2 Ŋirw. 20:5 - Ebaibul

⁵ “Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

2 Ŋirw. 20:5 Iomraidhean Croise

2 Sam. 5:2

Ani paaran eriŋa Saul ikipukat isua, iyoŋ ibu torik ŋajorei a Isirael, ido mam ituŋanan ibu iyoŋ tocaka. Abu Ekapolon tema neni kon, ‘Iyoŋ iruwor ekeyokon a ŋituŋa kaŋ a Ŋisirael, iyoŋ iruwor ekepukan kec.’ ”

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

2 Ŋirw. 19:20

Tosodi nai Isaya lokoku ka Amos kiyakiya akirot neni ke Esekia tema, “Ebala Ekapolon ŋolo erae Akuj a Ŋisirael ebe: Adau ayoŋ akiirar akilip ŋina ilip iyoŋ neni keŋ aŋuna a Senakerib a erwosit ka Asiriya

2 Ŋirw. 20:4

Ani eriŋa Isaya eyai nalapatu ŋina alokidiŋ ere ke erwosit, tolimok Ekapolon iŋes tema,

2 Ŋirw. 22:19

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

2 Ŋakiro a ŋirwa 13:12

Ikirukit isua ka Akuj; iŋes erae ekarikon kosi, eyakatar ŋisacaradotin keŋ ŋarupepe ŋuna ekutakinio anyaraunia ŋituŋa potu akitijiore iyes. Okoe iyes Ŋisirael, nyitijiyoto Ekapolon Akuj atapapaa kus, anerae nyilounete iyes.”

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

Ŋikiru. 107:20

Abu nai Akuj kiyakiya akirot keŋ neni kec, kitaŋaleu ikes, tolaku ikes anamunyaro.

Ŋikiru. 119:26

Abu ayoŋ okolimok iyoŋ ŋipitesyo kaŋ, ido ibu iyoŋ ikiboŋok ayoŋ; kitatamae ayoŋ ŋakiro ŋuna itubunit iyoŋ.

Ŋikiru. 126:5

Ikes ŋulu eete ŋikinyom icidete ŋakiyo, epote akilem nyikinyom eeosi ŋieosyo ŋulu ka alelyanu.

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 34:18

Eapi ekapolon aneni a ŋulu amamukaun amukeo alotai, ido eiununui ŋulu amamukaun akigeno alotai.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Ŋikiru. 56:8

Iyeni iyoŋ epite ŋolo ekelolikinitere ayoŋ; iyeni iyoŋ etyae ŋolo a ŋakiyo kaŋ, emam mono ikes alokitaabo kon a?

Ŋikiru. 56:9

Eboŋorete nai ŋimoe kaŋ akoloŋit ŋina akanyaraa ayoŋ iyoŋ. Ayeni ayoŋ atemar itiyakin ŋun, anerae ikirukit ayoŋ ka iyoŋ.

Ŋikiru. 6:10

Irumete ŋileec ŋimoe kaŋ daadaŋ ka eari ekabule; eboŋorete ikes ka alotooma apaki ŋina euruwuana, isurumyo ikes ŋileec.

Ŋikiru. 65:2

Okoe Akuj iyoŋ iboŋonokini akilip kosi, neni kon iŋes epote ŋituŋa daadaŋ akipuro iyoŋ.

Ŋikiru. 65:3

Ani apaki ŋina ikilopiyaryata isua ŋasecisya kosi, Isyoni iyoŋ ŋadyakanareta kosi.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Awos. 3:9

Adolu tokona akigworo a Ŋisirael neni kaŋ; adau daŋ ayoŋ akiŋolikin epite ŋolo isicanitotor Ŋijipitian ikes.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 38:22

Keris sek Esekia daŋ kelimu ebe, “Ani kitoodikinet ekesileerekini ayoŋ atemar etipeiyori ayoŋ Kai ke Ekapolon?”

Isa. 38:5

“Tolot tolimok Esekia atemar alimu Ekapolon Akuj a papaa kon a Daudi ebe, ‘Adau ayoŋ akiirar akigworo kon ka eŋolik ŋakiyo kon eyatakini ayoŋ nakiyar kon ŋikaru ŋice ŋitomon ka ŋikan.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Mat. 22:32

‘Arae ayoŋ Akuj ŋina ka Aburaam, ka Isaka, ta ŋina a Yakobo’ a? Meere iŋes Akuj a ŋikatwak, nai Akuj a ŋulu eyarete.”

Luk. 1:13

Nai tolimok emalaika iŋes tema, “Nyikuryaniar Sakariya, anerae eira Akuj akonikilip, idouni akoniberu Elisabet ikoku ŋini sapat, ilimokini iyoŋ ekeekiro Yoana.

Luk. 18:10

“Apotu ŋikilyok ŋiarei, toloto Kai ka Akuj akilip; arae epei Eparisayot, torae ŋoloce ekeriran ocur.

Yoa. 5:14

Ekaku, abu Yesu toryamu ekile ŋol alo Kai ka Akuj, tolimok iŋes tema, “Kiira, iŋaleu iyoŋ tokona; tojoŋo asecesec, ikotere nyitiyakin ibore ice ŋini aronon nooi neni kon.”

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋibur. 2:10

Etemokino kire Akuj ŋina erae neni keŋ eponitotor ŋiboro daadaŋ ka erae ŋiboro daadaŋ aŋuna keŋ kituruwo Yesu ŋolo iyookino kire alotooma ŋican, ikotere eyauni ŋidwe ŋulu ka Akuj ŋulu alalak napolou keŋ. Anerae Yesu itenari ikes naiuno.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”