaŋ ŋulu edoŋito nakwap ŋin alorwa ka Asa, ŋulu etiyanakinete ŋakujo anakiboisyo a ŋunamukur.

2 Ŋakiro a ŋirwa 34:33

Tolema Yosia asiilyo daadaŋ anakwap a daadaŋ a ŋina a Ŋisirael, kituruwo Ŋisirael daadaŋ ŋulu ilipete neni a Ekapolon Akuj kec. Apotu Ŋisirael kiwuapa Ekapolon Akuj atapapaa kec ŋirwa daadaŋ ŋulu ayarya erwosit Yosia.

Esek. 16:16

Ibu iyoŋ tolemu ŋilowi kon ŋice, kisibusya ŋakiboisyo ŋunakilipet ŋuna eyakasi neni emukur, ŋakiboisyo ŋun, ikes ibunio iyoŋ kitiyaa amalao. Nyetakanuna ŋakiro ŋuna ikote ŋun ŋinapeikoloŋ ka nyemaikina totakanut tari alorwa a ŋulu eponito.

Esek. 8:14

Abu nai Akuj okoyau ayoŋ lopuke ŋolo ayai lowae ŋolo alo Kuju Akai ka Akuj, eboiyete a nen ŋaberu ŋuna egworosi aŋuna a Tamus.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Osea 4:13

Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Osea 4:14

Nyesicani ayoŋ ŋidwe kus aŋuna itiyaata amalao, kori ŋaterak kus ŋuna elomianeneeta ikes, anerae ŋikilyok ŋikulepek ikes eloseneneete namalaae, einanakinete kaapei ka ŋamalaae ŋuna ka akai ka akuj ŋamuronisya. Aŋun, emunyar ŋituŋa ŋulu emam aosou.

Ekim. 25:1

Ani eriŋa Ŋisirael elomito Sitim, kisyakis ŋikilyok a Ŋisirael akiryamanakin ka ŋaberu ŋuna arae Ŋamoabi.

Ŋikis. 23:17

Mam adiopese alodwe a Ŋisirael ŋina emaikina eruwor amalaat anakiboisyo a ŋuna ilipere ŋakujo, mam edya edio alodwe a Ŋisirael ŋolo emaikina eruwor emalaat anakiboisyo a ŋuna ilipere ŋakujo.