2 Ŋirw. 18:18 - Ebaibul

¹⁸ Apotu ŋasigarya ka Asiriya tonyarata Esekia erwosit, tolomut kiŋa neni aya ŋasigarya ka Asiriya, Eliakim lokoku a Ilikia ŋolo apolokinit etic alokai ke erwosit ka Sebina ŋolo arae ekegirigiran ta Yoa lokoku ka Asap ŋolo arae ekeŋadan ŋakiro ŋuna adaun akigir.

2 Ŋirw. 18:18 Iomraidhean Croise

2 Sam. 20:24

Arae Adoram apolokinit ŋituŋa ŋulu areikinitae akitiya etic; Yeosapat lokoku ka Ailud iŋes arae ekeŋadan ŋakiro ŋuna igiritae.

1 Ŋirw. 4:3

Eliorep ka Aija ŋidwe a Sisa ŋulusapa ikes erae ŋikaranin, Yeosapat lokoku a Ailud iŋes arae ekeŋadan ŋakiro ŋuna igirir.

2 Ŋirw. 18:26

Apotu Eliakim lokoku a Ilikia ka Sebina ta Yoa todyeka ekapolokiniton ejie a ŋasigarya ka Asiriya temasi, “Iyoŋ ikipolokinit isua. Ikilipit iyoŋ ikisirwor isua anaŋajep a ŋina ka Aramaik, anerae ikiyeni isua aŋajep ka Aramaik. Nyikisirwor isua a Ŋaburaniyae, anerae iirarete ŋituŋa ŋulu edukito ŋakais kec narwatata alotooma.”

2 Ŋirw. 18:37

Tosodo nai Eliakim lokoku a Ilikia ŋolo apolokinit etic alokai ke erwosit ka Sebina ekegirigiran ta Yoa lokoku ka Asap ŋolo eŋadae ŋakiro ŋuna adaun akigir, toloto neni ke Esekia ecilicilito ŋilowi kec, tolimokis iŋes ŋakiro ŋuna erworo ekapolokiniton ejie a ŋasigarya ka Asiriya.

2 Ŋirw. 19:2

Abu iŋes kiyakiya Eliakim ŋolo apolokinit akai ŋina ke erwosit ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, ido apotu toloto neni a ekadwaran Isaya a lokoku ka Amos.

2 Ŋakiro a ŋirwa 34:8

Alokaru a ŋolo a ŋitomon ka ŋikanikauni ipukat Yosia, toris iŋes kitaleu akwap a Yudaya ka Akai ka Akuj, abu iŋes kiyakiya Sapan lokoku ka Asalia ka Maaseia ŋolo arae ekapolon a etaun ta Yoa lokoku a Yoaas a ŋolo arae ekegirigiran alosit akiduk neni amunaara alo Kai ke Ekapolon Akuj keŋ.

Isa. 33:7

Kiirasi, ecalasi ŋikadedeŋak alorotin a etaun; igworosi nooi ŋikiyakitono ŋulu amaikina yaut ŋakiro ŋuna ke ekisil.

Isa. 36:22

Apotu nai Eliakim lokoku ka Ilikia ŋolo apolokinit ŋiticisyo alokai ka apukan ka Sebina ekegirigiran ta Yoa lokoku ka Asap ŋolo apolokinit ŋakiro ŋuna igiritae toloto neni ka Esekia ecilicilito ŋilowi kec, tolimokis iŋes ŋakiro ŋuna erworo ekapolokiniton a ŋasigarya ka Asiriya.

Isa. 36:3

Bu neni keŋ Eliakim lokoku ka Ilikia, ŋolo apolokinit ŋiticisyo alokai ka apukan, arukito iŋes ka Sebina ekegirigiran ta Yoa lokoku ka Asap, ŋolo apolokinit ŋakiro ŋuna igiritae.

Isa. 37:2

Abu iŋes kiyakiya Eliakim ŋolo apolokinit ŋiticisyo alokai ka apukan ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, toloto neni a ekadwaran Isaya alokoku ka Amos.