2 Ŋirw. 12:5 - Ebaibul

⁵ Amaikina ŋolosacaradoti daadaŋ tolot neni a epei a ŋulu eŋadaete ŋisiliŋa, kijau ŋisiliŋa, yau kisitiyae asubakinia neni daadaŋ emunaara alo Kai ka Akuj.”

2 Ŋirw. 12:5 Iomraidhean Croise

1 Ŋirw. 11:27

Ŋakiro ŋuna aŋeryo Yeroboam erwosit ikes nu: Kebu Solomon toduk akititis ido kebu togolonok neni keorori anarwatata a ŋina ke etaun a Daudi a papa keŋ.

2 Ŋirw. 12:12

ŋulu ayenete akiduk a ŋamoru, ŋulu eciete totubutubuyete ŋamoru, agyelia ŋabaoi ka ekokote ŋolo eboŋonokinere akiduk Akai ka Akuj ta atacia ŋiboro ŋuluce daadaŋ.

2 Ŋirw. 12:4

Kirworik Yoas neni a ŋisacaradotin tema, “Kidyatakisi ŋisiliŋa daadaŋ ŋulu eyaununuyo Kai ka Akuj apaki ŋina emurore. Acunio ŋisiliŋa ŋul apaki ŋina imarere ŋituŋa, apaki ŋina ikoŋeneneere ka ŋulu eauni ituŋanan Kai ka Akuj anacamit keŋ.

2 Ŋirw. 12:6

Nai abu todol ekaru ŋolo a ŋatomoniarei ka ŋiuni ipukat Yoas, eriŋa ŋisacaradotin nyesubanakina Akai ka Akuj.

2 Ŋirw. 22:4

“Tolot neni a Ilikia a esacaradoti a ŋolo apolon nooi, tolimok iŋes kitemok ŋisiliŋa daadaŋ ŋulu adaun ayaun Kai ka Akuj, ŋisiliŋa ŋulu ecununuyete ŋiketeok a ŋipukei alotuŋa.

1 Ŋakiro a ŋirwa 29:6

Apotu nai ŋikarikok a ŋikalya, ŋikapolok a ŋikabilae a Ŋisirael, ŋikarikok a ŋasigarya a ŋalipulipui ka ŋamiamiae ta ŋikapolok ŋulu apolokinito etic ŋolo ke erwosit tocamut pa itiŋakinitae ainakin ŋainakineta aŋuna ka Akai ka Akuj.

1 Ŋakiro a ŋirwa 29:9

Apotu ŋituŋa tolelyana aŋuna aponiata ŋikarikok inakis alotooma acamit kec, apotu ikes inakis neni ke Ekapolon einakina a ŋitai kec a daadaŋ. Abu erwosit Daudi daŋ tolelyan nooi.

2 Ŋakiro a ŋirwa 24:5

Abu iŋes tocunak ŋisacaradotin ka ŋilepi tema neni kec, “Apesi lotaunio a Yudaya tocunut ŋisiliŋa aneni a Ŋisirael a daadaŋ aŋuna ka asubanakinia Akai ka Akuj kus a ŋolokaru ka kitiyata ŋun atipei.” Nai mam pa apotu ŋilepi kitiyata ŋun atipei.

2 Ŋakiro a ŋirwa 24:7

Apaki ŋin, aris ŋidwe ŋulusapa ŋulu ka Asalia a aberu a ŋina aronon a ŋin kituwokis Akai ka Akuj ka kisitiyata ŋiboro ŋulu a etal alo Kai ka Akuj akilipya neni a Baal.

Awos. 30:13

Ainakinet ŋina emaikina ŋinituŋanan igiryo yau iŋes na: Atutubet apei ŋina ke ecekel ŋina ipimim lotyae ŋolo epimere ecekel ŋolo aayeneneeo tooma Eema ŋolo iryamununoi (Arae ŋin atutubet apei alotooma ŋatomoniarei ŋuna ke ecekel.) Arae atutubet ke ecekel ŋin ainakinet neni ke Ekapolon.

Isa. 58:12

Edukokinio nabo ŋakais kus ŋunakoloŋ ŋuna aritanakina, idukokinete iyes ŋakais ŋuna a ŋanyemeta a ŋuna alalak; ikinyarao iyes ŋikadukokinak nabo ŋarwatatain ŋuna abwaŋabwaŋaara, ŋikewuakinak nabo ŋirotin a etaun ŋulu eya ŋakais nawae.

Ŋilep. 27:2

“Tolimok Ŋisirael ebe, ‘Ani ikiini Ekapolon ibore ŋini iriyan etiyae keŋ ka ŋolo a ituŋanan,

Ekim. 18:15

Ikiyae daadaŋ, kerae ŋini a ituŋanan, kori ŋini a etyaŋ, ŋini einakinitae neni a Ekapolon, eruwor ŋin kon, nai emaikina iyoŋ ikilokonyu ikiyae a ituŋanan ka ikiyae a ibarasit a ŋini itoroniyaritae daŋ emaikina iyoŋ ikilokonyu.