2 Ŋirw. 17:23 - Ebaibul

²³ akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

2 Ŋirw. 17:23 Iomraidhean Croise

1 Ŋirw. 13:2

Kisera ekile ŋol akirot ke Ekapolon ŋina etoroniyarit Namuroet ŋina alo Besel tema, “Okoe Namuroet, Namuroet, ebala Ekapolon ebe, ‘Idounio ikoku ŋinisapat alokal a Daudi enyarao ekiro keŋ Yosia, eŋolikini iŋes kidiama kon ŋisacaradoti ŋulu a ŋakiboisyo aŋunamukur ŋulu tokona icunyete ekinyate alo kidiama kon eruwor ŋakoyo a ŋituŋa icunyo alo kidiama kon.’ ”

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

2 Ŋirw. 13:23

Nai, abu Ekapolon tominak ikes kisyonik. Totamu Ekapolon ikes aŋuna ka acamunet keŋ ka Aburaam ka Isaka ta Yakob, toesik amunyar ikes. Akitodol tari tokona, eriŋa Ekapolon nyiritara ikes aneni keŋ.

2 Ŋirw. 17:13

Nai ecikit Ekapolon Isirael ka Yudaya alotooma erwor a ŋikadwarak keŋ a daadaŋ ka ŋikisileerekinok ebala, “Toesikisi ŋiticisyo kus ŋulu aronok. Kiwuapa ŋakiciketa kaŋ ka ŋikisila kaŋ, lopite ŋolo ecamakinitor ekisil daadaŋ ŋolo ecikitor ayoŋ atapapaa kus kiwuapa, ido abu ekekobak iyes esitoru neni a ŋikadwarak a ŋulu erae ŋiketiyak kaŋ.”

2 Ŋirw. 17:18

Abu Ekapolon toŋoik Ŋisirael nooi, tosodi kisiyoto ikes aneni keŋ. Ekabila a Yuda bon abu Ekapolon kimyek.

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋirw. 17:22

Towout Ŋisirael akiki torubakis itiyaete asecit ŋina ekoni ŋina a Yeroboam,

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

2 Ŋirw. 21:14

Ajali ayoŋ ŋituŋa ŋulu a Yerusalem ŋulu idoŋete, epoto oinak lomoe kec, ilounete ŋimoe ŋul ikes, kikamasi akwap kec.

2 Ŋirw. 23:27

Abu Ekapolon totub tema, “Alemari ayoŋ Yudaya daŋ ejoŋo akitere lopite ŋolopei abunio olemarya alo Isirael ŋituŋa a Isirael. Aŋeri ayoŋ tari Yerusalem neni sek erae etaun ŋolo aseunit ayoŋ. Aŋeri nabo tari Akai na ŋina sek abu ayoŋ otema ekelipeneneere ayoŋ.”

2 Ŋirw. 24:3

Apotu kitiyakin kire ŋun anakwap a Yudaya lopite ŋolo alimunitor Ekapolon atemar tolemarae ŋituŋa a Yudaya aneni keŋ, aŋuna a ŋasecisya a Manase a daadaŋ a ŋuna abu iŋes tosec

2 Ŋirw. 25:21

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

2 Ŋirw. 3:3

Tari kikote nen daŋ, abu iŋes torubak itiyae asecit ŋina ekwaan ka ŋina a Yeroboam a lokoku a Nebat, ŋina abunio iŋes torikokinia Ŋisirael nasecit. Abu iŋes nyimyek asecit ŋin.

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Ŋikiru. 51:13

Kimyekinae ayoŋ etatam ŋikasecak ŋuna icamit iyoŋ kiwuapae, ido eboŋunete ŋikasecak neni kon.

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Yer. 52:3

Kire, apotu ŋituŋa a Yerusalem ka ŋituŋa a akwap a Yudaya kitoŋoa nooi Ekapolon, aŋun abu Ekapolon kirita ikes alokiŋaren keŋ. Abu Sedekia toŋer akiwuap ŋakiro ŋuna ke erwosit a Babilon.

Yer. 7:15

Ekeritari ayoŋ iyes ojoŋo akiterereŋ iyes, lopite ŋolo abunio eritarya ŋiyeneta kus daadaŋ ka ŋiletok a Epuraim daadaŋ.”

Osea 12:3

Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Amos 5:27

ekaku a ŋun, eketirikori ayoŋ iyes ŋituŋa, ikiya iyes nakwap ŋina eyai yaye Damasko.” Alimu Ekapolon ŋolo erae ekiro keŋ Akuj ŋina a ŋajoresyo ŋakiro ŋun.

Mika 1:5

itiyakinosi ŋakiro ŋun daadaŋ, anerae adaut ŋituŋa a Yakob akibil ŋikisila, adaut ŋituŋa a Isirael akisec. Ai mono abilyata ŋituŋa a Yakob ŋikisila? Meere mono Samaria a? Ai mono aseciata ŋituŋa a Yudaya? Meere mono Yerusalem a?

Mika 1:6

Aŋun, eturuwori ayoŋ Samaria ereŋorot ŋolo etukotor ŋamoru anariet, akibois ŋina edupyo ŋikito ŋulu ke epiini, abukori ayoŋ ŋamoru keŋ nakadipaalat, ido emyek neni sek awuatar ŋarwatatain keŋ ileere.

Mika 2:5

Aŋun, amamukaun iyes anatukot a ŋituŋa ke Ekapolon ituŋanan ŋini ekorakinio ŋalup.

Ŋikis. 32:20

Kirwor tema, “Ewuai ayoŋ ereet kaŋ aneni kec, eteuni ayoŋ eŋolik epite ŋolo emunyarotor ikes, anerae erae ikes anyamet ŋina aronon, ŋidwe ŋulu emam akikinyoma.

Yos. 23:13

toyenete kire atemar nyerubakini Ekapolon kus iloununui ŋituŋa a ŋakwapin a ŋun alokiŋaren kus; nai ikokinete ikes eroko aneni kus auno ŋina elokitae, kori akipany ka ikokinete ikes epipil neni ikiramya ituŋanan ka adaset kaku, kori ikokinete ikes epipil aneni kus ŋikukwa ŋulu ebucakin akirem akoŋu. Erubakinete ŋun itiyasi akitodol ŋina idaunotor iyes anakwap a ŋina ajokan a na a ŋina adau Ekapolon ŋolo erae Akuj kus ainakin iyes.

Ŋikat. 18:30

Apotu nai ŋituŋa a Dan kiwuakis etorube a akuj nen a ŋuna kec. Arae Yonasan lokoku a Gerisom, a ŋolo arae lokoku a Moses kaapei ka ŋidwe keŋ ŋulusapa ikes arae ŋisacaradotin a ŋituŋa ekabila a Dan akitodol apaki ŋina erikorere ŋituŋa kec nakwapin.