2 Ŋirw. 16:14 - Ebaibul

¹⁴ Tolema iŋes Namuroet ŋinaŋorot ŋina a eburonis alokiŋaren Akai ka Akuj, anakibois a ŋina alokidiŋ Namuroet ŋina kitete ka Akai ka Akuj kiwuak lowae ŋolo alo Kuju Namuroet ŋina kitete.

2 Ŋirw. 16:14 Iomraidhean Croise

2 Ŋirw. 16:11

Todukok esacaradoti Uria Namuroet isikwaanikinit ke etorube ŋolo eyakikini erwosit Aas iŋes alo Damasko. Toduku jik Uria Namuroet ŋin ikwaan per ke etorube ŋolo eyakikinio iŋes kirikak eriŋa erwosit Aas nyeboŋuno alo Damasko.

2 Ŋirw. 16:13

Kiwuak ŋainakineta keŋ ŋuna epeiyo nen, ŋikinyom ka ŋainakineta ŋuna a ŋimaten, ido towuatak ŋaokot a ainakinet a ŋina a aŋaleu Namuroet.

2 Ŋirw. 16:15

Tema nai erwosit Aas neni a Uria a ŋolo arae esacaradoti ebe, “Kitiya nu Namuroet ŋina apolon ŋinakitete na; inanak ŋainakineta ŋuna ka ataparacu ŋuna epeiyo ka ŋuna a ŋikinyom ŋuna ke eboŋ, ŋainakineta ŋuna ke erwosit ŋuna epeiyo ka ŋuna a ŋikinyom keŋ ka ŋainakineta ŋuna a ŋituŋa ŋuna epeiyo ka ŋuna a ŋikinyom kec kaapei ka ŋainakineta kec ŋuna a ŋimaten. Towuatanak Namuroet ŋaokot daadaŋ ŋuna a ŋainakineta a ŋuna epeiyo ka ŋuna a ŋajul. Nai Namuroet ŋina a eburonis, iŋes esitiyae ayoŋ akiŋitununuya ŋakiro ŋuna acamit ayenun.”

2 Ŋakiro a ŋirwa 1:5

Apaki ŋin, ariŋa Namuroet ŋina etiyaunitae ke eburonis eyai Gibeon kiŋaren eema a Ekapolon. Arae Besalel lokoku a Uri ŋolo arae lokoku a Ur iŋes kitiyauni Namuroet ŋin; aŋun, apotu Solomon ka ŋituŋa daadaŋ kilipa neni ke Ekapolon anakibois a ŋin.

2 Ŋakiro a ŋirwa 29:19

Ŋiboro daadaŋ ŋulu abu erwosit Aas tolema alo Kai ka Akuj alorwa a ŋulu araakar iŋes erwosit, apaki ŋina abunio akikinyomit neni ka Akuj todaun, adaun isua akinyakakin ka akitaleun; eyakasi tokona ŋiboro ŋul kiŋaren Namuroet ŋina ke Ekapolon.”

2 Ŋakiro a ŋirwa 4:1

Abu Uram-Abi kitiyau ke eburonis Namuroet ŋina arae aoyau alosepyon ŋimitae ŋikanikaomwon, torae aoyau alokiŋaren ka neni iteotor ŋimitae ŋikanikaomwon ka aoyau alokwap tari kidiama ŋimitae ŋiomwon ka atutubet.

Awos. 27:1

“Toduk a ŋakito ke eewoi Namuroet. Emaikina erae ŋina eriyan ŋiwaetin ŋuluomwon daadaŋ, erae ŋisepyon ŋimitae ŋiarei, torae kiŋaren ka neni iteotor ŋimitae ŋiarei, ido aoyau alokwap tari kidiama torae emita epei.

Awos. 27:2

Kiwuak ibore ŋini esibit ŋamomwar lokoonae ŋulu a Namuroet a ŋin, emaikina ikes erae ibore ipei bon, ido toburusik eburonis Namuroet ŋin.

Awos. 40:29

Kiwuak Namuroet ŋina epeyere ŋainakineta lopuke ŋolo ke Eema a ŋolo iryamununoi, ido kiwuak nen ŋainakineta ŋuna epeyo ka ŋikinyom ŋulu arae ainakinet, lopite ŋolo ecikitor Ekapolon iŋes.

Awos. 40:6

Kiwuak Namuroet ŋina epeyere ŋainakineta kiŋaren epuke ŋolo ke Eema a ŋolo iryamununoi,

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Mat. 23:35

Aŋakiro a ŋun, ikitubokinio iyes aŋuna iaryata ŋituŋa ŋulu iyookino ameun anaokot ka Abel, a ŋolo pa asecit, tari naokot a Sakariya alokoku a Barakia a ŋolo aarakinio kidiŋ Akai ka Akuj ka Namuroet.