2 Ŋirw. 14:16 - Ebaibul

¹⁶ Abu Yeoas totwana, tonukae akuwan keŋ neni anukitae ŋirwosi a Isirael. Kilunyokin Yeroboam ŋolo arae lokoku keŋ lokicoloŋ keŋ kipuka Isirael.

2 Ŋirw. 14:16 Iomraidhean Croise

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋirw. 1:21

Ani pa kisubak iyoŋ ŋun, epedorio ayoŋ ka lokoku kaŋ Solomon akituruwor ŋikasecak apaki ŋinapei ikinukakinere iyoŋ ekapolon kaŋ erwosit neni eya atapapaa kon.”

2 Ŋirw. 13:12

Ŋiticisyo a Yeoas ŋuluce daadaŋ ka daadaŋ ŋuna etiyae iŋes kaapei ka arwonu keŋ ŋina ajioto ka Amasia erwosit ŋolo a Yudaya, igiritae lokitaabo ŋolo a ŋakiro a ŋirwosi a Isirael.

2 Ŋirw. 13:13

Abu Yeoas totwana, tosodi Yeroboam kilunyokin lokicoloŋ keŋ kipuka Ŋisirael. Aponi tonukae akuwan a Yeoas Samaria neni anukitae ŋirwosi a Isirael.

2 Ŋirw. 13:9

Abu Yeowas totwana, tonukae akuwan keŋ Samaria, tosodi Yeoas ŋolo arae lokoku keŋ kilunyokin lokicoloŋ keŋ kipuka Isirael.

2 Ŋirw. 14:15

Ŋiticisyo a Yeoas ŋuluce daadaŋ ka ŋakiro ŋuna ka arwonu keŋ ta epite ŋolo etijio iŋes Amasia erwosit a Yudaya, igiritae lokitaabo ŋolo a ŋakiro a ŋirwosi a Isirael.

2 Ŋirw. 14:17

Kiboi Amasia erwosit a Yudaya ŋolo arae lokoku a Yoas ŋikaru ŋitomon ka ŋikan ketwana Yeoas erwosit a Isirael ŋolo arae lokoku a Yeowas.

2 Ŋirw. 14:23

Alokaru a ŋolo a ŋitomon ka ŋikan ipukat Amasia lokoku a Yeoas Yudaya, kisyak Yeroboam ŋolo a ŋiarei, lokoku a Yeoas a erwosit a Isirael akipuka Isirael alo Samaria, kipuka iŋes ŋikaru ŋatomoniomwon ka epei.

2 Ŋirw. 14:28

Ŋiticisyo a Yeroboam a ŋolo a ŋiarei ŋuluce daadaŋ ka daadaŋ ŋuna etiyae iŋes ka ŋuna a arwonu keŋ ta epite ŋolo ademunia iŋes ŋituŋa a Yudaya ŋitaunio Damasko ka Amas, igiritae lokitaabo ŋolo ŋakiro a ŋirwosi a Isirael.

1 Ŋakiro a ŋirwa 5:17

Kigiryo ŋirorwa ŋul daadaŋ eryaaritae a ŋolo esyaunan, apaki ŋina araakar Yosam erwosit ŋolo a Yudaya, torae Yeroboam ŋolo a ŋiarei erwosit ŋolo a Isirael.

Osea 1:1

Erae nu ŋakiro ŋuna ka Akuj ŋuna abu Ekapolon tolimok Osea lokoku a Beeri, alorwa a ŋulu a ŋirwosi a Yudaya a lu: Usia, Yasam, Aas ka Esekia ka alorwa a ŋulu a Yeroboam a ŋolo a Isirael a ŋolo arae lokoku a Yoas.

Amos 1:1

Erae nu ŋakiro ka Amos a ŋolo arae epei a ŋikeyokok alotaun a ŋolo anyaritae Tekoa. Abu Akuj kisileerek Amos aŋuna a Isirael alorwa a ŋulu epukator Usia Yudaya, kipukate Yeroboam lokoku a Yoas Isirael. Esileerekini Akuj Amos ŋakiro nu ŋikaru ŋiarei eriŋa nyeyakauna amaranikinet ka akwap.