2 Ŋirw. 12:18 - Ebaibul

¹⁸ Abu erwosit Yoas ŋolo a Yudaya tocunak ŋainakineta daadaŋ ŋuna koloŋ keris ŋirwosi ŋulu ke ekiŋaren kitaleiyosi aruwor ŋuna einakinitae Akuj. Arae ŋirwosi ŋul Yeosapat ka Yeoram ta Aasia. Kiatak erwosit Yoas ŋainakineta keŋ neni a ŋuna a ŋirwosi a ŋul, kimorik kaapei ka egolid ŋolo ayai Kai ka Akuj ka ŋolo ayai kai ŋina ke erwosit. Tosodi kiyaki ŋituŋa ayaar ŋiboro ŋul daadaŋ neni ka Asael a erwosit ka Aram. Apotu nai Asael ka ŋasigarya keŋ toboŋosi kimyekis akirem Yerusalem.

2 Ŋirw. 12:18 Iomraidhean Croise

1 Ŋirw. 14:26

Kiwok ebari ŋolo ayai Kai ke Ekapolon ka ebari ŋolo ayai kai ke erwosit, ya ibore daadaŋ alo Yerusalem, ya tari ŋaupala daadaŋ ŋuna etiyat Solomon a egolid.

1 Ŋirw. 15:18

Aŋun nai, abu Asa tolemu esilipa daadaŋ ka egolid ŋolo edoŋit lositowae ŋulu ka Akai ke Ekapolon ka lositowae ŋulu ka akai ke erwosit, inak ŋiboro ŋul neni a ŋiketiyak keŋ. Kiyakiya Asa ŋiketiyak keŋ ŋul neni a erwosit Ben-Adad a lokoku a Tabirimon a ŋolo arae lokoku ka Esion a ŋolo alo Aram. Eboi Ben-Adad alo Damasko apaki ŋin. Temasi ŋiketiyak ŋul neni a Ben-Adad abala Asa,

2 Ŋirw. 12:19

Ŋiticisyo a Yoas ŋuluce daadaŋ ka ŋuna daadaŋ etiyat iŋes, igiritae lokitaabo ŋolo a ŋakiro a ŋirwosi a Yudaya.

2 Ŋirw. 12:4

Kirworik Yoas neni a ŋisacaradotin tema, “Kidyatakisi ŋisiliŋa daadaŋ ŋulu eyaununuyo Kai ka Akuj apaki ŋina emurore. Acunio ŋisiliŋa ŋul apaki ŋina imarere ŋituŋa, apaki ŋina ikoŋeneneere ka ŋulu eauni ituŋanan Kai ka Akuj anacamit keŋ.

2 Ŋirw. 14:14

Tocuna iŋes egolid ka esilipa daadaŋ ta ŋiboro daadaŋ ŋulu aya Kai ka Akuj ka ka ŋisiliŋa ŋulu aya kai ŋina ke erwosit. Abu daŋ toriko ŋituŋa ŋulu aponi yaarae Samaria.

2 Ŋirw. 16:8

Tolemu Aas esilipa ka egolid ŋolo ayai Kai ka Akuj kaapei ka ŋiboro ŋulu ajokak ŋulu alokai ke erwosit, kiyakiya erae ainakinet neni ke erwosit a ŋolo ka Asiriya.

2 Ŋirw. 8:12

Kiŋit Asael iŋes tema, “Kaanukiro igworor iyoŋ Ekapolon?” Toboŋok Elisa iŋes tema, “Egworo ayoŋ anerae ayeni aronis ŋina ilosi iyoŋ akitiyakin Ŋisirael: Icunyakini iyoŋ ŋitaunio kec, iari ka atum ŋisorok kec, iryedanari ŋiŋwea kec, tosodi topuununu ŋidwe anakokyes a ŋaberu a ŋuna epotiyete.”

2 Ŋakiro a ŋirwa 16:2

Aŋun, abu Asa ya esilipa ka egolid ŋolo eŋadatae Kai ka Akuj ka ŋolo eŋadatae kai ke erwosit, kiyakiya neni a Benadad a erwosit ka Aram a ŋolo eboi alo Damasko. Tema Asa neni a Benadad,

2 Ŋakiro a ŋirwa 24:17

Kedau Yekoiyada atwanare, apotu ŋikarikok a Yudaya potu neni a Yoas a erwosit, toryediko alokiŋaren keŋ kijuuruoto, topupok erwosit ŋakiro kec.

Yoel 3:5

Etiyae ayoŋ ŋun, anerae iyaasi iyes esilipa kaŋ ka egolid kaŋ, ido iwokosi ebari kaŋ nakais a ŋakujo kus.