2 Ŋirw. 19:12 - Ebaibul

¹² Apotu koloŋ atapapaa kosi kinyasut ŋitaunio Gosan ka Aran ta Resep, tosodo tomunyasi ŋituŋa ŋulu a Eden ŋulu alomito Telasar. Mam ŋakujo kec ŋuna apotu tolakut ikes.

2 Ŋirw. 19:12 Iomraidhean Croise

Akisy. 11:31

Torukosi Tera ka lokoku a Aburaam ta Lot lopapait keŋ lokoku ka Aran kaapei ka Sarai aberu ka Aburam, toloto alo Ur anakwap a ŋina a Ŋibabiloniyae tari nakwap ŋina a Kanaan. Nai ani edolunete ikes Aran, toloma nen.

Akisy. 11:32

Ani edolete ŋikaru a Tera ŋamiae ŋaarei ka ŋikan, totwan iŋes alo Aran.

Akisy. 2:8

Kiwuak Ekapolon Akuj emanikor lowae ŋolo alo Kide, neni anyaritae Eden, kiwuak ituŋanan ŋini asubuni iŋes nen.

Akisy. 29:4

Kiŋit Yakob ŋikeyokok tema, “Ŋikaitotoi, ai iponitotor iyes?” Toboŋokis ikes temasi, “Eponitae isua alo Aran.”

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 19:11

Kire, idau iyoŋ akiiranar ŋuna apotu ŋirwosi ka Asiriya kitiyata nakwapin daadaŋ, apotu jik tomunyasi. Ikilakunio mono kire iyoŋ a?

1 Ŋakiro a ŋirwa 5:26

Aŋun, abu Akuj a Isirael kisimukek etau a Pul a ŋolo arae erwosit ka Asiriya (iŋes Tigilas-Pileser erwosit ŋolo ka Asiriya), ŋolo abu kirita Ŋirubeni, Ŋigadi ka atutubet a ŋituŋa a Manase anakwapin kec, kirita ikes toloto Ala, Abor, Ara ka naŋolol ŋina enyaritae Gosan, neni iboiyoto tari nakoloŋit na.

Isa. 37:12

Apotu mono ŋakujo a ŋakwapin a ŋuna apotu ŋirwosi ŋulu epukato Asiriya eriŋa ayoŋ kinyasut, tolakut ŋituŋa a? Ŋakwapin ŋun ikes nu: Gosan, Aran, Resep ka ŋituŋa a Eden ŋulu ayakasi Telasar.

Esek. 27:23

Apotu ŋituŋa ka Aran, Kane, Eden ka ŋimucurus ŋulu a Seba, Asur ka Kilimad kicurutata ka iyoŋ.

Ŋitic. 7:4

Abu nai iŋes towot anakwap a Ŋibabiloniyae, tolot Aran. Ani ketwana papa keŋ, abu Akuj yau Aburaam nakwap ŋina tokona iboiyoto iyes na.