2 Ŋirw. 16:10 - Ebaibul

¹⁰ Ani ilaar erwosit Aas Damasko aanyun erwosit Tigilaspilese ŋolo ka Asiriya, kiŋolik Namuroet ŋina ayai Damasko. Toroko iŋes Namuroet ŋin, kiyakik esacaradoti ŋolo anyaritae Uria etorube ŋolo a Namuroet a ŋin ikwaan per ka Namuroet ŋina abu iŋes kiŋolik alo Damasko.

2 Ŋirw. 16:10 Iomraidhean Croise

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

2 Ŋirw. 16:11

Todukok esacaradoti Uria Namuroet isikwaanikinit ke etorube ŋolo eyakikini erwosit Aas iŋes alo Damasko. Toduku jik Uria Namuroet ŋin ikwaan per ke etorube ŋolo eyakikinio iŋes kirikak eriŋa erwosit Aas nyeboŋuno alo Damasko.

2 Ŋirw. 21:4

Toduk iŋes ŋamuroeta ŋuna ilipere ŋakujo ŋunagelae tooma Akai ka Akuj, neni koloŋ abala Ekapolon, “Yerusalem bon iŋes ekelipere ayoŋ.”

1 Ŋakiro a ŋirwa 28:19

Tema nai erwosit Daudi, “Igiritae ŋakiro ŋun daadaŋ, erae Ekapolon abu okolimok ayoŋ, epite daadaŋ ŋolo emaikina etic tolosyo.”

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Awos. 24:4

Kigir nai Moses ŋakiro ke Ekapolon daadaŋ. Tonyou Moses ataparacu ŋinace, todukok Namuroet nakeju ke emoru, tosipok nen ŋamoru ŋatomon ka ŋaarei, ekimar ŋolo a ŋikabilae a Ŋisirael a ŋulutomon ka ŋiarei.

Awos. 39:43

Ani eanyuni Moses atemar erikakis ikes etic daadaŋ lopite ŋolo ecikitor Ekapolon iŋes, abu kiterereŋ ŋituŋa.

Isa. 8:2

Tonyarau ŋikilyok ŋiarei ŋulu ikinyoma, esacaradoti Uria ka Sakariya lokoku a Yeberekia toruworos ŋisuudae.”

Yer. 10:2

anerae alimu iŋes ebe, “Nyiyenut ŋipitesyo a ŋituŋa a ŋakwapin, kori nyikikadak iyes aŋuna a ŋakujuwuanisya a ŋuna itiyanakin alokidiama, anerae ekadakinit ŋituŋa ŋulu a ŋakwapin aŋuna a ŋakiro a ŋun.

Esek. 16:28

Ibu iyoŋ tomalaana tari ka ŋituŋa ŋulu ka Asiriya, anerae ibu iyoŋ nyitema etemokin, ibu tomalaana ka ikes, ido pa ibu tolimok ikes atemar etemokin.

Esek. 43:11

Ekaku kiruma ikes ŋileec anakiro a daadaŋ a ŋuna etiyata ikes, emaikina iyoŋ kiteyenik ikes epite ŋolo itamitere Akai ka Akuj, ibore ŋini emaikina todukokinae nen, ŋirotin ŋulu emaikina eya nen, ŋipukei ŋulu emaikina eya nen ka ibore daadaŋ ŋini emaikina eyai enen; kiteyenik ikes ŋakiro daadaŋ ŋuna adau Akuj atubun aŋuna a Akai a ŋin kaapei ka ŋikisila ŋulu iwuapitae a nen. Kigir ŋakiro ŋun daadaŋ alokiŋaren kec, ikotere ikes eruwor ŋulu iwuapete epite ŋolo itamitere Akai ŋin ka ŋulu iwuapete ŋakiro daadaŋ ŋuna adau Akuj atubun aŋuna a Akai a ŋin.

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Esek. 44:12

Nai aŋuna aponiata ŋilepi kitiyata etic aŋuna a ŋituŋa alokiŋaren ŋakujo kec, torikosi Ŋisirael nasecit, aŋun adau ayoŋ Ekapolon Akuj akikoŋ ekyaarit akan kaŋ atemar emaikina ikes kisicanae aŋuna ka asecit kec.

Mat. 15:6

nyitemokino iŋes ainakin papa keŋ ibore ŋin. Iŋes nai atemar ijamakis iyes akirot ka Akuj aŋuna a ŋitalyo kus.

Mat. 15:9

Nabo ilipete ikes neni kaŋ koŋin, anerae itatamete ikes ŋitalyo a ŋituŋa esibit ŋulu ka Akuj!’ ”

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋikis. 12:30

kedaun amunyar ŋituŋa ŋul, tocoito nyikimodiyar, iyes kitiyata ŋuna etiyaete ŋituŋa ŋul, nyiŋitanarosi ŋuna a ŋakujo kec ibasi, “alipite mono kilipyata ŋituŋa ŋul neni a ŋakujo kec? Acamit ayoŋ daŋ akitiya lopite ŋolo etiyaata ikes.”

Yos. 22:28

aponi isua totamakinae ebe, ‘Ani ketemasi ikes nen neni a ŋiletok kosi, eboŋokinete ikes atemar kiŋolikisi etorube lo ŋolo a Namuroet a ŋina ikwaan ka ŋina ke Ekapolon. Arae atapapaa kosi apotu todukokis Namuroet ŋin meere aŋuna a ŋainakineta a ŋuna epeyo, kori a ŋamuronisya nai erae esuuda kosi ka iyes.’

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;