2 Ŋirw. 19:2 - Ebaibul

² Abu iŋes kiyakiya Eliakim ŋolo apolokinit akai ŋina ke erwosit ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, ido apotu toloto neni a ekadwaran Isaya a lokoku ka Amos.

2 Ŋirw. 19:2 Iomraidhean Croise

2 Sam. 3:31

Tema nai Daudi neni a Yoab ka ŋituŋa daadaŋ ŋulu arukito ka Yoab, “Tocilicileta ŋilowi kus, tonapa ŋiguniyae, kigworo aŋuna ka Abiner.” Kiwuapak erwosit Daudi ŋituŋa edakito ibore ŋini eperikinitoe akuwan ka Abiner.

2 Ŋirw. 12:10

Apaki daadaŋ ŋina ilelebunotor ŋisiliŋa nasaduku ŋin, arukunete ekegiran ŋolo ke erwosit ka esacaradoti ŋolo apolon nooi, kimara ŋisiliŋa ŋul kiturakis locweei.

2 Ŋirw. 18:18

Apotu ŋasigarya ka Asiriya tonyarata Esekia erwosit, tolomut kiŋa neni aya ŋasigarya ka Asiriya, Eliakim lokoku a Ilikia ŋolo apolokinit etic alokai ke erwosit ka Sebina ŋolo arae ekegirigiran ta Yoa lokoku ka Asap ŋolo arae ekeŋadan ŋakiro ŋuna adaun akigir.

2 Ŋirw. 19:3

Tolimokis ikes Isaya temasi, “Ebala Esekia, erae akoloŋit na ŋina a ŋican, ŋina a akiŋenyakinet ta ŋileec. Ikoni neni ani edoli akidoun ikoku todaun aberu agogoŋu ŋinakidinyakinet.

2 Ŋakiro a ŋirwa 26:22

Ŋiticisyo a Usia ŋuluce daadaŋ ageun a ŋulu esyakinak tari ŋulu esidyok, abu Isaya lokoku ka Amos kigir.

Isa. 1:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Yudaya ka Yerusalem alorwa a ŋulu epukatotor Usia, Yosan, Aas ka Esekia ŋulu arae ŋirwosi a Yudaya.

Isa. 2:1

Erae nu ŋakiro ŋuna abu Isaya lokoku ka Amos kiŋolik anakiruja aŋuna a Yudaya ka Yerusalem.

Yer. 19:1

Abu Ekapolon okolimok ayoŋ tema, “Tolot togyel amot aneni a ekayan ŋamoti. Torukosi kaapei ka ŋikasikou a ŋituŋa ŋidi ka ŋisacaradotin ŋulu apolok ŋidi,

Yer. 36:24

Kikote neni daŋ, mam ekabule abu toyakaun neni a erwosit, kori neni a ŋiketiyak keŋ a idio a ŋulu apotu kiirasi ŋakiro ŋun daadaŋ, apotu ikes nyecila tari ŋilowi kec.

Mat. 4:14

Atakanunete ŋun ikotere kiyookinotor ŋuna erworit ekadwaran Isaya ebala,

Luk. 3:4

Ikwaŋinapei igiritere lokitaabo ŋolo ke ekadwaran Isaya ebe, “Iworoe etoil a ituŋanan a ice analoŋisat ebala: ‘Kitemonokisi erot ŋolo ke Ekapolon; kisidiiryata neni itori iŋes!