2 Ŋirw. 19:7 - Ebaibul

⁷ Kiira, abuni ayoŋ elope akisiirar erwosit ka Asiriya ŋakiro ŋuna itorotokinete iŋes toboŋo nakwap keŋ, ido ani edoli iŋes inaa, etaari ayoŋ ŋituŋa iŋes.’ ”

2 Ŋirw. 19:7 Iomraidhean Croise

2 Ŋirw. 19:28

Aŋuna ikidedeŋikinitor iyoŋ ayoŋ ka aŋuna tokona eirarya ayoŋ akituro kon, arubokini ayoŋ ekodocet kaŋ lokume kon, ido ojak akituk kon; eketoboŋori ayoŋ iyoŋ tomek erot ŋolopei sek imyat iyoŋ ibuni.

2 Ŋirw. 19:33

Emekini iŋes eboŋori erot ŋolopei sek amyat ebuni, nyelomuni iŋes lotaun lo.

2 Ŋirw. 7:6

Kepotu ikes tobwaŋas anerae kebu Ekapolon ekiŋaren kisiira ŋasigarya ka Aram eruye ŋolo asibit akicodoret ŋina ka ajore a ŋina apolon nooi, ŋina edokitere ŋaŋolei ka ŋagaari ŋuna iritae a ŋaŋolei. Kepotu nai ŋasigarya ka Aram kirworikis ecelasi temasi, “Ketac erwosit a Isirael ŋirwosi a Ŋiitaiti ka ŋulu a Ŋijipitian akitijiore iwon!”

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Yob 15:21

Epupete ŋiryenyaanotin ŋitoilon ŋulu einakinete ikes ekabule; apaki ŋina eyakatar ikes nalakara, ebuni ekenyasan amunaar alakara kec.

Yob 4:9

Itoŋopiyari Akuj ŋikaronok a ekuwuam keŋ ka emunyari ikes anaryenyeo a ŋina ka aŋoit keŋ.

Ŋikiru. 11:6

Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 94:23

Isicani Akuj ikes aŋuna a ŋasecisya kec, emunyari Akuj ikes aŋuna ka aronis kec; emunyari Ekapolon Akuj yok ikes.

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Yer. 49:14

Abu ayoŋ otema, “Akalimoki Ekapolon ayoŋ ŋakiro ka eyakuun ekiyakia nakwapin, ebala iŋes, ‘Tocunakinos daadaŋ iwapei, ido potu kitijikis ikes, tonyoutu aŋuna ke ejie!’

Yer. 51:1

Alimu Ekapolon ebe, “Eyakuuni ayoŋ ekuwuam ŋolo enyasan Babilon ka lotuŋa ŋulu iboiyete alo Leb-Kamai.

Yer. 51:46

Nyicamut ŋitai iyalaar, ekuryaketa aŋuna a ŋakiro car a ŋuna irworosi ŋituŋa anakwap, a ŋolokaru eya ŋakiro ŋuna irworosi ŋituŋa, ani ebuni ekaru ŋoloce toyenut ŋakiro ŋace, irworosi ŋituŋa ŋakiro car ŋuna ka aryenyeo anakwap, irworosi ŋuna a ekepukan a epei a ŋolo eremokino ŋoloce.

Obad. 1:1

Erae nu ŋakiro ŋuna abu Obadia todwar, ŋuna abu Ekapolon ŋolo Etiron kirwor aŋuna ke Edom; adaun isua akiirar ŋakiro aneni ka Akuj, ido eyakiyar ekiyakia nakwapin alimokin ŋakwapin ebe, “Tonyoutu! Emana akwap ke Edom, etijioto!”