2 Ŋirw. 23:3 - Ebaibul

³ Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

2 Ŋirw. 23:3 Iomraidhean Croise

2 Ŋirw. 11:14

Ani edoli iŋes nen, kiŋolik erwosit ŋolo ariŋa eseunio ewoi alopir a ekek a Akai ka Akuj, lopite ŋolopei sek ewoenenea erwosit a nen. Erimokinito iŋes kidiŋ ŋikarikok a ŋasigarya ka ŋikakutak ŋarupepe, tocelas ŋituŋa daadaŋ elelyanete, tokusete ŋarupepe. Abu arwosit Asalia tocilicili ŋilowi keŋ, kiworou tema, “Erae ibore en aruruma ŋina demaret arwosit apukan, Erae ibore en aruruma ŋina demaret erwosit apukan!”

2 Ŋirw. 11:17

Abu Yeoida ŋolo arae esacaradoti kiwuak acamunet kidiŋ Ekapolon ke erwosit ta ŋituŋa, ikotere toruworos ikes ŋituŋa ke Ekapolon. Kiwuak daŋ acamunet kidiŋ erwosit ka ŋituŋa.

2 Ŋakiro a ŋirwa 15:15

Tolelyana ŋituŋa a Yudaya daadaŋ aŋuna ka akikoŋ a ŋin, anerae apotu ikes kikoŋo a ŋitai kec a daadaŋ ka apotu kiwara Ekapolon alotooma acamit kec daadaŋ, ido apotu toryamut Ekapolon, inak Ekapolon ikes ekisil alowaetin a akwap kec a daadaŋ.

2 Ŋakiro a ŋirwa 23:13

Ani edoli iŋes nen, kiŋolik erwosit ŋolo ariŋa eseunio ewoi alopir a ekek a Akai ka Akuj lopite ŋolo sek ewoenenea erwosit a nen, ewuasi alodiyete keŋ ŋikarikok a ŋasigarya, ŋikakutak ŋarupepe ka ŋituŋa daadaŋ ŋulu a Yudaya elelyanete ta ŋikaeok etiŋito ŋiboro kec ŋulu eotor, iŋarenikinito ŋituŋa anasuban a ŋun. Abu arwosit Asalia tocilicili ŋilowi keŋ, kiworou tema, “Erae ibore en aruruma ŋinademaret arwosit apukan! Erae ibore en aruruma ŋinademaret arwosit apukan!”

2 Ŋakiro a ŋirwa 23:16

Abu nai Yeoiyada esacaradoti kiwuak Acamunet kidiŋ keŋ ka ŋituŋa daadaŋ kaapei ka erwosit ikotere ikes eruworosi ŋituŋa a Ekapolon.

2 Ŋakiro a ŋirwa 29:10

Acamit tokona ayoŋ acamun ke Ekapolon Akuj a Isirael, ikotere nyebu neni yok anyunyura keŋ ŋina aryenyaanan.

Esir 10:3

Aŋun tokona, ocamunos iwon alokiŋaren Akuj yok, eritasi ŋaberu ŋun daadaŋ ka ŋidwe kec lopite ŋolo adauniata ekapolon yok ka ŋulu itopoloorito ŋakiciketa ŋuna ka Akuj yok alimokin iwon, emaikina kitiyae ŋun ikwaŋina elimunitor ekisil.

Neem. 10:1

Nakaratas ŋina ipucakinitae ŋin, eyakasi ŋirorwa a Neemia a ekepukan a ŋolo arae lokoku ka Akalia ka ŋolo a Sedekia,

Neem. 5:13

Abu daŋ ayoŋ elakilakaa abilet a elou kaŋ otema, “Elipi ayoŋ kilakilakaa Akuj ŋinituŋanan alokai keŋ ka alotic keŋ ŋini nyiwuapi akiikinet na. Elipi kilakilakaarae iŋes lopite ŋol, kimyekinae ikes emam ibore eyakatar.” Tolimu atukot daadaŋ tema, “Amen”, ido kipuro Ekapolon. Apotu ŋituŋa kitiyata lopite ŋolo eikinitotor.

Neem. 9:38

Aŋuna a ŋakiro a ŋun a daadaŋ, ikicamuni isua ka igiryo acamunet, ido igiryo nakipucakinet ŋirorwa a ŋikepukak kosi, a ŋilepi ka a ŋisacaradotin.

Awos. 24:3

Totiyaun nai Moses alomoru, tolot tolimok ŋituŋa ŋakiro ke Ekapolon daadaŋ ka ŋikisila ke Ekapolon daadaŋ; toboŋokis ŋituŋa daadaŋ kaapei temasi, “Ikitiyae isua ŋakiro daadaŋ ŋuna adau Ekapolon alimun.”

Ekal. 8:2

Abala ayoŋ ebe, “Kiwuapa akiciket ŋina a erwosit, ido ani kicamit iyoŋ akikoŋ neni ka Akuj,

Yer. 34:15

Ipotu iyes ŋikulepek alorwa a ŋidi a ŋulu alunyarosi tokiwa, kitiyata ŋuna ajokak alokiŋaren kaŋ anakisera alacakino neni a ŋiyeneta kus, ipotu iyes tocamunos alokiŋaren kaŋ alo Kai a ŋina enyaritae a ekiro kaŋ.

Yer. 34:8

Erae nu ŋakiro ŋuna abu Ekapolon kirwor neni a Yeremia kedau erwosit Sedekia acamun ka ŋituŋa ŋulu eboiyete alo Yerusalem akiseraun alacakino a ŋituŋa.

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 50:5

Iŋisete ikes ŋituŋa neni eyai erot ŋolo elosere Sion kiteorito ina, epote nai ikes kimorikinos ke Ekapolon alotooma acamunet ŋina a ŋikaru ka ŋikaru, acamunet ŋina nyimuryakin nabo.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 13:4

Kiwuapa ŋakiro ŋuna a Ekapolon Akuj kus, kitopoloorito iŋes bon, kiwuapa ŋakiciketa keŋ, kiwuapa ŋakiro ŋuna elimunit iŋes, kitiyanakisi iŋes ka kimiidikinos neni keŋ.

Ŋikis. 29:1

Erae nu ŋakiro ŋuna ka acamunet a ŋina abu Ekapolon kicik Moses tocamunos ka Ŋisirael anakwap a Moab kiyatakin nacamunet ŋina abu iŋes tocamunotor ka Ŋisirael alo Oreb.

Ŋikis. 4:45

Erae nu ŋakiro ŋuna elimunitoe ka ŋuna etubunitoe ta ŋikisila, ŋakiro ŋuna abu Moses tolimok Ŋisirael apaki ŋina aponiata alo Ijipit,

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.