2 Ŋirw. 17:13 - Ebaibul

¹³ Nai ecikit Ekapolon Isirael ka Yudaya alotooma erwor a ŋikadwarak keŋ a daadaŋ ka ŋikisileerekinok ebala, “Toesikisi ŋiticisyo kus ŋulu aronok. Kiwuapa ŋakiciketa kaŋ ka ŋikisila kaŋ, lopite ŋolo ecamakinitor ekisil daadaŋ ŋolo ecikitor ayoŋ atapapaa kus kiwuapa, ido abu ekekobak iyes esitoru neni a ŋikadwarak a ŋulu erae ŋiketiyak kaŋ.”

2 Ŋirw. 17:13 Iomraidhean Croise

1 Ŋirw. 16:1

Abu akirot ke Ekapolon ŋina etoroniyarit Baasa bu neni a Yeu alokoku ka Anani ebala,

1 Ŋirw. 16:7

Abu daŋ akirot ke Ekapolon ŋina etoroniyarit Baasa ka ekal keŋ bu neni a Yeu alokoku ka Anani, anerae abu Baasa ke ekal keŋ kitiya ŋuna aronok alokiŋaren Ekapolon; kitoŋo Baasa Ekapolon a ŋiticisyo keŋ a ŋulu etiyae iŋes, kitiya lopite ŋolopei abunio Yeroboam ka ekal keŋ kitiyata. Meere ŋun bon, abu daŋ Baasa toar ŋituŋa a ekal a Yeroboam daadaŋ.

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

2 Ŋirw. 18:6

Emiidikina iŋes neni ke Ekapolon; pa aesyanakini iŋes akiwuapit acamit ŋina ke Ekapolon, nai ericit ŋakiciketa ŋuna abu Ekapolon kicikak Moses.

2 Ŋirw. 21:10

Tolimu Ekapolon ŋakiro alokadwarak a ŋulu arae ŋiketiyak keŋ tema,

1 Ŋakiro a ŋirwa 29:29

Ŋakiro a Daudi ke erwosit akisyakin anakisyakinet tari nasalunet, igiritae lokitaabo ŋolo a ŋakiro a ŋirwa a Samuel a ŋolo arae eketeyenikinan ka lokitaabo ŋolo a ŋakiro a ŋirwa a Nasan a ŋolo arae ekadwaran ta lokitaabo a ŋakiro a ŋirwa a Gad a ŋolo arae eketeyenikinan.

Yob 11:14

Ani kitiyat iyoŋ a ŋakan asecit, kikoŋo asecit ŋin, ido nyicamak aronis itiyao aloeema kon.

Yob 36:10

Eŋaari Akuj ŋaki kec kiirasi ŋakiro ŋuna itatamyo, ido tolimok ikes atemar toboŋut anasecit.

Ŋikiru. 50:7

“Topupokisi, okoe ŋituŋa kaŋ, ido erworikini ayoŋ. Okoe Ŋisirael, alimuni ayoŋ ŋakiro ŋuna eketoroniyaritor iyes. Arae ayoŋ Akuj, Akuj kus.

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Yer. 18:11

Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 25:3

Ŋakiro ŋun ikes nu: Ameun alokaru a ŋolo a ŋitomon ka ŋiuni ipukat Yosia lokoku ka Amon a ŋolo a Yudaya tari nakoloŋit na, erae tokona ŋikaru ŋatomoniarei ka ŋiuni, erwor Ekapolon ŋakiro keŋ neni kaŋ ka adau ayoŋ akirwor ŋakiro ŋun neni kus ŋinapaki daadaŋ, nai nyiirara iyes.

Yer. 3:7

Abu ayoŋ otam otema, ‘Kedaut ikes akitiya ŋakiro ŋun daadaŋ eboŋunete ikes neni kaŋ,’ nai apotu ikes nyeboŋut ka apotu ŋikaitotoi kec ŋituŋa a Yudaya kiŋolikis ŋakiro ŋun.

Yer. 34:14

‘Ani edolete ŋikaru ŋikanikaarei, emaikina ituŋanan ŋini erae Iburaniyat daadaŋ ŋini keponi ikigyelakin iyes ka ŋini adau akitiyanakin iyes alotooma ŋikaru ŋikanikapei, tolacakinae anakitiyanakin iyes.’ Nai apotu atapapaa kus nyiwuapa ŋakiro kaŋ kori nyepupokis daŋ ŋakiro kaŋ.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 42:19

Okoe ŋipiya a ŋituŋa a Yudaya, ikilimok iyes Ekapolon atemar nyilot Ijipit. Toyenete atemar akalimok ayoŋ iyes ŋakiro ŋun nakoloŋit na,

Esek. 18:31

Togatasi aneni kus aronis daadaŋ ŋina idaut iyes akitiya, toryamutu akiyar ŋina kitete ka ŋatameta ŋunakiet. Okoe Ŋisirael, kaanukiro icamitotor iyes atwakare?

Esek. 3:19

Nai ani kilimok iyoŋ ŋituŋa ŋulu aronok aesikin aronis kec, ido toŋero aesikin aronis kec, kori kitiyata ŋuna aronok, etwakete ŋituŋa ŋul aŋuna ka asecit kec; nai iuni iyoŋ akiyar kon.

Dan. 9:10

nyiwuapa isua ŋakiro ŋuna irworo Ekapolon Akuj kosi, anakiwuapit ŋikisila keŋ ŋulu abu iŋes ikiinak isua kisitoru neni a ŋiketiyak keŋ a ŋikadwarak.

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 12:10

Abu ayoŋ erwor aneni a ŋikadwarak, abu etoodyanak ikes ŋakiro ŋuna alalak anakirujaeta, abu ayoŋ olimok ŋituŋa ŋakiro kaŋ aneni a ŋikadwarak.

Osea 12:11

Eyai asecit lotuŋa a Gilead, kire jik, emunyaryo ikes. Eareneneo ŋimoŋin erae ŋamuronisya alo Gilgal, aŋun, ikwaanikinosi ŋamuroeta kec ka ŋatukon a ŋamoru ŋuna etukitoe lomanikorin.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

2 Pet. 3:9

Nyedidi Ekapolon akitiyakin ŋakiro ŋuna adau iŋes akiikin ikwa etamiata ŋice. Ikidaŋit iŋes iyes daadaŋ pa ikirikira, anerae nyecamit iŋes idiotuŋanan inyasunio, nai ecamit iŋes daadaŋ tokiwa ŋasecisya kec.

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”

Ŋikat. 6:8

abu Ekapolon kiyakik Ŋisirael ekadwaran, tosodi ekadwaran tolimok Ŋisirael tema, “Ebala Ekapolon Akuj a Isirael ebe, ‘Abu ayoŋ okoyau iyes anakwap a Ijipit, okoyau iyes anakwap a ŋina a iraakatar iyes ŋipi;

1 Sam. 9:9

(Koloŋ sek anakwap a Isirael, ituŋanan daadaŋ ŋini acamit akiŋit Akuj ŋakiro ŋadi, atemari ebe, “Bua, apena oanyutu eketeyenikinan;” anerae ituŋanan ŋini tokona enyaritae ekadwaran, anyaritae apaki ŋin eketeyenikinan.)