2 Ŋirw. 11:17 - Ebaibul

¹⁷ Abu Yeoida ŋolo arae esacaradoti kiwuak acamunet kidiŋ Ekapolon ke erwosit ta ŋituŋa, ikotere toruworos ikes ŋituŋa ke Ekapolon. Kiwuak daŋ acamunet kidiŋ erwosit ka ŋituŋa.

2 Ŋirw. 11:17 Iomraidhean Croise

2 Sam. 5:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ.

2 Ŋirw. 11:4

Ani edolete ŋikaru a Yoas ŋikanikaarei, tonyarau Yeoida ŋolo arae esacaradoti ŋikarikok a ŋasigarya a ŋuna atyakatyakatae erae ŋamiae ka ŋasigarya ŋuna a lowae a ŋolo a ŋayona a ŋuna enyaritae Ŋaceris ta ŋasigarya ŋuna eteok erwosit, aponare Kai ka Akuj. Kiwuak iŋes acamunet kidiŋ keŋ ka ikes, kisikoŋ ikes alo Kai ka Akuj; kitoodiya nai ikes neni a Yoas a lokoku a erwosit.

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

1 Ŋakiro a ŋirwa 11:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ lopite ŋolo alimunitor Ekapolon aneni a Samuel.

2 Ŋakiro a ŋirwa 23:16

Abu nai Yeoiyada esacaradoti kiwuak Acamunet kidiŋ keŋ ka ŋituŋa daadaŋ kaapei ka erwosit ikotere ikes eruworosi ŋituŋa a Ekapolon.

2 Ŋakiro a ŋirwa 29:10

Acamit tokona ayoŋ acamun ke Ekapolon Akuj a Isirael, ikotere nyebu neni yok anyunyura keŋ ŋina aryenyaanan.

2 Ŋakiro a ŋirwa 34:31

Towo erwosit Yosia anakibois a ŋina sek iboiyonokin iŋes, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol.

Esir 10:3

Aŋun tokona, ocamunos iwon alokiŋaren Akuj yok, eritasi ŋaberu ŋun daadaŋ ka ŋidwe kec lopite ŋolo adauniata ekapolon yok ka ŋulu itopoloorito ŋakiciketa ŋuna ka Akuj yok alimokin iwon, emaikina kitiyae ŋun ikwaŋina elimunitor ekisil.

Neem. 9:38

Aŋuna a ŋakiro a ŋun a daadaŋ, ikicamuni isua ka igiryo acamunet, ido igiryo nakipucakinet ŋirorwa a ŋikepukak kosi, a ŋilepi ka a ŋisacaradotin.

Yer. 34:8

Erae nu ŋakiro ŋuna abu Ekapolon kirwor neni a Yeremia kedau erwosit Sedekia acamun ka ŋituŋa ŋulu eboiyete alo Yerusalem akiseraun alacakino a ŋituŋa.

2 Ŋikor. 8:5

Apotu ikes kitiyata ŋun--ŋuna pa atamakinitae isua tari iwadio! Ŋina eŋarenon, apotu ikes inakinos neni ke Ekapolon; ani ekaku aŋuna ka acamit a ŋina ka Akuj, apotu ikes inakinos neni kosi.

Yos. 24:25

Akoloŋit ŋina acunakinitor Yosua Ŋisirael Sekem, abu iŋes towoik ikes anacamunet ke Ekapolon, ayakasi nacamunet ŋin Ŋikisila ka ŋakiro ŋuna amaikina Ŋisirael kiwuapa.

1 Sam. 10:25

Tolimok nai Samuel ŋituŋa ŋakiro ka arwosiyo ŋuna itemokino kiwuapae ka kitiyae. Kigirak Samuel ŋakiro ŋun lokitaabo, ido ya ekitaabo kiwuak neni etaletoi. Tolimok nai ŋituŋa daadaŋ toboŋosi lorerya kec.