2 Ŋirw. 21:9 - Ebaibul

⁹ Nai apotu ikes towout akiirar. Abu Manase kibata ikes akitiya aronis ŋina eloit nooi ŋina a ŋakwapin a ŋuna abu Ekapolon kirita alokiŋaren Ŋisirael.

2 Ŋirw. 21:9 Iomraidhean Croise

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 21:10

Tolimu Ekapolon ŋakiro alokadwarak a ŋulu arae ŋiketiyak keŋ tema,

2 Ŋakiro a ŋirwa 33:9

Abu Manase kibata ŋituŋa a Yudaya ka ŋulu eboiyete alo Yerusalem akitiya aronis ŋina eloit nooi ŋina a ŋituŋa a ŋulu eritari Ekapolon anakwapin kec alokiŋaren Ŋisirael.

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Ŋikiru. 12:8

Irimito ŋituŋa ŋulu aronok ŋakiboisyo daadaŋ. Itopoloorito ŋituŋa ŋakiro ŋuna aronok.

Ŋikiru. 81:10

Arae ayoŋ Ekapolon Akuj kus, ŋina abu okoyau iyes eketipeunio anakwap a ŋina a Ijipit; toruworos ŋulu ikinyoma, ido akainakini ayoŋ iyes ŋiboro ŋulu ajokak.

Ŋakit. 29:12

Ani kecamu ekepukan akiwuap ŋakiro ŋuna erae alyokonu, erokyata ŋikapolok daadaŋ ŋulu ipukatotor iŋes.

Esek. 11:12

Ŋun nai iyenuniata iyes atemar arae ayoŋ Ekapolon ŋolo nyiwuapa iyes ŋuna atubunit ayoŋ atemar kiwuapa ka ŋolo nyiwuapa iyes ŋikisila keŋ, nai iwuapa iyes ŋikisila a ŋakwapin a ŋuna eyakasi nawaetin kus.”

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Esek. 5:6

Nai aŋero ŋituŋa keŋ akiwuap ŋuna atubunit ayoŋ ka aŋero akiwuap Ŋikisila kaŋ, aruwor ikes ŋulu eroko nooi akilo ŋulu a ŋakwapin a ŋunace, aŋero ikes akiwuap ayoŋ, aroketa ikes akilo tari ŋulu a ŋakwapin a ŋuna eya nawaetin kec, aŋero ikes ŋuna atubunit ayoŋ, awout akiwuap Ŋikisila kaŋ.

Esek. 5:7

Aŋuna aruworotor ŋituŋa a Yerusalem ŋulu ipegeiyoro akilo ŋulu a ŋakwapin a daadaŋ a ŋuna eya nawaetin kec, ido nyiwuapa ikes Ŋikisila kaŋ ka nyitiya ŋuna atubunit ayoŋ, nai etiyata ŋuna etubunito ŋituŋa a ŋakwapin a daadaŋ aŋuna eya nawaetin kec,

Dan. 9:6

nyepupokina isua ŋakiro ŋuna irworosi ŋiketiyak kon ŋikadwarak, ŋulu apotu kirworo alokiro kon neni a ŋirwosi kosi, a ŋikarikok, atapapaa kosi ka neni a ŋituŋa a daadaŋ a ŋulu ka akwap a na.

Osea 5:11

Isicanitae Epuraim, amunaar iŋes anatubokino anerae atenikinit iŋes akiwuarit akiŋarakino aneni a ŋakujo aŋuna nyepedorete akiŋarakin.

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Yoa. 15:22

Kerae nyabunit ayoŋ, esirwor ikes, kemam ikes asecit; nai tokona emam epite ŋolo etemaryata ikes, ‘Nyikisecit.’

Yak. 4:17

Aŋun, ituŋanan ŋini eyeni ŋuna itemokino kitiyae, nai nyitiyak, aruwor ŋun asecit aneni keŋ.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.

1 Sam. 8:19

Nai apotu Ŋisirael towout akiirar ŋakiro a Samuel temasi, “Mam! Ikiitanit isua jik aryamun erwosit ŋolo ikipukae isua,