2 Ŋirw. 11:19 - Ebaibul

¹⁹ Tonyara iŋes ŋikarikok a ŋasigarya ka ŋulu anayona a ŋuna enyaritae Ŋaceri ta ŋasigarya ŋuna eteok kaapei ka ŋituŋa daadaŋ ŋulu ka akwap a ŋin, tosodi yaunae erwosit alo Kai ka Akuj, kitorunere lokek ŋolo aya ŋiketeok, ido yaarae kai ŋina ke erwosit, kisiboikinoe lokicoloŋ a ŋirwosi.

2 Ŋirw. 11:19 Iomraidhean Croise

Akisy. 37:36

Kepotu Ŋimidian togyelasi Yosepu neni a Potipar, a Ejipitanoit a ŋolo arae epei a ŋikepukak a Parao, ŋolo apolokinit ŋisigarya.

1 Ŋirw. 1:13

Kionyak atipei neni a Daudi a erwosit tolimok iŋes ebe, ‘Mam mono ekapolon kaŋ erwosit pa ibu iyoŋ kikoŋ neni a aketiyan kon atemar eruwor lokoku kon Solomon ilunyi lorot kon aruwor erwosit a? Kaanukiro nai eruworor Adonia erwosit?’

1 Ŋirw. 14:27

Aŋun, abu erwosit Reoboam kitiyau ŋaupala ŋace, a eburonis kilunyok neni a ŋuna aponi tolemarae; inak iŋes ŋun neni a ŋulu apolokinito ŋulu eteete ŋipukei a akai ke erwosit.

1 Ŋakiro a ŋirwa 29:23

Aŋun, abu Solomon kiboikin ikwapei erwosit lokicoloŋ ŋolo esyakini Ekapolon, kilunyokin nakibois a papa keŋ Daudi. Arae iŋes erwosit ŋolo etiyae ŋinibore daadaŋ ejok, ido apotu ŋituŋa alo Isirael daadaŋ kiwuapa iŋes.

2 Ŋakiro a ŋirwa 23:19

Abu daŋ Yeoiyada kiwuak ŋituŋa akitere ŋipukei ŋulu ka Akai ka Akuj, ikotere nyeloma Kai ka Akuj ituŋanan idio ŋini nyitaleuno.

2 Ŋakiro a ŋirwa 23:20

Torukosi nai Yeoiyada ka ŋikarikok a ŋasigarya, ŋikapolok ka ŋikepukak ta ŋituŋa a Yudaya daadaŋ, totiyaunotor erwosit alo Kai ka Akuj, toloto kai ŋina ke erwosit kitorere lopuke ŋolo ayai neni amukur, ido kisiboikis erwosit lokicoloŋ ŋolo a apukan.

2 Ŋakiro a ŋirwa 23:5

atyaket ŋina a ŋaarei tolot akitere akai ŋina ke erwosit ka atyaket ŋina a ŋauni tolot akitere epuke ŋolo enyaritae epuke ŋolo ka Akisyakinet. Ŋituŋa ŋuluce daadaŋ, emaikina kiboiyoto analapatui a ŋuna ka Akai ke Ekapolon.

Yer. 17:25

iŋes nai elomuniata alopukei a etaun a lo ŋirwosi ŋulu icoloŋete ekicoloŋ ŋolo ka apukan a Daudi, edokito ŋagaari ŋuna iritae a ŋaŋolei ka edokito ŋaŋolei, ikes kaapei ka ŋikapolok ŋulu ipukatotor ikes, ŋituŋa a Yudaya ka ŋituŋa ŋulu iboiyete alo Yerusalem. Iboikinosi nai ŋituŋa lotaun lo ŋikaru ka ŋikaru.

Yer. 22:30

Alimu Ekapolon ebe, ‘Toyena ekile lo erae ituŋanan ŋini emam ŋidwe, ekile ŋolo nyepedori akisiyookin ŋadi anakiyar keŋ; anerae mam ikoku keŋ ebuni akipuka alokicoloŋ a Daudi kipuka nabo alo Yudaya.’ ”

Yer. 22:4

anerae kiwuapa kire iyes ŋakiro ŋun, elomunete alopukei a lu ŋirwosi ŋulu icoloŋete ekicoloŋ ŋolo ka apukan a Daudi, edokito ŋagaari ŋuna iritae a ŋaŋolei ka edokito ŋaŋolei kaapei ka ŋiketiyak kec ka ŋituŋa kec.

Mat. 19:28

Tolimok Yesu ikes tema, “Kire akalimokini ayoŋ iyes atemar, anakwap a ŋina kitete apaki ŋina iboikinor Lokoku a Ituŋanan lokicoloŋ ŋolo ka apolou keŋ anakuj, iboikinosi iyes daŋ ŋulu ikiwuapakis ayoŋ lokicoloŋo ŋulutomon ka ŋiarei, atubonokin ŋatekerin ŋunatomon ka ŋaarei ŋuna a Isirael.

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.