2 Ŋirw. 12:4 - Ebaibul

⁴ Kirworik Yoas neni a ŋisacaradotin tema, “Kidyatakisi ŋisiliŋa daadaŋ ŋulu eyaununuyo Kai ka Akuj apaki ŋina emurore. Acunio ŋisiliŋa ŋul apaki ŋina imarere ŋituŋa, apaki ŋina ikoŋeneneere ka ŋulu eauni ituŋanan Kai ka Akuj anacamit keŋ.

2 Ŋirw. 12:4 Iomraidhean Croise

1 Ŋirw. 3:2

Apaki ŋin, ariŋa ŋituŋa itiyaete ŋamuronisya anakiboisyo a ŋunamukur aneni elipeneneere. Arae ŋun aŋuna amamukar Akai ŋina adukitoe aŋuna ka akilipya Ekapolon.

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

1 Ŋirw. 7:1

Abu Solomon toduk akai keŋ a elope ŋikaru ŋitomon ka ŋiuni kiridak.

2 Ŋirw. 12:18

Abu erwosit Yoas ŋolo a Yudaya tocunak ŋainakineta daadaŋ ŋuna koloŋ keris ŋirwosi ŋulu ke ekiŋaren kitaleiyosi aruwor ŋuna einakinitae Akuj. Arae ŋirwosi ŋul Yeosapat ka Yeoram ta Aasia. Kiatak erwosit Yoas ŋainakineta keŋ neni a ŋuna a ŋirwosi a ŋul, kimorik kaapei ka egolid ŋolo ayai Kai ka Akuj ka ŋolo ayai kai ŋina ke erwosit. Tosodi kiyaki ŋituŋa ayaar ŋiboro ŋul daadaŋ neni ka Asael a erwosit ka Aram. Apotu nai Asael ka ŋasigarya keŋ toboŋosi kimyekis akirem Yerusalem.

2 Ŋirw. 12:5

Amaikina ŋolosacaradoti daadaŋ tolot neni a epei a ŋulu eŋadaete ŋisiliŋa, kijau ŋisiliŋa, yau kisitiyae asubakinia neni daadaŋ emunaara alo Kai ka Akuj.”

2 Ŋirw. 14:4

Nai pa aponi toukonoroe neni elipeneneere ŋakujo, aŋun, torubakis ŋituŋa emuroete ka einanakinete ŋainakineta nakujo.

2 Ŋirw. 15:4

Tari kikote nen daŋ, aponi nyeukonor neni elipeneneere neni a ŋakujo. Torubakis ŋituŋa emuroete ka einanakinete a nen ŋainakineta neni a ŋakujo.

2 Ŋirw. 16:4

Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

2 Ŋirw. 17:11

Inanakis ikes a nen ŋainakineta lopite ŋolo a ŋituŋa a ŋulu abu Ekapolon kirita alokiŋaren kec. Apotu ikes kitiyata ŋakiro ŋuna aronok, kitoŋoa Ekapolon.

2 Ŋirw. 22:4

“Tolot neni a Ilikia a esacaradoti a ŋolo apolon nooi, tolimok iŋes kitemok ŋisiliŋa daadaŋ ŋulu adaun ayaun Kai ka Akuj, ŋisiliŋa ŋulu ecununuyete ŋiketeok a ŋipukei alotuŋa.

1 Ŋakiro a ŋirwa 18:11

Abu Daudi inak ŋiboro ŋul daŋ neni ke Ekapolon kaapei ka esilipa ta egolid ŋolo erirauni iŋes anakwapin aŋuna abu iŋes kilou; ŋolo aris sek iŋes keinaki Ekapolon.

1 Ŋakiro a ŋirwa 29:17

Akuj kaŋ, ayeni ayoŋ atemar icamit iyoŋ ayenun ŋuna eyakasi lotau a ituŋanan, ido ilakara iyoŋ aŋuna a ŋini iyookino ka aŋuna ka akiyookino ke etau kaŋ, adau ayoŋ alotooma acamit kaŋ, ainakin ŋiboro lu daadaŋ, adau daŋ tokona akiŋolikin ŋituŋa kon, ŋulu tokona eyakasi ne, ŋulu ikiinakis iyoŋ ŋiboro alotooma acamit ka alelyanu.

2 Ŋakiro a ŋirwa 15:18

Abu iŋes yau Kai ka Akuj ŋainakineta ŋuna kebu papa keŋ Abiya kikoŋ ainakin aŋuna ka Akai ka Akuj ka ŋuna abu iŋes kikoŋ ainakin aŋuna ka Akai ka Akuj, ŋiboro ŋul ikes: Esilipa, egolid ka ŋiboro ŋulukipoet ta ŋulukimujet.

2 Ŋakiro a ŋirwa 31:12

Aponi nai anakiwuapit ŋakiro a erwosit, yaunae nen ŋainakineta, ŋatutubeta ŋuna alemyo alotooma ŋitomon a ŋinibore ka ŋainakineta ŋace ŋuna apotu ikes inakis neni ke Ekapolon; aponi toseunae Elepait ŋolo anyaritae Canania apolokin ŋainakineta ŋun ka lokaato keŋ Simei akiwuap iŋes alotic a ŋol.

2 Ŋakiro a ŋirwa 35:2

Abu Yosia kiwuanak ŋisacaradotin loticisyo kec, ido kisimukek ikes akitiya etic ŋolo ka Akai ke Ekapolon.

Esir 1:6

Apotu ŋikidunyet kec daadaŋ inanakis ikes ŋiboro ŋulu isitiyao alo Kai ka Akuj, ŋulu etiyaunitae a esilipa, inanakis ikes egolid, ŋiboro ŋulu egelegelya, ŋibaren ka ŋainakineta ŋuna epol egyelit pa imaritae ŋainakineta ŋuna ainakini ituŋanan anacamit keŋ a ilope.

Esir 2:69

Apotu ikes inakis ŋisiliŋa ŋulu ka akiduk Akai ka Akuj alotyae a ŋolo ke ebari kec, ani ecunakinio ŋainakineta ŋun daadaŋ arae ŋakiloi ŋamiae ŋakan ŋuna ke egolid, ŋakiloi ŋalipyo ŋaarei ka ŋamiae ŋakanikauni, ŋuna ke esilipa ka ŋikaasoi a ŋisacaradotin apeimiat.

Esir 7:16

yaa esilipa daadaŋ ka egolid ŋolo iryamuni iyoŋ anakwap a Babilon a daadaŋ ta ŋainakineta ŋuna elemunete ŋituŋa ka ŋisacaradotin anacamit kec a ŋikulepek aŋuna ka Akai ka Akuj alo Yerusalem.

Awos. 35:22

Apotu daadaŋ ŋikilyok ka ŋaberu ŋulu acamunito alotai kec, yaut ŋinapito kec ŋulu ke egolid ŋulu agelegelya, ikwapei ŋinapen ŋulu a ŋaki, ŋamarotoi, ŋikabobooe, ŋalaga ka ŋice daadaŋ ŋulu etiyaunitae ke egolid. Apotu ikes yaut ŋul inakis neni ke Ekapolon.

Awos. 35:29

Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.

Awos. 35:5

Alotooma ibore ŋini iyakar iyoŋ ŋinituŋanan daadaŋ, ya ainakinet adio neni ke Ekapolon. Ituŋanan daadaŋ ŋini ecamit ainakin Ekapolon ainakinet, emaikina yau egolid, esilipa ka eburonis;

Awos. 36:3

Inak Moses ikes ŋainakineta daadaŋ ŋuna apotu Ŋisirael yaut aŋuna ka adukio akibois ŋina Asegan. Apotu ŋituŋa torubakis a ŋina taparacu eyaununeete ŋainakineta emam akitiŋakinit.

Ŋilep. 27:31

Ani kecamit ituŋanan alakun aneni ke Ekapolon adio a ŋainakineta keŋ, emaikina kiyatak lotyae ka ainakinet a ŋin atutubet apei alotooma ŋikan.

Luk. 21:4

anerae ecakanakinete ŋuluce daadaŋ ŋisiliŋa ŋulu erae ŋipiya alobari kec. Nai acakaki apuserut ŋin anakulyako keŋ ŋulu daadaŋ ayakar ka edaritor akeekiyar.”