2 Ŋirw. 16:3 - Ebaibul

³ nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 16:3 Iomraidhean Croise

1 Ŋirw. 14:24

Ŋuna aronok nabo nooi, ayakasi ŋimalaae ka ŋamalaae nakiboisyo ŋun, ŋuna elipyata ŋituŋa alo Yudaya. Abu Reoboam kisyak akitiya ŋakiro ŋuna aronok ŋuna etiyaete ŋituŋa ŋulu abu Akuj kirita anakwapin kec a ŋuna abu iŋes inak Ŋisirael.

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

2 Ŋirw. 17:17

Esitoreneneete ikes ŋisapa kec ka ŋapesur kidiŋ akim. Elamilamete ikes ka ekukujaete, nabo agyelanarosi aŋuna ka akitiya aronis alo kiŋaren Ekapolon, aŋun apotu ikes kitoŋoa Ekapolon.

2 Ŋirw. 17:19

Nai abu atyaketait ŋina a Yudaya daŋ nyiwuap ŋakiciketa ŋuna ke Ekapolon Akuj kec. Apotu ikes kiwuapa ŋipitesyo ŋulu sek arae ŋituŋa a atyaketait a ŋina a Isirael esyakinete.

2 Ŋirw. 17:8

kiwuapa ŋitalyo ŋulu a ŋituŋa a ŋulu abu Ekapolon kirita alokiŋaren Ŋisirael ta ŋitalyo ŋulu esyakinete ŋirwosi a Isirael.

2 Ŋirw. 21:11

“Aŋuna etiyaa Manase erwosit a Yudaya asiilyo na, aronis ŋina iloit ŋina a Ŋiamori a ŋulu sek aya neni ipukat iŋes, ka nabo aŋuna arikokinia ŋituŋa a Yudaya nasecit ŋina ka akiwuapit ŋakujo keŋ,

2 Ŋirw. 21:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa a ŋakwapin ŋulu eritari Ekapolon alokiŋaren Ŋisirael.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

2 Ŋirw. 21:9

Nai apotu ikes towout akiirar. Abu Manase kibata ikes akitiya aronis ŋina eloit nooi ŋina a ŋakwapin a ŋuna abu Ekapolon kirita alokiŋaren Ŋisirael.

2 Ŋirw. 23:10

Abu Yosia tomunaiya Topes, namuroet ŋina adukokinitae nayonae ŋina anyaritae Ben-Inom, todaun nabo epite ŋolo apedoria idiotuŋanan akiar lokoku keŋ. kori nakoku keŋ kicunyak erae ainakinet neni ka akuj a ŋina anyaritae Molek.

2 Ŋirw. 8:18

Arae aberu a Yeoram nakoku keŋ ka Aab. Abu Yeoram kiwuap ŋakiro ŋuna aronok ŋuna etiyato ŋirwosi a Isirael, kitiya Yeoram lopite ŋolo etiyator ekal ŋolo ka Aab. Kitiya iŋes ŋuna aronok alokiŋaren Ekapolon.

2 Ŋakiro a ŋirwa 22:3

Abu Aasia daŋ kiwuap akitiya ŋuna aronok ŋuna etiyae ekal ka Aab, anerae etatami toto keŋ iŋes akitiya ŋuna aronok.

2 Ŋakiro a ŋirwa 33:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa ŋulu eritari Ekapolon anakwapin kec alokiŋaren Ŋisirael.

2 Ŋakiro a ŋirwa 33:6

Abu Manase kimasak nakim lokoku keŋ erae amuronot anakadipaalat a ŋina a Ben-Inom. Adwarenene iŋes, nabo torae ekekukujan, ekapilan ka eeki ŋililae. Tosec iŋes nooi neni ke Ekapolon, kitoŋo Ekapolon.

Ŋikiru. 106:35

Nai apotu ikes kimorikinos ka ŋituŋa a Kanaan, ido apotu kitiyata ŋuna etiyaete ŋituŋa a Kanaan.

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Yer. 32:35

Apotu ikes toduko ŋakiboisyo ŋuna aoyak ŋuna ilipere neni a Baal nakadipaalat alokoku a Inom, ikotere einanakiniata ŋidwe kec ŋulusapa ka ŋulupesur neni a Molek, tari daŋ pa kalimokinit ayoŋ ikes akitiya ŋun, nyepena tari ŋakiro ŋun natameta kaŋ atemar kitiyata ikes ŋiticisyo ŋulu ka asiilyo ŋul, ŋulu apotu kiteseca ŋituŋa a Yudaya.

Esek. 16:21

Ibu iyoŋ toar ŋidwe kaŋ, inak ikes neni a ŋakujo a ŋun ikwapei ainakinet.

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Esek. 20:26

Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Esek. 20:31

Irubakis iyes itiyaete ŋakiro nu tari nakoloŋit na: iyayeneneete ŋainakineta nakujo, isitoreneneete ŋidwe kus ŋulusapa nakim, aŋun, idaut iyes amunaar ŋawat kus a ŋakujo kus a daadaŋ. Okoe Ŋisirael, ipedorete nai kire iyes akiŋit ayoŋ ŋakiro ŋadi a? Ikwapei kire ayarya ayoŋ, nyipedorete iyes akiŋit ayoŋ ŋakiro ŋadi.’

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ŋilep. 20:2

“Tolimok Ŋisirael ebe, ‘Esiraelit daadaŋ, kori igelaanot daadaŋ ŋini iboiyete ka Ŋisirael ŋini einakini ikoku keŋ idio neni a akuj a ŋina enyaritae Molek, emaikina ituŋanan ŋin toarae. Emaikina ŋituŋa daadaŋ tocaka iŋes a ŋamoru.’ ”

Mika 6:7

Elakar mono Ekapolon keyaun neni keŋ ŋamesekin ŋalipyo ka akimyet ŋina ilelebun ŋaŋololin ŋalipyo ŋatomon a? Ainakini mono ayoŋ Ekapolon ikoku kaŋ ŋini kiyae aŋuna a ŋadyakanareta a? Ainakini mono ayoŋ iŋes arait ŋina ka akuwan kaŋ aŋuna ka asecit ke etau kaŋ a?”

Ŋikis. 12:31

Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.

Ŋikis. 18:10

Nyeryamun alokidiŋ kus ituŋanan ŋini eari lokoku keŋ, kori nakoku keŋ erae amuronot ŋina epeyo, kori nyeyakaun kidiŋ kus ŋimurok, ŋikadwarak ŋakiro, kori ŋikelamak, kori ŋikekukujak,