2 Ŋirw. 18:11 - Ebaibul

¹¹ Kikama erwosit ŋolo ka Asiriya Ŋisirael torik ya Asiriya. Abu kitolomu ikes ŋice lotaun ŋolo enyaritae Ala, ŋice diyete aŋolol Abor, anakwap a Gosan ka ŋice lotaunio a Media.

2 Ŋirw. 18:11 Iomraidhean Croise

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 19:11

Kire, idau iyoŋ akiiranar ŋuna apotu ŋirwosi ka Asiriya kitiyata nakwapin daadaŋ, apotu jik tomunyasi. Ikilakunio mono kire iyoŋ a?

2 Ŋirw. 21:8

Ajoŋoe ayoŋ akisirimit Ŋisirael anakwap a ŋina abu oinak atapapaa kec, erae ca kiwuapa ikes ŋuna daadaŋ abu ayoŋ ecik ikes ka ŋikisila daadaŋ ŋulu ecikit Moses eketiyan kaŋ ikes kiwuapa.”

2 Ŋirw. 23:27

Abu Ekapolon totub tema, “Alemari ayoŋ Yudaya daŋ ejoŋo akitere lopite ŋolopei abunio olemarya alo Isirael ŋituŋa a Isirael. Aŋeri ayoŋ tari Yerusalem neni sek erae etaun ŋolo aseunit ayoŋ. Aŋeri nabo tari Akai na ŋina sek abu ayoŋ otema ekelipeneneere ayoŋ.”

1 Ŋakiro a ŋirwa 5:26

Aŋun, abu Akuj a Isirael kisimukek etau a Pul a ŋolo arae erwosit ka Asiriya (iŋes Tigilas-Pileser erwosit ŋolo ka Asiriya), ŋolo abu kirita Ŋirubeni, Ŋigadi ka atutubet a ŋituŋa a Manase anakwapin kec, kirita ikes toloto Ala, Abor, Ara ka naŋolol ŋina enyaritae Gosan, neni iboiyoto tari nakoloŋit na.

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Isa. 10:11

nyetiyakini mono ayoŋ neni a Yerusalem ka lotorubei a ŋakujo keŋ ŋuna abu ayoŋ etiya neni a Samaria ka neni a ŋitorubei a ŋakujo keŋ a?”

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 36:2

Abu erwosit ka Asiriya kiyakiya alo Lakis ekapolon a ŋasigarya keŋ ka ŋasigarya ŋuna alalak neni a erwosit Esekia a ŋolo a Yerusalem. Abu ekapolon ŋol tolot towo alodiyete akitelosit a abwal a ŋina alokidiama, alorot a ŋolo elosere neni adonyere ŋilowi.

Isa. 37:12

Apotu mono ŋakujo a ŋakwapin a ŋuna apotu ŋirwosi ŋulu epukato Asiriya eriŋa ayoŋ kinyasut, tolakut ŋituŋa a? Ŋakwapin ŋun ikes nu: Gosan, Aran, Resep ka ŋituŋa a Eden ŋulu ayakasi Telasar.

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Amos 2:6

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa ka akwap a Isirael itiyaete ŋasecisya ŋuna alalak nooi, nyaesikini ayoŋ akisican ikes, anerae egyelanarete Ŋisirael ŋituŋa kec ŋulu iyookino a esilipa, egyelanarete ikes ŋituŋa ŋulu eyakatar akiitanit a egyelit a ŋamuk a ŋaarei,

Amos 5:6

Toboŋutu neni ke Ekapolon ikotere toyara, ani pa kiboŋut iyes neni keŋ, ebuni iŋes neni a ŋiletok a Yosepu erirae aŋoit ikwa akim, emunaari iŋes Besel, mam ituŋanan ŋini iretakini aŋoit keŋ.

Ŋitic. 7:43

Kire ipotu iyes kiwuoko eema ŋolo ka akuj a Molok, ka etorube ŋolo ke etop a ŋolo ka akuj kus a ŋina anyaritae Repan, ŋakujo ŋuna ipotu iyes kitiyaut, ido kilipa neni kec. Aŋun, ekeritari ayoŋ iyes toruworos ŋirikon anakwap a ŋina alwanan adepar tari Babilon.’