2 Ŋirw. 20:3 - Ebaibul

³ “Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

2 Ŋirw. 20:3 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 5:22

Kiboi Enok iwuapit Akuj ŋikaru ŋamiae ŋauni, kedau auruun Metusela, touru ŋisapa ŋice ka ŋapesur.

Akisy. 5:24

Kiboi Enok iwuapit Akuj, nai toŋopiya, anerae abu Akuj ya iŋes nakuj.

Akisy. 8:1

Nai abu nyimuryak Akuj Noa ka ŋibaren ta ibore daadaŋ ŋini ayari ŋini aya ka iŋes nataker. Kitukut Akuj ekuwuam anakwap, kitidipaiya ŋakipi.

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

1 Ŋirw. 15:14

Nai pa abu iŋes tolema ŋaduketa ŋuna aya nenimukur. Tari pa kelemarit ŋun, eyookino etau ka Asa aneni ke Ekapolon ŋirwa daadaŋ ŋulu ka akiyar keŋ.

1 Ŋirw. 2:4

Nen nai isiyookinio Akuj akirot keŋ ŋina abu ekeik ayoŋ ebala, ‘Ani kiyok ŋiletok kon epite ŋolo eyaryata, toyarete eketopoloorito ayoŋ erae ŋulu ikinyoma alotai kec a daadaŋ ka anakiyar kec a daadaŋ, nyikipiyori iyoŋ aryamun ekile ŋolo iboikin lokicoloŋ kipuka Ŋisirael.’

1 Ŋirw. 3:6

Tema Solomon, “Idau iyoŋ akitoodikin amina kon ŋina apolon, ŋina nyiryaŋiryaŋa neni a eketiyan kon a papa kaŋ Daudi, anerae arae iŋes ŋolo ikikinyomit iyoŋ ka akiyookino, ido ajok iŋes alotau keŋ aneni kon. Idau iyoŋ akiric aŋuna keŋ arimao na ŋina apolon, iinak iŋes ikoku ŋinisapat ŋini elunyokin lokicoloŋ keŋ nakoloŋit na.

1 Ŋirw. 8:23

Kilip tema, “Okoe Ekapolon, Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet ka amina ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot kon a ŋitai kec a daadaŋ.

1 Ŋirw. 8:61

Aŋun, inakinos nooi neni ke Ekapolon Akuj yok, kiwuapa ŋikisila keŋ ka kirica ŋakiciketa keŋ, lopite ŋolo iwuapyata nakoloŋit na.”

1 Ŋirw. 9:4

Nai iyoŋ Solomon ani kiwuap ŋakiro kaŋ lopite ŋolo ewuapitor papa kon Daudi a epeitau ka anakiyookino, ido kitiya ŋuna daadaŋ adau ayoŋ akicik iyoŋ, kiwuap ŋikisila kaŋ ka ŋuna atubunit ayoŋ,

2 Ŋirw. 20:2

Toboboŋiyo Esekia narwatata kilip neni ke Ekapolon tema,

2 Ŋirw. 20:4

Ani eriŋa Isaya eyai nalapatu ŋina alokidiŋ ere ke erwosit, tolimok Ekapolon iŋes tema,

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

Neem. 13:14

Totamunitetei ayoŋ, okoe Akuj kaŋ aŋuna a ŋakiro a ŋun, ido nyikimuryakis iyoŋ ŋiticisyo kaŋ ŋulu ajokak ŋulu adau ayoŋ akitiya alo Kai kon Akuj kaŋ ka aŋuna ka akilip a nen.

Neem. 13:22

Tosodi abu ayoŋ olimok ŋilepi atemar kitaleunos, ido potu akitere ŋipukei, ikotere iricitae Sabato erae akoloŋit ŋina asegan. Okoe Akuj kaŋ, totamunite ŋakiro ŋun daŋ ikitojokit ayoŋ ka kiuryarae ayoŋ alotooma amina kon ŋina apolon ŋina nyiryaŋiryaŋa.

Neem. 13:31

olimu atemar yaunae ŋakito ŋuna iitana a ŋinapaki ka yaunae ŋaraito ŋuna esyaunak. Totamunitetei ayoŋ okoe Akuj kaŋ, ikitojokit ayoŋ.

Neem. 5:19

Totamunitetei ayoŋ aŋuna ka ajokis kaŋ, okoe Ekapolon, totamunite daadaŋ ŋuna adau ayoŋ akitiya aŋuna a ŋituŋa a lu.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 16:20

Akajamuwarito ayoŋ ŋikonei kaŋ; ebwaliyasi ŋakiyo ŋakonyen kaŋ adyekit Akuj ekeŋarak ayoŋ.

Yob 4:6

Meere mono akitopoloorit Akuj iŋes ikinyomit iyoŋ ka meere mono akiyookino aloticisyo kon igeno iyoŋ a?

Ŋikiru. 102:9

Anyami tokona ayoŋ ekuron ikwapei akimuj, ido emoriyanari ŋakiyo ka ibore ŋini amasi,

Ŋikiru. 119:26

Abu ayoŋ okolimok iyoŋ ŋipitesyo kaŋ, ido ibu iyoŋ ikiboŋok ayoŋ; kitatamae ayoŋ ŋakiro ŋuna itubunit iyoŋ.

Ŋikiru. 119:49

Totamunite akirot kon neni a eketiyan kon ŋina ikiinakinia iyoŋ ayoŋ akigeno.

Ŋikiru. 145:18

Eapi Ekapolon aneni a daadaŋ a ŋulu enyaraete iŋes, a ŋulu enyaraete iŋes anakiyookino kec.

Ŋikiru. 25:7

Tojoŋo atamunit ŋasecisya ŋuna ka asorokanut kaŋ, kori ŋipitesyo kaŋ ŋulu akaŋereneneo ayoŋ iyoŋ; totamunae ayoŋ anamina kon a ŋina nyiryaŋiryaŋa, anerae ijok iyoŋ, okoe ekapolon.

Ŋikiru. 26:1

Okoe Ekapolon, tolimu atemar nyasecit ayoŋ, anerae eboi ayoŋ emam ŋuna eketoronitere anakiyar kaŋ, ekinyom ayoŋ Ekapolon ŋinapei emam akiryaŋiryaŋa.

Ŋikiru. 26:3

anerae ayeni ayoŋ atemar ikimina iyoŋ ayoŋ kire, ewuapit ayoŋ ŋakiro kon ŋuna a kire.

Ŋikiru. 32:2

Erereŋ ŋulu nyerubakinit Akuj imarit erae ŋikasecak, ŋulu emam alyokonu alotai kec.

Ŋikiru. 39:13

Kimyekinae ayoŋ bon, ikotere oryamu alelyanu adio eriŋa ayoŋ nyetwana, ido nyatakanu nabo jik.”

Ŋikiru. 6:6

Alemun ayoŋ anakigworo kaŋ; akuwar kia itapapalete ekitaada kaŋ ŋakiyo ŋuna egworor ayoŋ; ibwaliyananarete ŋakiyo ibore ŋini ecoloŋit ayoŋ aperi.

Ŋikiru. 6:7

Nyeriŋa ŋakonyen kaŋ iteete ejok aŋuna ka akigworo kaŋ; amuumu ŋakonyen kaŋ aŋuna a ŋimoe kaŋ a daadaŋ.

Ŋikiru. 89:47

Totamunite mono iyoŋ epite ŋolo euruwuania akiyar kaŋ; totamunite mono iyoŋ atemar ibu iyoŋ itosub isua daadaŋ ikirae ŋituŋa ŋulu etwakeneneete!

Ŋikiru. 89:50

Okoe Ekapolon, kiŋolik epite ŋolo ekeyenyere ayoŋ eketiyan kon; kiŋolik epite ŋolo edaŋidaŋia ayoŋ alotau ŋiyany a ŋituŋa,

Isa. 38:14

“Eoroonor ayoŋ aditiyar etoil kaŋ ka apalagag egworo ayoŋ lopite ŋolo erwor akuri. Aup ŋakonyen kaŋ akireorit kidiama. Okoe Ekapolon, ekesicanitae ayoŋ, toruwor ekeuryaran kaŋ.

Isa. 63:11

Apotu nai ikes totamut ŋirwa ŋulu koloŋ, ŋirwa ŋulu a Moses a eketiyan a Akuj. Ai eyai ŋolo abu kitipeunio ikes ananam kaapei ka ŋikeyokok a ŋamesekin keŋ? Ai eyai ŋolo abu kiwuak etau keŋ ŋolo asegan tooma kec,

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Amos 5:4

Alimu daŋ Ekapolon ebe, ‘Toboŋutu neni kaŋ ikotere toyara,

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.