2 Ŋirw. 23:4 - Ebaibul

⁴ Tolimok erwosit Yosia Ilikia esacaradoti ŋolo apolon nooi ka ŋisacaradotin ŋulu ewuapito ŋulu apolok ta ŋituŋa ŋulu apolokinito etic alo Kai ka Akuj akipudun alo Kai ka Akuj ŋiboro daadaŋ ŋulu etiyaunitae aŋuna a Baal ka Asera ta ŋiboorei ŋulu ecayete alokidiama. Kicunyak iŋes ikes daadaŋ alokiŋa etaun Yerusalem alotooma ayonae ŋina enyaritae Kidiron, ido kisiwoko ŋituŋa ekuron kec Besel.

2 Ŋirw. 23:4 Iomraidhean Croise

2 Sam. 15:23

Kikalout ŋituŋa anakwap a ŋin daadaŋ, kiworout apaki ŋina arotokinioto Daudi ka ŋirukitos keŋ. Todoka erwosit ekekwaye ayonae ŋina enyaritae Kidiron. Kikomaasi ŋituŋa ŋulu arotokinete daadaŋ lowae ŋolo ka aloŋisat.

1 Ŋirw. 12:29

Kiwuak iŋes ŋakujo ŋun apei Besel ka ŋinace kiwuak Dan.

1 Ŋirw. 15:13

Tolema iŋes tari Maaka toto keŋ anarakau arwosit anerae, kebu kitiyau etorube a akuj aŋina enyaritae Asera. Abu Asa toyepak akuj ŋin kwap tosodi kicuny anauwat a ŋina a Kidiron.

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

1 Ŋirw. 18:19

Aŋun nai, tonyarau tokona ŋituŋa alo Isirael daadaŋ eryamunos ka ayoŋ lomoru Karimel. Yautu daŋ ŋikadwarak a Baal daadaŋ ŋulu erae ŋamiae ŋaomwon ka ŋatomonikan ka ŋikadwarak ka Asera daadaŋ ŋulu erae ŋamiae ŋaomwon, ŋulu eriito ka Yesebel.”

1 Ŋirw. 18:26

Aŋun, apotu ikes kipakasi emoŋ ŋolo ainio ikes, ido kitemokis. Tonyarata ikes ekiro a Baal ŋinapei taparacu akitodol kidiŋ apaaran. Tocela ikes ebasi, “Okoe Baal toboŋokinoe isua!” Nai mam etoil aponi kirarae, mam ŋini abu toboŋok ikes. Nai apotu torubakis idoŋaete irimete namuroet ŋina adukito ikes.

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

1 Ŋirw. 19:18

Nai emyekini ayoŋ alo Isirael ŋikilyok ŋalipyo ŋakanikaarei ŋul daadaŋ ŋulu nyeryediko kilipa neni a Baal, ŋulu nyenua Baal a ŋakituki kec.”

2 Ŋirw. 10:26

Kipudut kiŋa epir ŋolo a etal alokai a Baal kicunyakis.

2 Ŋirw. 12:10

Apaki daadaŋ ŋina ilelebunotor ŋisiliŋa nasaduku ŋin, arukunete ekegiran ŋolo ke erwosit ka esacaradoti ŋolo apolon nooi, kimara ŋisiliŋa ŋul kiturakis locweei.

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

2 Ŋirw. 21:3

Abu iŋes toduku nabo ŋakiboisyo nenimukur ŋuna koloŋ abwaŋabwaŋaari papa keŋ Esekia, ŋuna arae ŋakilipet ŋakujo. Toduku iŋes ŋamuroeta ŋuna ilipere Baal. Kitiyau iŋes etorube a akuj a ŋinaberu a ŋina anyaritae Asera, lopite ŋolo koloŋ etiyaa erwosit Aab ŋolo a Ŋisirael. Kilip Manase tari neni a ŋikacer ka abu kitiya aŋuna kec.

2 Ŋirw. 21:5

Toduku iŋes ŋamuroeta ŋuna elipere ŋikacer nalapatui ŋunaarei alo Kai ka Akuj.

2 Ŋirw. 21:7

Abu kiwuak etorube ŋolo ecieunitae ŋolo ka akuj a ŋinaberu a ŋina anyaritae Asera tooma kai ka Akuj, neni koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ane alo Yerusalem, iŋes aseu ayoŋ anakwap a daadaŋ a ŋina a ŋikabilae a ŋulutomon ka ŋiarei a Ŋisirael atemar ekelipere ayoŋ ŋikaru ka ŋikaru.

2 Ŋirw. 22:4

“Tolot neni a Ilikia a esacaradoti a ŋolo apolon nooi, tolimok iŋes kitemok ŋisiliŋa daadaŋ ŋulu adaun ayaun Kai ka Akuj, ŋisiliŋa ŋulu ecununuyete ŋiketeok a ŋipukei alotuŋa.

2 Ŋirw. 23:12

Ani ŋamuroeta ŋuna aya nagule ŋina alokidiama akai ka Aas, Ŋamuroeta ŋuna adukete ŋirwosi a Yudaya ka ŋuna aduki Manase nalapatui ŋunaarei ŋuna ka Akai ka Akuj, abu Yosia toukono, tobwaŋabwaŋa, tosodi tobukono ŋakielet nayonae Kidiron.

2 Ŋirw. 23:15

Abu Yosia touko tari namuroet ŋina ayai nenimukur alo Besel, ŋina aduki Yeroboam lokoku a Nebat ŋolo arikokini Ŋisirael nasecit, abu Yosia touko ibore daadaŋ kiela. Kicuny iŋes aduketait ŋin kicakicak ŋiboro ŋulu adukitere toruwor ŋalup, kicuny iŋes tari etorube ka akuj a ŋina anyaritae Asera.

2 Ŋirw. 25:18

Abu ekapolokiniton a ŋasigarya a ŋuna eyokiyete erwosit a Babilon kikama Seraia esacaradoti ŋolo apolon nooi, Sepania ŋolo atupit Seraia anapolou ka ŋiketeok ŋiuni ŋulu eteete ŋikekia.

2 Ŋakiro a ŋirwa 15:16

Abu erwosit Asa tolema tari toto keŋ Maaka anaraakau arwosit, anerae kebu toto ka Asa kitiya asiilyo, kitiyau etorube ka akuj a ŋina anyaritae Asera. Abu Asa totubutubok kwap etorube ŋol, kicakicak, ido kicuny ŋanyile anayonae a ŋina enyaritae Kidiron.

2 Ŋakiro a ŋirwa 33:3

Abu Manase toduku nabo ŋakiboisyo nenimukur ŋuna koloŋ abwaŋabwaŋaari papa keŋ Esekia, ŋuna arae ŋakilipet ŋakujo ŋunagelae. Toduku iŋes ŋamuroeta ŋuna elipere Baal. Kitiyau iŋes etorube a akuj a ŋina anyaritae Asera, abu Manase kilip neni a ŋikacer ka abu kitiya aŋuna kec.

2 Ŋakiro a ŋirwa 33:7

Abu kiwuak Kai ka Akuj etorube ŋolo ka akuj a ŋina anyaritae Asera, etorube ŋolo ecieuni iŋes, kiwuak Kai ŋin ŋina koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ka ne Yerusalem, iŋes aseu ayoŋ anakwap a daadaŋ a ŋina a ŋikabilae a Ŋisirael atemar ekelipere ayoŋ ŋikaru ka ŋikaru.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Yer. 52:24

Abu ekapolokiniton a ŋasigarya a ŋuna eyokiyete erwosit a Babilon kikama Seraia esacaradoti ŋolo apolon nooi, Sepania esacaradoti ŋolo atupit Seraia anapolou ka ŋiketeok ŋiuni ŋulu eteete ŋikekya.

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Esek. 8:6

Tema nai Akuj neni kaŋ, “Lokoku a ituŋanan iŋolik iyoŋ ibore ŋini itiyaete ikes a? Iŋolik iyoŋ ŋakiro ŋuna ka asiilyo ŋuna itiyaete Ŋisirael a ne aŋuna ka akiritar ayoŋ anakibois kaŋ a ŋina asegan a? Iŋolikini daŋ iyoŋ ŋace ŋuna ka asiilyo a ŋina apolon nooi.”

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Amos 4:4

“Toloto Besel, ido tosecesecata a nen, toloto Gilgal, ido kitalalata ŋasecisya kus, yaununutu a ŋina taparacu ŋamuronisya kus, yaununutu atutubet apei alotooma ŋitomon a ŋiboro kus a ŋinapaki erae ainakinet epete ŋirwauni,

Sepan. 1:4

Esicani ayoŋ ka akan kaŋ ŋituŋa ŋulu a Yudaya ka daadaŋ ŋulu iboiyete alo Yerusalem: Amunyari ayoŋ anakiboisyo a ŋun ŋituŋa daadaŋ ŋulu idoŋito ŋulu ilipete neni a Baal ka ibore daadaŋ ŋini idoŋit neni ilipere neni a Baal, ekisari ayoŋ ŋisacaradotin ŋulu ilipete ŋakujo ŋace ka kitiyanakinete ŋakujo ŋun.

Mat. 26:3

Apotu nai ŋisacaradotin ŋulu apolok ka ŋikatukok tocunakinos kai a Kaipa a ŋolo apolokinit ŋisacaradotin;

Mat. 27:1

Ani taparacu eriŋa akwap elilim, apotu ŋisacaradotin ŋulu apolok daadaŋ ka ŋikatukok totukut epite ŋoloaret Yesu.

Yoa. 18:1

Kedau Yesu akilip ŋin, toloto iŋes ka ŋikeekasyomak ekekwaye aŋolol Kidron. Ayai nen emanikor ŋolo apotu Yesu ka ŋikeekasyomak tolomasi.

Ŋikat. 2:13

Apotu ikes kimyekis Ekapolon, inanakis ŋamuronisya neni a Baal ka neni ka Asitores.