2 Ŋirw. 19:4 - Ebaibul

⁴ Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

2 Ŋirw. 19:4 Iomraidhean Croise

Akisy. 22:14

Aŋun, abu Aburaam tolimok ekiro a akibois a ŋin, “Elemuni Ekapolon”; tari tokona ebasi ŋituŋa, “Alomukura a ŋolo ke Ekapolon, ikilemikinio.”

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

2 Ŋirw. 18:13

Alokaru a ŋolo a ŋitomon ka ŋiomwon ipukat Esekia, abu Senakerib erwosit ka Asiriya torem ŋitaunio alo Yudaya daadaŋ ŋulu adukuk ejok, kikama.

2 Ŋirw. 19:16

Okoe Ekapolon, topupok ka kiira; toŋaa ŋakonyen kon, Okoe Ekapolon kiŋolik, ido topupok ŋakiro ŋuna irworit Senakerib ikiyanyit iyoŋ Akuj ŋina iyari.

2 Ŋirw. 19:22

Esibit iyoŋ ŋae iyanyi iyoŋ ka imorit? Ŋae icelanakini iyoŋ, ipocokinit ŋakonyen kon ituro? Itiya iyoŋ ŋun neni ka Akuj a ŋina Asegan, a ŋina a Isirael!

2 Ŋirw. 19:23

Ibu iyoŋ kiyaku ŋituŋa akituro alokiŋaren Ekapolon. Ibala iyoŋ, ‘Aŋuna ayakar ŋagaari ŋuna alalak adau akidok ŋimoru ŋulu aoyak ŋulu a Lebanon. Ibala iyoŋ adau ayoŋ akiyep ŋikito a Cedar ŋulu aoyak, ka ŋikito a Sipres ŋulu ajokak nooi. Ibala ebe adau alomar nooi namon a Lebanon, adol tari lokito ŋulu ka amoni a ŋin ŋulu ajokak nooi.

2 Ŋirw. 19:3

Tolimokis ikes Isaya temasi, “Ebala Esekia, erae akoloŋit na ŋina a ŋican, ŋina a akiŋenyakinet ta ŋileec. Ikoni neni ani edoli akidoun ikoku todaun aberu agogoŋu ŋinakidinyakinet.

2 Ŋirw. 19:30

Epitunete ŋituŋa a Yudaya ŋulupiya, edupakin ikwa ŋataagor alokwap ekitoe ka elalaketa ikwa ŋaraito alokidiama ekitoe.

2 Ŋirw. 19:31

Anerae eyakaun Yerusalem ŋipiya. Eyakaun lomoru Sion ŋituŋa ŋulu epuun alomoe kec, anerae elelyakinit Ekapolon ŋolo Etiron akitiyakin ŋun.

2 Ŋirw. 19:5

Ani edolunete ŋituŋa ŋulu eyakiunit Esekia neni ka Isaya,

2 Ŋakiro a ŋirwa 32:20

Apotu nai erwosit Esekia ka ekadwaran Isaya lokoku ka Amos kilipa neni ka Akuj, kigworonokis Akuj akiŋarakin ikes anakiro a Senakerib.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 50:21

Idaut iyes akitiya ŋakiro ŋun, ido eliliŋi ayoŋ cek; itamete iyes atemar kori ekoni ayoŋ iyes. Nai tokona ekeyeyakini ayoŋ iyes, ido akalimokini tokona ŋuna ekesitakinitor.

Ŋikiru. 74:18

Okoe Ekapolon, totamu epite ŋolo ikijamuwaritotor iyoŋ ŋimoe kon, totamu epite ŋolo iyanyata ŋibaŋaanotin ekiro kon.

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Yer. 23:36

Nai nyelimu nabo ituŋanan ebe, ‘Ŋakiro ŋuna eryebete Ekapolon,’ anerae erae ŋakiro ŋuna ikiryebete akirot ŋina elimuni ŋinituŋanan, aŋun iloconokinete iyes ŋakiro ŋuna ka Akuj a ŋina eyari a Ekapolon a ŋolo a ŋajoresyo, ŋakiro a Akuj yok.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Yer. 42:9

tolimok Yeremia ŋituŋa daadaŋ tema, “Alimu Ekapolon Akuj a Ŋisirael ŋina ipotu iyes ikiyakiyasi ayoŋ neni keŋ alimokin adyekitoi kus ebe,

Esek. 36:37

“Alimu Ekapolon Akuj atemar, acamakini daŋ ayoŋ Ŋisirael ekeŋita ayoŋ etiya nu aŋuna kec; akiyatakin ekimar kec tolalaar nooi ikwa esipan a ŋamesekin.

Ŋirom. 11:5

Ikote tokona daŋ nenipei: eyakasi ŋituŋa ŋidikudyo ŋulu adau Akuj aseun aŋuna ka ajokis keŋ.

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

Yos. 14:12

Aŋun, inakinae ayoŋ akwap ŋina a ŋikamukumukui na, ŋina abu Ekapolon ekeik ayoŋ akoloŋit ŋina ikiboŋunio ayoŋ ka ŋirukitos kaŋ, itolimokin iyes ŋakiro a akwap a Kanaan. Iyoŋ daŋ elope ibu kiira apaki ŋin atemar edukito ŋimoe ŋulu anyaritae Ŋianakim ŋitaunio ŋulu ewuatae a ŋarwatatain a ŋuna egogoŋ. Nai ani kekeŋarak Ekapolon ayoŋ, apedori akibwaŋ ikes erita ikwaŋinapei alimunitor Ekapolon.”

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:10

Tema nai Epilistait ŋol, “Nakuwar na, eletiletakini ayoŋ ŋajorei a Isirael kwap! Inakinae ayoŋ ekile epei ojikinos.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:45

Nai tema Daudi neni ke Epilistait, “Ibunit iyoŋ neni kaŋ itiŋit tari ekileŋ, atum ka akwara; nai abuni ayoŋ neni kon alokiro ke Ekapolon a ŋolo a ŋajoresyo a ŋolo erae Akuj a ŋajoresyo a Isirael, Akuj ŋina ijamuwa iyoŋ.