2 Ŋirw. 17:10 - Ebaibul

¹⁰ Toduko aŋuna kec ŋipirin ŋulu etaletoi kidiyama ŋikamukumukui ka kwap ŋikito ca daadaŋ ŋulu alibito.

2 Ŋirw. 17:10 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

2 Ŋirw. 16:4

Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

2 Ŋirw. 17:11

Inanakis ikes a nen ŋainakineta lopite ŋolo a ŋituŋa a ŋulu abu Ekapolon kirita alokiŋaren kec. Apotu ikes kitiyata ŋakiro ŋuna aronok, kitoŋoa Ekapolon.

Awos. 34:12

Toceito icamunosi ka ŋituŋa ŋulu iboiyete anakwap a ŋina ilosete iyes, epedorete ŋituŋa ŋul aruwor aloketait aneni kus.

Awos. 34:13

Emaikina iyes tobwaŋabwaŋaasi ŋamuroeta kec ka ŋitorubei ŋulu a ŋakujo kec ta ŋakiboisyo ŋuna iiryamununosi ikes,

Isa. 2:8

Ileleba nakwap kec ŋitorubei a ŋakujo, ilipete ikes neni a ŋiboro a ŋulu itiyaunitae a ŋakan, ka neni a ŋiboorei a ŋulu itiyaunitae a ŋimoyo.

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Mika 5:14

Alemari ayoŋ anakwap kus ŋitorubei a akuj a ŋina enyaritae Asera, amunaari ayoŋ ŋitaunio kus.

Ŋikis. 16:21

Nyidupakis diyete Namuroet ŋina itiyaunete iyes a ŋuna ke Ekapolon Akuj kus apuŋure ŋina italeoritae,

Ŋikis. 16:22

nyidupakis tari epir ŋolo itiyaunitae a ŋamoru, etorube a akuj, eŋerit Ekapolon Akuj kus ŋiboro ŋul.