2 Ŋirw. 18:10 - Ebaibul

¹⁰ Ani elunyarosi ŋikaru ŋiuni ŋulu erikaunitere Samaria, aponi kikamarae. Alokaru a ŋolo a ŋikanikapei ipukat Esekia Yudaya, torae ŋolo ekaru ŋolo a ŋikanikaomwon ipukat Osea Isirael, aponi kikamarae Samaria.

2 Ŋirw. 18:10 Iomraidhean Croise

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

Isa. 10:9

Nyikwaan mono Calino ka Carikemis a? Nyikwaan mono Amas ka Aripad a? Nyikwaan mono Samaria ka Damasko a?

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Amos 3:11

Aŋun, alimu Ekapolon ŋakiro nu ebe, “Irikaunete ŋimoe akwap kus kirimokis kidiŋ, eritakinete kwap ŋaduketa kus ŋunajiet, ido toŋatasi ŋiboro daadaŋ anakais kus a ŋuna ka apukan.”

Amos 6:7

Aŋun, iyes isyaunete arikoro nakwap ŋinagela, ido edaun ŋasuban ka akisaanan kus.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Mika 7:13

Esilunete ŋakwapin, aŋuna a ŋituŋa kec a ŋulu etiyata aronis.

Ekim. 32:41

Abu Yair lokoku a Manase tolot kikama ŋirerya a Gilead, tolimok ikes ekiro lo, Apos-Yair.