2 Ŋirw. 11:12 - Ebaibul

¹² Yau nai Yeoida esacaradoti, lokoku a erwosit kiŋa, kitanap ebokot, inak ŋakiro ŋuna ka acamunet aruwor erwosit, temasi ŋituŋa, “ Erae iŋes erwosit, ” Kedaut alimun kiosae Yoas a akimyet. Toramakis ŋituŋa ŋakan kec, tocelut temasi, “Ikigasi isua torubak erwosit eyari!”

2 Ŋirw. 11:12 Iomraidhean Croise

2 Sam. 1:10

Aŋun, abu ayoŋ olot neni keŋ, ido oar iŋes, anerae ayeni ayoŋ atemar nyepedori iŋes akiyar kisyakinit akirakanar. Abu ayoŋ olemu ebokot ŋolo anapit iŋes anakou ka apokot ŋina anapit iŋes anakan, ayau ayoŋ ŋiboro ŋul ne neni kon ekapolon kaŋ.”

2 Sam. 12:30

Tolacu Daudi ebokot ŋolo anapit Milikom anakou. Arae apotis a ebokot a ŋol ŋakiloi a egolid ŋuna aapiyarito 34, ido ewuakinitae tooma keŋ amoru ŋina epol egyelit. Abu Daudi kiwuak amoru ŋin lobokot keŋ a elope. Abu Daudi yau tari ŋiboro ŋulu alalak nooi, ŋulu aŋatuni iŋes alotaun a ŋol.

2 Sam. 16:16

Ani ebuni Earikait ŋolo anyaritae Usai, lokone a Daudi neni ka Abusalom, tema iŋes neni ka Abusalom, “Agasi ayoŋ torubak iyoŋ erwosit iyari!”

2 Sam. 2:4

Apotu nai ŋituŋa alo Yudaya potu Eburon, kituruwosi Daudi a nen erwosit ŋolo a Yudaya. Ani elimokinete ikes Daudi ŋakiro nu ebe, “Arae ro ŋituŋa a Yabes-Gilead apotu tonuka Saul,”

2 Sam. 2:7

Aŋun, totitinyoto ka todedeŋiata, anerae atwana Saul ekapolon kus, ido adaut ŋituŋa a Yudaya aseun ayoŋ aruwor erwosit kec.”

2 Sam. 5:3

Aŋun, tocunun ŋikasikou alo Isirael daadaŋ Eburon neni a Daudi, ido tocamunos erwosit Daudi ka ikes alo Eburon alokiŋaren Ekapolon. Toseut nai ikes Daudi kituruwosi erwosit a Isirael daadaŋ.

1 Ŋirw. 1:25

Eŋita ayoŋ nu, anerae akoloŋit na, atiyaar iŋes kwap ama, ido aar ikwapei ŋamuronisya ŋimoŋin, ŋitak ŋulu atumak ka ŋamesekin ŋuna alalak nooi. Anyaraiya iŋes ŋidwe a erwosit ŋulusapa daadaŋ ta Yoab ŋolo erae ekarikon ajore ka esacaradoti Abiasar. Imujete ka emasete tokona ikes aloŋaren Adoniya, ido ebasi, ‘Ikigasi isua torubak erwosit Adoniya eyari.’

1 Ŋirw. 1:34

Ani idolete nen, tolimokis esacaradoti Sadok ka ekadwaran Nasan kiosakis iŋes akimyet kituruwosi erwosit a Isirael. Ani ekaku, tokutakis arupepe temasi, ‘Ikigasi isua torubak erwosit Solomon eyari.’

1 Ŋirw. 1:39

Ani edolete ikes nen, tolemu esacaradoti Sadok amomwara ŋina eyai akimyet alo eema, ido kiosak akimyet neni a Solomon. Tokutakis nai arupepe, temasi ŋituŋa daadaŋ “Ikigasi isua torubak erwosit Solomon eyari.”

1 Ŋirw. 2:44

Tema daŋ erwosit neni a Simei, “Iyeni iyoŋ alotau kon aronis daadaŋ ŋina ibu iyoŋ kitiya neni a papa kaŋ a Daudi; aŋun, ikitoboŋokini Ekapolon iyoŋ aronis kon.

2 Ŋirw. 11:11

Tosodo ŋasigarya totaka ŋakwaaras kec iwuakinito erwosit kidiŋ kec alo Kai ka Akuj, kibaka ŋinapei alowae a ŋolo alo Kwap akitodol lowae ŋolo alo Kuju.

2 Ŋirw. 11:2

Nai abu Yeoseba nakoku a Yoram a erwosit, ŋina arae nakaato keŋ ka Aasia kinunaiya Yoas lokoku keŋ ka Aasia alokidiŋ ŋidwe ŋulu ke erwosit ŋulu acamitae akiar; kiwua Yeoseba iŋes ka aketen keŋ anagule ikotere Asalia nyear.

2 Ŋirw. 11:4

Ani edolete ŋikaru a Yoas ŋikanikaarei, tonyarau Yeoida ŋolo arae esacaradoti ŋikarikok a ŋasigarya a ŋuna atyakatyakatae erae ŋamiae ka ŋasigarya ŋuna a lowae a ŋolo a ŋayona a ŋuna enyaritae Ŋaceris ta ŋasigarya ŋuna eteok erwosit, aponare Kai ka Akuj. Kiwuak iŋes acamunet kidiŋ keŋ ka ikes, kisikoŋ ikes alo Kai ka Akuj; kitoodiya nai ikes neni a Yoas a lokoku a erwosit.

2 Ŋirw. 9:13

Apotu ŋikapolok a ŋasigarya daadaŋ ŋulu sek arukito ka Yeu tolacut ŋilowi kec atipei, topetakis neni edokere elomaryo kai, towo Yeu a nen. Tokutakis ikes ŋarupepe tocelut ebasi, “Yeu iŋes erae erwosit!”

2 Ŋirw. 9:3

Tolemu nai ecupa ŋolo eyai akimyet, tobukok nakou keŋ, tema, ‘Ebala Ekapolon, ekeosak ayoŋ iyoŋ akimyet kotere toruwor erwosit a Isirael.’ Ani irikakin, toŋaa atipei ekek tomatar mam adidikin.”

2 Ŋakiro a ŋirwa 23:11

Yau nai Yeoiyada Yoas lokoku a erwosit kiŋa, kitanap, inak ŋakiro ŋuna ka Acamunet keŋ ka ŋituŋa a Yudaya, kiserata ŋituŋa atemar erae Yoas erwosit, ido apotu Yeoiyada ka ŋidwe keŋ ŋulusapa kiosa Yoas a akimyet, kituruwosi erwosit; tocelut ŋituŋa daadaŋ temasi, “Ikigasi isua torubak erwosit eyari!”

Esta 2:17

Abu erwosit tominak Esta nooi akilo ŋaberu ŋunace daadaŋ; alokidiŋ ŋapesur ŋuna pa eryamakina ka ŋikilyok ŋuna abu erwosit taanyu, abu Esta tojoik erwosit, ido abu erwosit tominak iŋes. Aŋun, abu erwosit kiwuak ebokot nakou ke Esta, kituruwo iŋes arwosit kilunyokin neni a Basiti.

Esta 6:8

Emaikina yaunae ŋilowi ŋulu ka apolou ŋulu enapenene erwosit kitanapikinae ekile ŋol, yaunae aŋole ŋina edokenene erwosit itanapikinitae ebokot nakou.

Ŋikiru. 132:18

Esurumi ayoŋ ŋimoe a erwosit a ŋol ŋileec, nai apukan keŋ, elosi kiŋaren ejok ka egogoŋior.”

Ŋikiru. 21:3

anerae ibu iyoŋ kisiryam iŋes inak ebari; ibu iyoŋ kiwuak ebokot ŋolo ke egolid nakou keŋ.

Ŋikiru. 21:4

Abu iŋes kiŋit akiyar aneni kon, ido ibu iyoŋ inak iŋes; ibu iyoŋ inak iŋes ŋiletok torubakis ipukato ŋikaru ka ŋikaru.

Ŋikiru. 47:1

Iyes ŋituŋa daadaŋ toramakisi ŋakan kus, kitoodiunito alelyan kus, kipuro Akuj ieosi nooi,

Ŋikiru. 78:5

Abu iŋes kiwuak ŋakiciketa aŋuna aŋiletok a Yakob, abu iŋes kiwuak ŋikisila a Ŋisirael, ŋulu abu iŋes kicik atapapaa yok kitatama neni a ŋidwe kec;

Ŋikiru. 89:39

Iŋer iyoŋ acamunet kon ka erwosit kon, ilema iyoŋ apolou aneni keŋ.

Ŋikiru. 98:8

Ŋaŋololin, toruutu esibit eramete ŋituŋa ŋakan ŋikamukumukui tolelyana kaapei;

Awos. 25:16

Kiwuak Nasaduku ŋin ŋamoru ŋunadapal ŋaarei ŋuna abuni ayoŋ ainakin iyoŋ.

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Isa. 55:12

“Ilosete iyes alo Babilon ilakara ka ikitenaryo nakwap kus a ekisil; eokinete ŋimoru ka ŋikamukumukui alokiŋaren kus ka eramakinete ŋikito ŋulu a ŋimanikorin ŋakan kec.

Isa. 8:16

Torucokina anakiteyenikineta, ŋikasyomak kaŋ,

Isa. 8:20

ka aŋuna ka akitatamya ta ayenunia ŋuna emaikina kitiyae a?” Kire jik ŋituŋa ŋulu irworosi lopite ŋol nyerubakinete eyarete.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Dan. 3:9

Temasi neni a erwosit Nebukadinesar, “Okoe erwosit, kiboi ŋikaru ka ŋikaru!

Dan. 6:21

Tema nai Daniel neni a erwosit, “Okoe erwosit, iboi iyoŋ ŋikaru ka ŋikaru!

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Mat. 27:29

Toyeut nai aikit ŋina a ŋikukwa kiwuakis nakou keŋ, kiwuakis akasirimaete daŋ nakan keŋ ŋina aloteten; toryediko nai alokiŋaren keŋ tokyenatar iŋes ebasi, “Maata erwosit a Ŋiyudayan!”

Ŋitic. 4:27

Anerae kire alotaun a lo, apotu Erode ka Ponitio Pilato ka ŋibukui ŋulu pa arae Ŋiyudayan ta ŋituŋa ŋulu a Isirael kitepega Yesu, eketiyan kon ŋolo asegan ŋolo ibu iyoŋ kituruwo Messia.

2 Ŋikor. 1:21

Akuj alope iŋes ikimorik isua ka iyes alotooma Kristo ka Akuj alope ikityaku iwon,

Ŋibur. 1:9

Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

Ŋibur. 2:9

Nai erae Yesu ŋolo aponi kitiditeunae apaki ŋina diouriyen akilo ŋimalaikan, etakani tokona einakinitae apolou ka akerit, anerae abu iŋes tocamu atwanare; aŋuna ka ajokis a ŋina ka Akuj etemokino iŋes totwan aŋuna a ŋituŋa a daadaŋ.

Akis. 19:12

Ekote ŋakonyen keŋ arira ka anapit ŋatoryet ŋuna alalak. Egiritae ekiro neni keŋ, nai amam ituŋanan ŋini ayeni, mati elope.

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 10:24

Kiŋit Samuel ŋituŋa daadaŋ tema, “Iŋolikis iyes ekile ŋolo aseu Ekapolon a? Mam ituŋanan ikwaanatar iŋes alotuŋa a daadaŋ.” Tocelut ŋituŋa daadaŋ temasi, “Ikigasi torubak erwosit eyari!”

1 Sam. 16:13

Tolemu nai Samuel amomwara ŋina ayai akimyet, kiosak akimyet lodya alokiŋaren ŋikaitotoi keŋ. Ameun akoloŋit ŋin, abu etau ŋolo ke Ekapolon min neni a Daudi nooi. Torotok nai Samuel a nen toboŋo Rama.