2 Ŋirw. 2:14 - Ebaibul

¹⁴ Ya iŋes ekaaso ke Eliya ŋolo acakun toramya ŋakipi irworo ebala, “Nyali Ekapolon ŋolo erae Akuj ŋina ke Eliya?” Kedau iŋes akiram ŋakipi, totyakas ŋakipi alokidiŋ totyeikis Elisa totubori ekekwaye.

2 Ŋirw. 2:14 Iomraidhean Croise

2 Ŋirw. 2:13

Kidepu Elisa ekaaso ke Eliya ŋolo abu tocakun kwap aneni ke Eliya, tosodi Elisa toboŋo akiwo alokipetot ka aŋolol Yorodan.

2 Ŋirw. 4:29

Tolimok Elisa Geasi tema, “Toenik arokoba nacir kon, tolema ebela kaŋ, tosodi tolot. Nyiwo akimal idiotuŋanan. Ani kikimal ituŋanan iyoŋ, nyiboŋok. Tolot jik tari kai, tosodi kidokok ebela kaŋ loreet a idya.”

Ŋikiru. 115:2

Kaanukiro iŋitatar ŋituŋa ebe, “Ai mono eyai Akuj kec?”

Ŋikiru. 42:10

Akaniposi ayoŋ ŋiyany a ŋimoe kaŋ, lopite ŋolo eyakar etoku ŋolo aaran nakuwan, ekeŋiseneneete ikes ayoŋ apaaran jwii ebe, “Ai bo eyai Akuj kon?”

Ŋikiru. 42:2

Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

Awos. 14:22

Tolomasi Ŋisirael Nanam ŋina Areŋan, kitoro neni aonit. Arounito ikes ŋakipi aloteten ka alokedyeny esibit ŋarwatatain.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Mar. 16:20

Toloto ŋikasyomak alimonokin Ŋakiro ŋuna Ajokak lobukui daadaŋ, kitiyata ikes ka Ekapolon kaapei, kitoodiun daŋ akitatam kec erae ŋina iyookino aŋuna a ŋakujuwuanisya a ŋuna etiyaete ikes.]

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋikat. 6:13

Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”