2 Ŋirw. 17:7 - Ebaibul

⁷ Apotu ŋun kitiyakinos, anerae asecito Ŋisirael aneni ke Ekapolon Akuj kec a ŋina ayauni ikes tolomunia anakwap a Ijipit, yau ikes anapedor a Parao a ŋolo epukat Ijipit. Kepotu Ŋisirael tolomakis akilip neni a ŋakujo,

2 Ŋirw. 17:7 Iomraidhean Croise

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

1 Ŋirw. 15:3

Abu Abiyam kitiya aronis daadaŋ ŋina sek etiyato papa keŋ pa eyookino etau keŋ aneni ke Ekapolon ka Akuj keŋ, pa ekoni etau keŋ ŋolo a Daudi a papaa keŋ.

2 Ŋirw. 16:2

Arae ŋikaru ka Aas ŋatomoniarei isyakini akipuka Yudaya. Abu iŋes kipuka Yudaya alo Yerusalem ŋikaru ŋitomon ka ŋikanikapei. Pa etiyae iŋes ŋuna etalakarito Ekapolon Akuj keŋ, lopite ŋolo etiyaa Daudi ŋolo arae papaa keŋ;

2 Ŋirw. 17:35

Aris sek Ekapolon kecamunosi ka Ŋisirael ka ecikit ikes ebala, “Nyilipa ŋakujo ŋace, kori nyiryediketo alokiŋaren kec, kori nyiinanakis ikes ŋamuronisya;

1 Ŋakiro a ŋirwa 5:25

Nai apotu ikes tomwaŋa Akuj ŋina atapapaa kec, tomalaana aneni a ŋakujo a ŋituŋa ka akwap a ŋin, a ŋituŋa a ŋulu sek aris Akuj kirita alokiŋaren kec.

2 Ŋakiro a ŋirwa 36:5

Arae ŋikaru a Yeoiakim ŋatomoniarei ka ŋikan apaki ŋina esyakinia akipuka Yudaya. Kipuka iŋes Yudaya alo Yerusalem ŋikaru ŋitomon ka epei. Abu iŋes kitiya ŋakiro ŋuna aronok aneni ke Ekapolon Akuj keŋ.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Ŋikiru. 78:12

Abu Akuj kitiya ŋakujuwuanisya iteete atapapaa kec, anakwap a Ijipit, anakibois a ŋina a Soan.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Esek. 39:24

Abu ayoŋ etiya neni kec ŋuna amaikina kitiyae neni kec aŋuna araakatar ikes ŋulu amunaara ka ŋulu etiyato aronis; abu ayoŋ nyesiŋolikin ikes.

Osea 12:14

Etiyata ŋituŋa a Epuraim aronis ŋina ailiilon nooi, aŋun, ebuni Ekapolon kec akisican ikes aŋuna a ŋituŋa a ŋulu apotu ikes toara, isicani Ekapolon ikes aŋuna a ŋiyany kec.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Osea 4:13

Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”