2 Ŋirw. 17:4 - Ebaibul

⁴ Nai abu erwosit ŋolo ka Asiriya toripu atemar etuko Osea aŋuna kebunio kiyakiya ŋituŋa neni a So a ŋolo arae erwosit a Ijipit, ido towou akitac ocur neni ke erwosit ka Asiriya a ŋolo sek aris iŋes ketacanaki ocur a ŋolokaru. Aŋun abu erwosit ka Asiriya kikama iŋes kiwuak mabus.

2 Ŋirw. 17:4 Iomraidhean Croise

2 Ŋirw. 17:3

Abu erwosit ka Asiriya ŋolo anyaritae Salimaneser bu akitijiore iŋes. Tocamu Osea ŋolo sek arae ekawoikiniton keŋ, atacanakin ocur neni keŋ a ŋolokaru.

2 Ŋirw. 17:5

Tosodi Salimaneser torem akwap ŋina a Isirael, kirikau Samaria. Todol ŋikaru ŋiuni irikaunit iŋes etaun.

2 Ŋirw. 18:21

Kiira! Imecakinit iyoŋ neni ka akwap a Ijipit a ŋina ikwaan ka akasirimaete ŋina igitar torem ituŋanan akan ebala ecogekinia! Ŋulu emecakinito neni a Parao, icogekinito ikes akasirimaete.

2 Ŋirw. 24:1

Alokaru a ŋulu epukator Yeoiakim akwap a Yudaya, abu Nebukadinesar erwosit a Babilon, kikama akwap a Yudaya toruwor Yeoiakim eketiyan keŋ ŋikaru ŋiuni. Nai abu Yeoiakim toŋer Nebukadinesar akipuka iŋes.

2 Ŋirw. 24:20

Kire, apotu ŋituŋa a Yerusalem ka ŋituŋa a Yudaya kitoŋoa nooi Ekapolon, a ŋun, abu Ekapolon toŋer ikes alokiŋaren keŋ. Abu Sedekia toŋer akiwuap ŋakiro ŋuna a erwosit a Babilon.

2 Ŋirw. 25:7

Aponi toarae ŋidwe a Sedekia ite elope. Ani ekaku togoronoroe ŋakonyen keŋ toenae iŋes a ŋiriko, yaarae Babilon.

2 Ŋakiro a ŋirwa 32:11

ŋina ikilimokinia iyes erwosit Esekia atemar ikiuni iyes Ekapolon Akuj kus, ikimodikinit iŋes iyes, ecamit iŋes akoro ka akure itoarak iyes nen.

Osea 10:4

Irworosi ikes ŋakiro ŋuna nyitiyakinite, ikoŋete ikes alyokonu, ido tocamunos. Aŋun, alalaar akisitanakin a ŋakiro a ŋunacaryo, lopite ŋolo epetakinor edowan neni itatae.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 13:10

Ai bo tokona eyai erwosit kus ikotere ikiuni iyes? Ai eya ŋikapolok alotaunio kus a daadaŋ, ŋulu sek ibasi iyes ayoŋ, “Inakinae isua erwosit ka ŋikepukak.”

Osea 8:10

Tari daŋ kelosito ikes akiŋita akiŋarakinet aneni a ŋituŋa a ŋakwapin, acununi ayoŋ ikes iwapei esican, alotooma apaki ŋina euruwuana isicanete ŋirwosi ka ŋikapolok ikes.

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.