2 Ŋirw. 21:2 - Ebaibul

² Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa a ŋakwapin ŋulu eritari Ekapolon alokiŋaren Ŋisirael.

2 Ŋirw. 21:2 Iomraidhean Croise

2 Ŋirw. 17:2

Etiyae iŋes ŋakiro ŋuna aronok aneni ke Ekapolon nai pa ekwaan asecit keŋ ka ŋina a ŋirwosi a Isirael a ŋulu epukato Isirael eriŋa iŋes.

2 Ŋirw. 21:11

“Aŋuna etiyaa Manase erwosit a Yudaya asiilyo na, aronis ŋina iloit ŋina a Ŋiamori a ŋulu sek aya neni ipukat iŋes, ka nabo aŋuna arikokinia ŋituŋa a Yudaya nasecit ŋina ka akiwuapit ŋakujo keŋ,

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 21:20

Abu iŋes kitiya ŋuna aronok aneni ke Ekapolon lopite ŋolopei etiyator Manase ŋolo arae papa keŋ.

2 Ŋirw. 21:21

Ekwaan per ŋipitesyo keŋ daadaŋ ka ŋulu a papa keŋ, etiyanakini ŋakujo ŋunapei etiyanakini papa keŋ, elipi neni a ŋakujo a ŋun.

2 Ŋirw. 21:7

Abu kiwuak etorube ŋolo ecieunitae ŋolo ka akuj a ŋinaberu a ŋina anyaritae Asera tooma kai ka Akuj, neni koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ane alo Yerusalem, iŋes aseu ayoŋ anakwap a daadaŋ a ŋina a ŋikabilae a ŋulutomon ka ŋiarei a Ŋisirael atemar ekelipere ayoŋ ŋikaru ka ŋikaru.

2 Ŋirw. 22:17

Aŋuna akaŋerioto ikes ayoŋ ka aŋuna ainanakiniata ŋainakineta neni a ŋakujo a ŋunace. adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

2 Ŋirw. 23:32

Etiyat iŋes ŋakiro ŋuna aronok aneni ke Ekapolon lopite jik ŋolo etiyatotor atapapaa keŋ.

2 Ŋirw. 24:9

Etiyat iŋes ŋakiro ŋuna aronok aneni ke Ekapolon lopite ŋolo etiyator papa keŋ.

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Ekal. 9:18

Ejok aosou akilo ŋiboro ŋulu a ejie, nai epedori ekasecan epei bon amunaar ibore ŋini alalan ŋini ajokan.

Isa. 66:4

ayoŋ daŋ, aseuni ajamuwar ikes, ainakini ikes ibore ŋini ekerito ikes, anerae ani anyarae ayoŋ ikes, mam ŋini abu okoboŋok ayoŋ ŋakiro, ani esirworikini ayoŋ ikes, apotu ikes nyepupokis ŋakiro kaŋ, nai apotu ikes kitiyata ŋuna aronok alokiŋaren kaŋ, toseut akitiya ŋuna pa eketalakarito ayoŋ.”

Yer. 15:4

Eturuwori ayoŋ ikes ŋulu inyasuna aneni a ŋituŋa a ŋakwapin, anerae nyejokak ŋakiro ŋuna abu erwosit Manase lokoku a Esekia ŋolo a Yudaya kitiya alo Yerusalem.

Esek. 11:12

Ŋun nai iyenuniata iyes atemar arae ayoŋ Ekapolon ŋolo nyiwuapa iyes ŋuna atubunit ayoŋ atemar kiwuapa ka ŋolo nyiwuapa iyes ŋikisila keŋ, nai iwuapa iyes ŋikisila a ŋakwapin a ŋuna eyakasi nawaetin kus.”

Esek. 16:51

Nyitiya Samaria tari atutubet apei a ŋasecisya a ŋuna itiya iyoŋ; itiya iyoŋ asiilyo ŋina alalan akilo ŋituŋa a Samaria ka atakan aneni a ŋakaitotoi kon esibit iyookino ikes akilo iyoŋ anasiilyo a ŋina itiya iyoŋ.

Esek. 22:3

Tolimok ikes atemar alimu Ekapolon Akuj ŋakiro nu, ‘Okoe ŋituŋa a Yerusalem, iyes ŋulu iyaut amunyaro kus neni kus aŋuna iaryata ŋituŋa kus pei ka aŋuna imunaarotor make anakitiya ŋakujo, aapuu tokona apaki kus.

Ŋikis. 12:31

Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.