2 Ŋirw. 23:2 - Ebaibul

² Abu erwosit kitipeiyo Kai ka Akuj, torukosi ka ŋituŋa daadaŋ ŋulu a Yudaya ka ŋulu a Yerusalem daadaŋ. Torukosi iŋes ka ŋisacaradotin, ŋikadwarak ta ŋituŋa daadaŋ, ŋulu ecarioko kaapei ka ŋikarwok. Tosyom iŋes alokiŋaren kec ŋakiro daadaŋ ŋuna egiritae lokitaabo ŋolo ka Acamunet, ŋolo aponi torukaunae alotooma Akai ka Akuj.

2 Ŋirw. 23:2 Iomraidhean Croise

Akisy. 19:11

Apotu ikes kitumudukana ŋikilyok ŋulu ayakasi kiŋa epuke; toŋopik ikes epuke. Apotu ŋun kitiyakin neni a ŋisorok ka neni a ŋikasikou.

1 Ŋirw. 8:9

Mam ibore ice ayai tooma Asaduku, ŋamoru ŋunaarei bon ŋunadapal ŋuna egiritae ŋakiciketa ŋuna kiwuakini Moses nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun anakwap a Ijipit.

2 Ŋirw. 22:8

Abu Ilikia esacaradoti ŋolo apolon nooi tolimok Sapan ekegirigiran tema, “Arukau ayoŋ Ekitaabo ŋolo a Ŋikisila alotooma Akai ka Akuj.” Ani einakini Ilikia ekitaabo ŋol neni a Sapan, abu Sapan tosyom iŋes.

2 Ŋakiro a ŋirwa 15:13

Ituŋanan daadaŋ ŋini eŋeri akilip neni ke Ekapolon Akuj a Ŋisirael, amaikina toarae, kerae ŋini esorokana, kori ŋini emojoŋit, ekile kori aberu.

2 Ŋakiro a ŋirwa 17:9

Yaasi ikes ekitaabo ŋolo a ŋikisila ke Ekapolon, kitatama ŋituŋa alo Yudaya daadaŋ, toloto lotaunio a Yudaya daadaŋ, kitatama ŋituŋa ŋikisila ŋulu ke Ekapolon.

Neem. 13:1

Akoloŋit ŋin, aponi tosyomae ŋakiro alokitaabo a Moses epupete ŋituŋa, ido aponi toryamunae igiritae atemar mam ituŋanan ŋini alo Amon, kori alo Moab ŋini emaikina toloma natukot ŋina a ŋituŋa ka Akuj,

Neem. 9:3

Towua ikes anakiboisyo kec, ido yaasi ŋisaae ŋiuni esyomete ŋakiro alokitaabo a ŋolo a ŋikisila a Ekapolon a Akuj kec, tosodo nabo alotooma ŋisaae ŋiuni tolimonosi ŋasecisya kec ka kilipa neni ke Ekapolon a Akuj kec.

Esta 1:5

Ani edaun ŋirwa ŋul, kitemok erwosit ŋasuban aŋuna a ŋituŋa daadaŋ a ŋulu aya Susa kai ka apukan. Aya nasuban ŋun ŋituŋa ŋulu arwok ka ŋulu caryo; todol ŋirwa ŋikanikaarei inuminumyo ŋasuban ŋun anenilapat alokiŋa akai ka apukan.

Yob 3:19

Eyakasi nalyalin ŋicaryonotin kaapei ka ŋikarwok, ido nyepolokinito ŋikapolok ŋipi kec a nen.

Ŋikiru. 115:13

iterereŋi iŋes ŋituŋa ŋulu itopoloorito iŋes, ŋulu cicik kaapei ka ŋulu apolok.

Yer. 34:8

Erae nu ŋakiro ŋuna abu Ekapolon kirwor neni a Yeremia kedau erwosit Sedekia acamun ka ŋituŋa ŋulu eboiyete alo Yerusalem akiseraun alacakino a ŋituŋa.

Ŋitic. 26:22

Akitodol nakoloŋit na, ekeŋarakinit Akuj ayoŋ a ŋun, awoi ayoŋ a ne akiteyenun nu neni a daadaŋ, neni a ŋulu caryo kaapei ka ŋulu arwok. Nyerworo ayoŋ ŋace, nai ŋuna abasi ŋikadwarak ka Moses etakanunete.

Ŋikis. 31:26

“Yaasi ekitaabo lo ŋolo a ŋikisila, kiwuakis diyete Asaduku ŋina ka Acamunet a Ekapolon Akuj kus, emaikina iŋes eyai nen ikwapei esuuda a ŋakiro aŋuna a eŋerenu kus;

Akis. 20:12

Abu eŋolik ŋikatwak, ŋikarwok ka ŋicaryo ewuasi kaapei alokiŋaren ekicoloŋ, toŋaarae ŋikitaaboi. Toŋaarae nabo ekitaabo ece, ekitaabo ŋolo ka akiyar. Aponi totubokinae ŋikatwak ikwaŋina kitiyatotor ikes, ikwapei igiritere lokitaaboi.

1 Sam. 30:2

ka torikosi ŋaberu ka ŋituŋa ŋulu keya nen, ŋulu caryo ka ŋulu arwok. Mam ipei daŋ apotu ikes toara, nai apotu torikosi ikes torotokinioto.

1 Sam. 5:9

Nai ekaku keyaut ikes Asaduku ŋin Gas, totiŋ Ekapolon ŋituŋa a Gas erono nooi, toyakaun ekabule nen ŋolo apolon nooi. Kisican Ekapolon ŋituŋa a etaun a ŋol, ŋulu cicik ka ŋulu emojoŋito, aŋun abu edeke ŋolo arae ŋabusyo min lotuŋa ŋul.